أنا مداير منتدى في لايكوس ومداير الكود متع أزالة الدعايات
لكن شكله مش مداير حل ( مع العلم أن البنر اللي على اليمين واللي فوق تنحوا .. لكن قاعد في حاجات صغيرة )
المهم أنا نعرف أن في المنتديات نكتب الكود في الهيدر
آهو نعطيكم الهيدر وحطوه بمعرفتكم لأني مانعرفش وين نكتبه ..
ومشكورين مقدما .. الهيدر في الفايل المرفق

شن نوع المنتدي اللي بتركبه!

و عالعموم انت حط الكود قبل
</head>
و اني نزلت الملف اللي اضفته , لكن يا ريت تقولي وين لقيت هذا الملف لأن مفيشي </head>

انا عندى نفس المشكله
موقعى فى اللوكس والدعايه جايه زى الشوكه فى الحلق
ممكن تعلمونا كيف انحوها:rolleyes:

خوي فيقاترون
أنا مداير منتديين واحد vb والتاني Phpbb
والحال مش ماشي مع الزوز
والمشكلة التاني مافيشي ملف Header أصلا فكيف الدبارة .. :q:
ومشكور على الأهتمام

ما هو منتدي الفي بي مفيشي ملف للهيدر

في ملف واحد فيه التمبليتس كلها, لكن تقدر تعدل الهيدر من لوحة التحكم
انت خش لوحة التحكم و من العمود اللي علي اليسار تلقي كلمة Templates
و تحتها تلقي Modify رص عليها
و في الصفحة اللي بعدها تلقي وصلة اسمها[expand list]
رص عليها , زي الصورة هذه
httP://members.lycos.co.uk/vegatron3/thevega/vb_header1.jpg

بعدها انزل لأسفل الصفحة اللي بعدها و رص علي و تحت قائمة User Info Display Templates
تلقي كلمة headinclude و جنبها كلمة edit رص علي الedit
زي الصورة هذه
httP://members.lycos.co.uk/vegatron3/thevega/vb_header2.jpg


و خلاص في الصفحة اللي بعدها تقدر تعدل في الهيدر و بعد ما تكمل التعديل رص علي كلمة save
httP://members.lycos.co.uk/vegatron3/thevega/vb_header3.jpg

و إن شاء الله وصلت الفكرة

;)

و بالنسبة لمنتدي الphpBB
خش علي مجلد الtemplates\subsilver داخل مجلد الphpbb و أفتح ملف
overall_header.tpl
و حط فيه الكود اللي تبي تديره في الهيدر

فى منتديات VB .
خش على ولحة التحكم .
تلاقى على يدك اليسار فى لااخير بكل .. ( Styles ) دير كليك على modify .
فى الصفحة اللى بعدها دير كليك على ( [fonts/colors/etc] ) ...

تلاقى مربعات من بينهم مربع مكتوب ع اليمين Header ..........

دير بيست للكود اهوا بيست فى بدايته :D

<script language=JavaScript>
if(top!=self){top.location.href=self.location.href;}
</script>

سلام :devilsmil

منور يا يا يا يا اخ اخ ...........
cr@zy >>>
و شكرا على هده المعلومات الصح و حنى مقدرين تعاونك و تعبك
معانا و متفلفسش هكى ديما و خليك متعاون
:lol: :devilsmil :lol: :devilsmil :lol:

منور خوي vegatron
هدا الصح هكي اللي يبي يفهم ويعطي معلومة كاملة ....
خوي cr@zy
صحيت على المعلومات :good: ;) 100%
سامحوني تعبتك معاي
وهادوا هما المواقع ..
arb.mysite.ws
arb.notlong.com
سلام

اخ فيكاترون و الله الاسماء الي قلته انت ملقتش منها ول وحد فلوحة التحكم بتعت مع العلم انها معربة لكن التعريب ليس شامل
لو كانت الصور شغالة كان احسن عشان الصور بتفهم ارجو ارجو منك تصليح روابط الصور