atewamethod
13-07-2003, 03:00 PM
السلام عليكم ورحمة الله وبركاته
كيف حالكم أموركم طيبة إن شاء الله
أسس القيادة في ليبيا - دروس من مدارس تعليم القيادة
طبعا في قواعد مرور في وسط البلاد لازم كل واحد يعرفها :-
1- ما تخليش مسافة أمان بينك وبين السيارة اللي قدامك لعدة أسباب :
أ- حتجي سيارة ثانيا تستغل الفراغ اللي أنت خليته وكل اللي كسبته أنك وخرت شوية للخلف.
ب- أنت هكي تعطي فرصة للصغار باش يجروا قدام السيارة
ج- كل المشاة حايغمضوا عيونهم ويقصوا من قدامك.
د - سواق السيارة اللي وراك حايسمعك شوية قصائد أدبية مش للضي.
وكان أيفيكو والله ماعنده مشكلة وخصوصا ذوي الشعارات ( أنبيعك علي خاطر ربع )
2- لو سيارتك عكاري (عقرب ريح) أنت ملك الطريق ما زيك حد والكل يديرلك ألف حساب وطبعا حتمشي علي مبدأ الخنفورة ( اللي خايف على قربوعته يوسع )
(مبدأ الخنفورة ) : اللي يخش بخنفورة سيارته الأول هو صاحب الأولوية .
((ملحوظة)) ماتطبقش مبدأ الخنفورة مع تاكسيات الربع (الإفيكو).
3- الفليتشات والقمبري وباقي الأشارات تكشف نواياك للأعداء لذلك ردبالك تستخدمها .
4- كانا وقفك شرطي مرور وماعندكش علي شن تتكي حاول أحد الطرق التالية:
أ- فنص فيه وحاول تتسلح بشوية تكشيخات( جو أنا باور ) ورد بالك تستعمل كلمة زميل ( زوى عليها الفيل يزبطوووك)
ب- كانا باين عليه مش ولد بلاد حاول تجبد أصل شجرة العائلة بالك يطلع ولد سيد ولد عم ولد جيران صاحبك.
5- كان مش واقف في الستفة الأولي قدام الأشارة بيب بشكل متواصل وأستفزازي ( كان هذا والله مامعبرك واحد )
6- حاول بقدر الأستطاعة أن تتجنب سيمافرو سيدي المصري ( المقبرة ) . وسيمافرو المنصورة ( أرض الموت).
7- كان شلع السيمافرو أحمر خود قاعدة كلما قصيت أسرع كلما نقص أحتمال أنك تخبط السيارة.
8- ماتعدلش علي أي واحد يدير تجاوز لأن بعدين مش راح اتحز حتقعد تشوف فيهم وماتلهاش في الطريق .
9- مادرسش قدام المحلات لأن كل محل له ملكية الطريق اللي قدامه ويقدر ايدير للسيارة أي حاجة ( يدفها في نص الطريق , يطبق القومة)
10- أحترس من هذه النوعيات من السواقين:
أ- الشيابين بكافة أنواعهم ( مدي النظر متر لقدام )
ب-البناويت اللي كيف واخدين الرخصة نيو( لما تجي قدامهم سيارة فجأة أول حاجة يديروها ايغمضوا عيونهم.
ج - الجماعة المتصندلة ( النوعية هذي والله ماتشوف في حاجة .
د - سواقين التاكسي ربع ( عمرك ماتسوق وراهم يبيعوك بربع جنيه زي ماقلنا سابقا ).
ملحوظة : لو صار ما صار ماتحاولش تقنعهم انهم غالطين.
شنو رايكم
مع تمنياتي للجميع بقيادة موفقة
كيف حالكم أموركم طيبة إن شاء الله
أسس القيادة في ليبيا - دروس من مدارس تعليم القيادة
طبعا في قواعد مرور في وسط البلاد لازم كل واحد يعرفها :-
1- ما تخليش مسافة أمان بينك وبين السيارة اللي قدامك لعدة أسباب :
أ- حتجي سيارة ثانيا تستغل الفراغ اللي أنت خليته وكل اللي كسبته أنك وخرت شوية للخلف.
ب- أنت هكي تعطي فرصة للصغار باش يجروا قدام السيارة
ج- كل المشاة حايغمضوا عيونهم ويقصوا من قدامك.
د - سواق السيارة اللي وراك حايسمعك شوية قصائد أدبية مش للضي.
وكان أيفيكو والله ماعنده مشكلة وخصوصا ذوي الشعارات ( أنبيعك علي خاطر ربع )
2- لو سيارتك عكاري (عقرب ريح) أنت ملك الطريق ما زيك حد والكل يديرلك ألف حساب وطبعا حتمشي علي مبدأ الخنفورة ( اللي خايف على قربوعته يوسع )
(مبدأ الخنفورة ) : اللي يخش بخنفورة سيارته الأول هو صاحب الأولوية .
((ملحوظة)) ماتطبقش مبدأ الخنفورة مع تاكسيات الربع (الإفيكو).
3- الفليتشات والقمبري وباقي الأشارات تكشف نواياك للأعداء لذلك ردبالك تستخدمها .
4- كانا وقفك شرطي مرور وماعندكش علي شن تتكي حاول أحد الطرق التالية:
أ- فنص فيه وحاول تتسلح بشوية تكشيخات( جو أنا باور ) ورد بالك تستعمل كلمة زميل ( زوى عليها الفيل يزبطوووك)
ب- كانا باين عليه مش ولد بلاد حاول تجبد أصل شجرة العائلة بالك يطلع ولد سيد ولد عم ولد جيران صاحبك.
5- كان مش واقف في الستفة الأولي قدام الأشارة بيب بشكل متواصل وأستفزازي ( كان هذا والله مامعبرك واحد )
6- حاول بقدر الأستطاعة أن تتجنب سيمافرو سيدي المصري ( المقبرة ) . وسيمافرو المنصورة ( أرض الموت).
7- كان شلع السيمافرو أحمر خود قاعدة كلما قصيت أسرع كلما نقص أحتمال أنك تخبط السيارة.
8- ماتعدلش علي أي واحد يدير تجاوز لأن بعدين مش راح اتحز حتقعد تشوف فيهم وماتلهاش في الطريق .
9- مادرسش قدام المحلات لأن كل محل له ملكية الطريق اللي قدامه ويقدر ايدير للسيارة أي حاجة ( يدفها في نص الطريق , يطبق القومة)
10- أحترس من هذه النوعيات من السواقين:
أ- الشيابين بكافة أنواعهم ( مدي النظر متر لقدام )
ب-البناويت اللي كيف واخدين الرخصة نيو( لما تجي قدامهم سيارة فجأة أول حاجة يديروها ايغمضوا عيونهم.
ج - الجماعة المتصندلة ( النوعية هذي والله ماتشوف في حاجة .
د - سواقين التاكسي ربع ( عمرك ماتسوق وراهم يبيعوك بربع جنيه زي ماقلنا سابقا ).
ملحوظة : لو صار ما صار ماتحاولش تقنعهم انهم غالطين.
شنو رايكم
مع تمنياتي للجميع بقيادة موفقة