السلام عليكيم ....
(( شكلكم ما صدقتو .... دعوة عامة كلكم خشيتو:confused: ...))

المهم...
نظرا لأهتمام الهائل الذي تلقاه عيد ميلادي في الموضوع المحطوط أدناه (( واحد بيقيمها بروحها خصكم ..)) ...
http://www.alhandasa.net/forum/showthread.php?t=132161

قررت ان أكتب هذا الموضوع الحصري عن حفلة عيد ميلادي الأكسكلوسف خالص خالص:cool:...
فقد كانت حفلا حافلا بالأحتفال والمحتفلون كانو يحتفلون بالحفل المحتفل به ...(( قصدي الجملة اهيا متسألونيش كيف جت ))..
لقد كان حفلا مش عادياً بكل .. تي من كتر ماهو مش عادي لين امخلي حفل افتتاح الألومبياد متاع سيدني 2000 يبان زي حفل افتتاح قناة الليبية ... (( بالنسبة للي ماحضروش احتفال سيدني 2000 زي ندوش و بتونة و لولو لأنهم ماكانوش معانا وقتها في نفس الحياة ...كان حفل مش عااااااادي ..))..
لذا فلنبدأ بموجز الحفل ...



الزمان : 19\ 08\ 2007 مع حولي الساعة التاسعة و الربع مساءا ..
المكان : امام حوشنا و كيف خاش للحوش امروح من الخدمة ...
لقد دخلت بيتنا و قد كان خاليا كالعادة ألا انه كان فيه ابي و أمي و أخي .... ذهبت كعادتي عندما أعود من العمل إلى الكوجينة على طول باش نشبح أمي شنو امطيبة من غدي...
ظننت انني سأجد طورطة لاكنني وجدت في التلاجة سلاطة متاع أمس ... أستغربت ؟؟

فقد انهيت تلك السلاطة بألأمس ولم يتبقا فيها شي ... و الأن لقد عادت.؟؟ كيف :q:؟؟

قالت امي أن السلاطة يمكن إعدادها مرة أخري بأستخدام بعض الطماطم و البصل و الزيت و الفلفل... و لقد دهشت عند سماعي هذه المعلومة ...
و من تما خطرت لي فكرة راائعة ..(( توا انقولهالكم بعدين ..))..
و بعد حادتة السلاطة ..
اتجهت و أمسكت جهازي الموبيايل و ضغطت الأزرار إلى أن وصلت إلى رقم الفايروس... (( ولد نعرفه ))..
و دارت المحادتة التالية ..
أني : حبييييييييبه .. شي ديييييييييره ؟؟
فايروس : شي ... أمعكس في ميزران شنو اتجي ؟؟
أني : ممكن .. منو معاك ؟؟
الفايروس: أني و اللورد .. شنو اتجي ..
اني : خلاص أوكي شوية و انجي و عندي ليك موفاجأة .. وتي روحك ..
الفايروس : شنو فيه يا ساتر ؟؟ أخر موفاجأة قاعد انعاني منها لتوا و قاعد نعرج و عيني الأيمين كيف بديت نشبح بيها..
أني : لالا مش هذاكا النوع من الموفاجأت .. لالا النوع الكويس إللى ايفرح ..
الفايروس : ماهو المرة إللى فاتت قلت نفس الكلام .. و شوف شنو صار .. مافرح حد كان عيادة المختار بفاتورة المستشفى ..
أني : ياودي تبي و لا ..
الفايروس: يلا .. العمر واحد و الرب واحد ..
طووووووووووووووط..
و انتهت المكالمة.. و كعادتي بعد كل مكالمة اتحقق من رصيدي .. الذي نقص منه القليل فتعفلقت http://us.i1.yimg.com/us.yimg.com/i/mesg/emoticons7/14.gif...
تم دخلت إلى الحمام لكي أخد شاور و أزيل الروائح الكريهة التي كانت تعتريني من جراء العمل ..
و قد ازلت بفضل الله ما يقارب الخمسون بالمئة منها http://us.i1.yimg.com/us.yimg.com/i/mesg/emoticons7/41.gif...
تم ذهبت إلى أمي التي كانت لاتزال في الكوجيينة (( مش عارف امتا بتطلع منها ؟؟؟))..
و قلتلها ...
أني : ماما عجبتني فكرة السلاطة أهيا... نبي اندير منها ..
أمي : وليدي مش باهي ليك الموضوع ره .. فيه استخدام موس و تقريض وواحد .. و انتا أول واحد تعرف روحك كركشاي وواحد..
أني : ماما لأمتا بتخليني هكي معتمد عليك في كل شي .. و أنتي ديمة اتقوليلي استقل بروحك وواحد .. توا هاذي الفرصة قدامي باش نتبت لروحي و للمجتمع اني ذو فائدة و نقدر اندير حاجة (( تخايلوني في الموقف اهوا عيوني يبرقو اتقول لمركب منضومة ليزر و انغير في الضي الطويل ..))..
أمي ( والدموع في عينيها ): باهي .. وليدي صار منها و بيدير سلاطة .. باهي هي .. خود طماطمتين و فلفل حلو و بصلة و دير بيهم سلاطة ..
أني : أمي لا بناكل أني و الأولاد نبي هلبا طماطم و بعدين شنو قصة الفلفل الحلو ؟؟
أمي : لالا شنو هلبا طماطم ..!! السوق غالي و الصندوق بزوز جني .. و بعدين الفلفل الحلو على خاطر ايدياتك ما يلتهبوش ماهو مزال جديد على الموضوع انتا ..
أني (( و المكر في عيني )): أمي تعرفي اني علاش نبي اندير سلاطة الليلة مع الأولاد؟؟..
أمي : لا و الله علاش شنو فيه ؟؟؟ جماعتك كارهم للدرجة اهيا تبي اتجرب فيهم سلاطتك ؟؟
أني : لالا .. اليوم قداش في التاريخ تره ؟؟
أمي : مش عارفه علاش ؟؟
أني : تي اليوم 19 \ 8... تره قولي غدوة شنو فيه ؟؟
أمي: ماتقوليش انه غدوة بيجيبو برنامج الجزيرة إللى ليبيا ؟؟ ولا منو جاينا غدوة أحني ؟؟؟ حييييييييه عليا ... ماوتيتش الحلاوات للناس إللى بيجو ... شنو بندير يا ربي !!!...
أني: ماما غر اهدي ... ما جاينا حد غدوة ... تي غدوة عيد مبلادي ..
أمي : اييييييييه حق .. كل عام و انتا بخير يا وليدي ..
أني : ايه حتا انتي يا ماما .. و بهذه المناسبة .. نبي اندير السلاطة ..
أمي ( حست روحها امقصرة و قررت التعويض): باهي هي خود الطماطم كله هي ..
أني : باهي شنو رايك اتوتي العوالة متاع السلاطة .. و اني خلي انوتي روحي ..
أمي : باهي .

و تم ذهبت و ارتديت ملابسي متاع الطلوع.. و ألقيت أمي اموتية صونية فيها طماطم و زيت و بصل و فلفل حلو و ملح و موس ..
أمشي اخديتهم و طلعت اركبت السيارة و مشيت لميزران لأولاد ..
و في ميزران القيت هلبا ناس نعرفها ..
فقعدت انفكر؟؟
انقول ولا ما انقولش .. و لما انفكر مش عارف علاش العقل الخبيت هوا إللى ايقرر http://us.i1.yimg.com/us.yimg.com/i/mesg/emoticons7/19.gif بدل العقل الطيب (( نبي يوم نشبحه قرر حاجة العقل الطيب أهوا ))..
فا ما قلت شي .. لين جي ولد معانا MAC 3 .. قتله تعالى معاي نبيك ... قالي شنو ..قتله بنشري ام بي تري بلاير.. ماهو امتعاي فسد .. قالي هي ..
و لما ركب معاي في السيارة قتله على الموضوع ... قالي باهي (( حتا هوا عقله الخبيت اخدم و الطيب عنده اصلا فاسد من الأول ))..
قالي احني نشرو الفلاش و بعدها نجبدو الفايروس و اللورد..
قتله باهي ... و على تمام الساعة الحادشة ..((11))..
جبدناهم و ارفعتهم للبحر ... ماهو موقع الأحتفال غادي ... و في الطريق تفكرت ... نبو خبزة..
فذهبنا في بحت عن الخبزة و ما القيناش ..و جربنا العديد من الكوشات (( جمع كوشة )) ... و بعدها ركبني الرعب ... ماهو حفلة عيد ميلادي المتالي مش حيتم إلا بالخبزة .. يجب أن أجد الخبزة ... هذا ما كان يشغل تفكيري ..
لين القيت زحمة سيارات و طبور.. حسيت بالأمل ....
أجل ...

انه الخبز ... انها زحمة كوووووووشة ...
فوقفت في الطبور .. و اني فرحان .. و كان قبلي في الطابور وقتها 5 انفار... و تم سمعت الخبر الذي لم اتمنى ان اسمعه ..
لقد قال الكواش... يجماعة راهو فيه اربعين فردة بس في الكوشة فقسموها بيناتكم ...
و كل واحد كان يبي عشرة ... يعني اني برا ...
فلما راي الكواش حالتي المتلخبطة و أنني على وشك الأنهيار العصبي..
قالي .. متخافش .. عندي طاجين تاني فيه عشرين فردة احتياط .. توا نعطيك منه ..http://us.i1.yimg.com/us.yimg.com/i/mesg/emoticons7/18.gif
فعاد الدم يجري في عروقي.. و اخدت الخبزة .. و اتجهت للبحر ..
و اني متجه للبحر بدأت أفكر ..
البحر فيه حوت؟؟
و الحوت احني ناكلو فيه...
و أكتر حوت ناكلو فيه هوا الطن ..
و أني انحب الطن ..
شنو ايصير لو جربت انحط الطن على السلاطة ؟؟؟
فقررت انه اندير المجازفة اهيا و نشري طن ..
الفايروس خاف قالي فكنا من المجازفات متاعك ... اني كيف بادي نستعمل في ايدي و فرحان هلبا..
قتله اصمت ....
لازم انجربو الشي اهوا ..
و شريت زوز حكاك طن ..
و بعدها مشين للبحر ..
و القينا البرفكيت مكان ..
فرشنا الفرشة و قعمزنا ....
و إبديت اندير في السلاطة متاع عيد ميلادي ..
و على ضو فلاش السامسونغ متاع اللورد بديت انقرض في الطماطم و أمي شكلها بدخت بالطماطم مباش ايتم .. كل ما الفايروس ايحط ايديه في الشكارة ايطلع طماطمة .
و بعدها جي دور الفلفل وبعدها جي دور البصل ...
و بعدين جت اللحظة المنتظرة ... حطان الطن على الموضوع ..
الجماعة وخرت ...
و أني الوحيد الشجاع إللى قعدت و حطيت الطن .. و نزل الطن ووصل للسلاطة .. و مصار شي .. ففرحنا .. انه طلعنا من الموضوع اهوا أحياء نرزق من غير أضرار ..
و بديت انخلط في الموضوع بيدي و حطينا الملح .. و بعدها جت الساعة الطانشة ..(( 12)).. و على انغام النانا.. أيم لولي لولي لووووووووولييييييي...(( ندوش و لولو و بتونة ... ما انضنش انكم تعرفوهم نانا... هاذو ناس ايغنو .. يعني زي تامر حسني و روبي و نانسي ))...
حطينا الشمع فوق السلاطة و ابدينا انغنو .. Happy Birth day TO MEEEEEEEEEEEEEE....
و بدت المسجات تجي متاع التهنئة ... http://us.i1.yimg.com/us.yimg.com/i/mesg/emoticons7/9.gif
فقد كانت اكتر من مسج واحد ..
فقد كانو اتنين ...
و قد حضر ايضا هذا الحفل عن طريق الأقمار الأصطناعية OzzY من أمريكا ..
و القومبالي من سويسرا ...

تي و الله ماكذاب أني في الموضوع اهوا ...
و الله حضروه ... قولو كيف تره ..

ماهو عندي في موبايلي الياهو مسنجر موبايل http://us.i1.yimg.com/us.yimg.com/i/mesg/emoticons7/4.gif (( ماتقولوش يتجكتر ره...غر عندي و خلاص http://us.i1.yimg.com/us.yimg.com/i/mesg/emoticons7/15.gif ))..
و بعد ان التهمنا السلاطة ... قرر ال Mac 3 أنه يساعد امي بنتظيف الصونية .. فا مخلا فيها شي ..
و بعدها روحت بالجماعة و تمرقدت ..
و تم النهار على خير ,,,
حقا ,,,,, يا سوما يدماغ القادوما يللي شكلك زي البوما و صنتك كلها توما و لما ايشوفوك الجماعة ايقولو أوما... الساعة اربعة الصبح مش وقت بعت مسجات ... يعني فرحان أوي امداير موضوع عليا في الهندسة ..
المهم بعد ازعاج السوما وليت ارقدت تاني ... و هذا كل شي بالنسبة لموجز الحفل,,

و الأن ندخل في التفاصيييييييييل...

تشششششششششششششششششششششششششششششششششششش.....


تي علاش قصو عليا البث ؟؟؟

ماعالينا ... يلا..
المهم هي نتلاقو على خير ...

ملحوظة : أني توا 21 عام يعني في العقد التاني كملته و جددت العقد متاعي في الدنيا هاذي باش انخش التالت ..
و للجماعة إللى مزال ايحطو في 1 بدل 2 قدام عمرها ... انقوللهم .. يعني جماعة 15 وواحد..

السحنة فيكم و خلاص ...
يعني قداش ما تكبرو قاعدين اكبر منكم.. يعني لو لولو ولت 21 اني وقتها مرات انكون 45 ,,
و بالنسبة للندوش و بتونة ... ممكن حتا انكون العقد ما جددتاش و متت مرة وحدة ...

ملحوظة تانية : كتب هذا الموضوع على انغام اغاني Metallica و كانت الأغاني :
Battery , Fuel , Nothing Else Matters , One, The Unforgiving, Master Of Puppets . و القلب حالف, أميمة يا ودّادة , و طق العود .

>>OVER<<

قصدى الموضوع طوييييييييييييييييل :rolleyes:

وشكله كله ضرب لقنى

تو نوليله لما نفضى:devilsmil

ملحوظة : أني توا 21 عام يعني في العقد التاني كملته و جددت العقد متاعي في الدنيا هاذي باش انخش التالت ..
و للجماعة إللى مزال ايحطو في 1 بدل 2 قدام عمرها ... انقوللهم .. يعني جماعة 15 وواحد..

السحنة فيكم و خلاص ...
يعني قداش ما تكبرو قاعدين اكبر منكم.. يعني لو لولو ولت 21 اني وقتها مرات انكون 45 ,,
و بالنسبة للندوش و بتونة ... ممكن حتا انكون العقد ما جددتاش و متت مرة وحدة ...

ملحوظة تانية : كتب هذا الموضوع على انغام اغاني Metallica و كانت الأغاني :
Battery , Fuel , Nothing Else Matters , One, The Unforgiving, Master Of Puppets . و القلب حالف, أميمة يا ودّادة , و طق العود .


أولا كل سنة وإنت طيب

ثانيا ممكن معاك في (( القلب حالف ))

ما انضنش انكم تعرفوهم نانا

هو شخص واحد علي فكرة ....

قصة مؤثرة مضحكة مبكية مثيرة مشوقة معبرة ممم من الاخير مليحة

يا سيدي فاتتنا السلاطة وخلاص يلا

كل سنة وانت طيب

و على انغام النانا.. أيم لولي لولي لووووووووولييييييي.
ذكرتنا بالماضي
هو مازال حد يسمع فيه الشي هادا ؟ :confused:

شكلك دقة قديمة :lol:

وكل سنة وإنت طيب

الحق اعيت من القرايا

قداش يوم قعدت تتكتب فية

وكل عام وانت بخير

SuSpEcTشكلي الوحيدة الي قرت الموضوع كله باش تعرفوا قداش مكسدة انحس في روحي نحتاج لي علاج
المهم
و قد حضر ايضا هذا الحفل عن طريق الأقمار الأصطناعية OzzY من أمريكا ..
و القومبالي من سويسرا
اخس حتى لولو_ من تريبولي كانت موجودة:devil:

و علي الحاجات الي ملحقناش اعليهم عادي انا و بتو و ندوو انواكبوا في العصر مش زيك عايشين في الماضي :cool:

كل عام وانت بخير يا شبهة
وعقبال هلبا سنين
وعقبال هلبا شمعاات
وان شاء الله ما تنطبش علي خطرها السلاطة

اسمع اللورد قاللو مفقود ره
شن تعليقك علي هذا الخبر يا شبهة
هل اختفأه جراء الشرمولة(سلاطة + التونة ):q:
او اختفأه جراء ظواهر طبيعية
ايه حقا

فيش صور ليها الشرمولة :eek:

الفايروس خاف قالي فكنا من المجازفات متاعك ... اني كيف بادي نستعمل في ايدي و فرحان هلبا..
قتله اصمت ....
قوية اصمت !!!!!لكن ما فيش هريسة في الموضوع ... ولا حتى هي مجازفة ....

ملحوظة تانية : كتب هذا الموضوع على انغام اغاني Metallica و كانت الأغاني :
Battery , Fuel , Nothing Else Matters , One, The Unforgiving, Master Of Puppets . و القلب حالف, أميمة يا ودّادة , و طق العود .
مية مية وانا رديت عليك على انغام Metallica اغنية : The Unforgeven 6:28 min


كل عام وانت بخير ...



missing

السلام عليكم

ههههههههه هههههههههه ههههههههه

يا سيد بعد كل سنة و انت طيب
نحب نقولك ان فكرة السلاطة مش طبيعيه و حكاية ان وليت كبير و اصبحت في 21 من العمر يعني خشيت في العقد الــــــــــــــــثــــــــــــــــتالت فايسيدي مبارك عليك
بس الى مش عاجبني الحق حكاية انك حطمت قلب امك و مشيت درت سلاطة بعيد عليها




كــــــــــــــل عام و انت بخير يا خونا

توا خلي نولي للموضوع المهم

اخس حتى لولو_ من تريبولي كانت موجودة

و الله لما انحرش في المدير و نقوله الابله الى عابين عليها تقرى فينا ساهرت تتفرج على عيد ميلاد و اتبع فى اخبار السلاطة من ع الانترنت

وبعدين تعالى قوليلي جيب ولى امرك

اول حاجة كل سنة وانت طيب وعقبال 100 شمعة ...

ثانى حاجة فى حاجة غلط فى السلاطة ناقصة خيار قصدى ...كيف صار

سسبيكت يا نفاخ ... توة امشحطني قريب ساعتين واني نقرا ( البطئ لانه العربي متاعي ضعيف :rolleyes: ) وفي الاخير يطلع الموضوع امتاعك غبي هكي ... وانت اتهدرزلي على مغامرات سلاطة ... تي لو هدرزت على النمل ولا فكرت فيه شوية بس راهو كان خيرلك

بكل والناس لما تكبر في العمر تعقل الا انت تكبر وعقلك يصغر ( مش عارف اتفكر فيا بشخص نعرفه هلبا )

امشي مرض وكل عام وانت بطاطا مانيش قايلها .... يا دراه

اصحاب اخر الزمن !!

مبروك يا دوشة لكن قولي يا ولد غير تعال جاي خيره هكي الموضوع مقصر فيه هلبة ه>ا كله حبك متبيش حد يضايق من الموضوع ومن طوله مازل في هلبة تفاصيل غير زيدهم ................

ان شاء الله غير عرفتني بس شنو فيها مشيا لجدايم ثاني شنو رايك عرفتني توا خخخخخ

إلى أن وصلت إلى رقم الفايروس... (( ولد نعرفه ))..

مقدمه الاسم هوا .......:eek:

لين جي ولد معانا MAC 3

وحتى هوا مقدمه .......:eek:

ثانى حاجة فى حاجة غلط فى السلاطة ناقصة خيار قصدى ...كيف صار

ملاحظة فى محلها الحق ...نحييك على قوة فهمك فى السلاطة العربية :cool:

وانت يا ساسكى على قد ما بيزيدو ارقام عمرك على قد ما بتقعد ديمة ولد فرفاش:devilsmil

و أني الوحيد الشجاع إللى قعدت و حطيت الطن .. و نزل الطن ووصل للسلاطة .. و مصار شي .. ففرحنا .. انه طلعنا من الموضوع اهوا أحياء نرزق من غير أضرار ..

قصدك كنت مصارش انفجار و لا اي حاجة ....؟؟؟؟

المهم , كل عام و انت خير , و العقبة لتجديد العقد للمرة التالته ..

لقيته طويل ما قريتاش




33..33

مطولها ومارق حبالها :lol:

برا وانت موضوعك اطول من ليله جمعة من غير عشي ..

The Unforgeven 6:28 min

اقوا حاجة حاط الغنية بالتايم متعاها .. قمة الحفظ ياولاد :lol:

148.174

اقوا حاجة حاط الغنية بالتايم متعاها .. قمة الحفظ ياولاد


هههههههههههههههههه




33..33

ملاحظة فى محلها الحق ...نحييك على قوة فهمك فى السلاطة العربية

كيف عاد نظام سلايط عربية شامية حمص تبولة فتوش مشوية سلاطة خس سلاطة خضراء سلاطة بيدنجان ..الاخيرة اقوية نوع ماء

وكل عام والسلاطة الى انت فيها يا سبيكتك بالف خلطة

وكل عام والسلاطة الى انت فيها يا سبيكتك بالف خلطة

حياتى من غيرك سلطة:lol:

حياتى من غيرك سلطة:lol:

:lol::lol::lol::lol::lol::lol:


الكبشتينو يا سونا ;);)




33..33

حق baby تعرفى اديرى سلطة ( شرموله )

حق baby تعرفى اديرى سلطة ( شرموله )

لالا قلت بما ان الكاصر بروفيشونال فى السلايط ........نبيك تعلمنى:devilsmil

لالا قلت بما ان الكاصر بروفيشونال فى السلايط ........نبيك تعلمنى

اسف على التاخير لكن الموضوع اسهل مما..تتصورى
ما فيش اسهل من السلطة كيف ادير سلطة فى الحوش

اول ما اتروحى لو عندك شنطة من فم الباب على طول ايدك ... وبالمرة شوفى قوة ايدك ووين اتوصل الشنطة
الكندرة من العيب اتنحيها جنب بعضها كل فردة فى اتجاه على طول رجلك .. حوالى اتهيجى دارك قدر المستطاع
ولعى اغانى بى اعلا صوت وخاصة فى القايلة باش ما يرقد حد ويقعد الحوش كساد
حاولى تتغدى اشوية فى المطبخ واشوية فى دارك واشوية فى الصالون يعنى وجبنة الغداء مهمة نوعى فى المكان .. استمرى على هده الحالة وقبل المغرب تالقى الحوش كله سلطة ...

وبالهناء والشفاء

اسف على التاخير لكن الموضوع اسهل مما..تتصورى
ما فيش اسهل من السلطة كيف ادير سلطة فى الحوش

اول ما اتروحى لو عندك شنطة من فم الباب على طول ايدك ... وبالمرة شوفى قوة ايدك ووين اتوصل الشنطة
الكندرة من العيب اتنحيها جنب بعضها كل فردة فى اتجاه على طول رجلك .. حوالى اتهيجى دارك قدر المستطاع
ولعى اغانى بى اعلا صوت وخاصة فى القايلة باش ما يرقد حد ويقعد الحوش كساد
حاولى تتغدى اشوية فى المطبخ واشوية فى دارك واشوية فى الصالون يعنى وجبنة الغداء مهمة نوعى فى المكان .. استمرى على هده الحالة وقبل المغرب تالقى الحوش كله سلطة ...

وبالهناء والشفاء

اها ....صار هكى قلتلى الشرمولة :waw:

تسلم كرعيك :devilsmil

ولو انى نبى اى حوسة .......قصدى اى اكلة حنجيك طول بدون اى تردد

شكرا يا محوساتى .........:cool:

سف على التاخير لكن الموضوع اسهل مما..تتصورى
ما فيش اسهل من السلطة كيف ادير سلطة فى الحوش

اول ما اتروحى لو عندك شنطة من فم الباب على طول ايدك ... وبالمرة شوفى قوة ايدك ووين اتوصل الشنطة
الكندرة من العيب اتنحيها جنب بعضها كل فردة فى اتجاه على طول رجلك .. حوالى اتهيجى دارك قدر المستطاع
ولعى اغانى بى اعلا صوت وخاصة فى القايلة باش ما يرقد حد ويقعد الحوش كساد
حاولى تتغدى اشوية فى المطبخ واشوية فى دارك واشوية فى الصالون يعنى وجبنة الغداء مهمة نوعى فى المكان .. استمرى على هده الحالة وقبل المغرب تالقى الحوش كله سلطة ...

وبالهناء والشفاء

فكرتني بمطبخ فرحان الى في المناهل منو يتفكر فيه :lol:

148.174

فكرتني بمطبخ فرحان الى في المناهل منو يتفكر فيه مش أنا شوف اللي بعدي :devilsmil

خطرت عليا سلاطة بزيت الزيتون . . موضوعك طويل عطشني

OUT.

موضوع فكرني بشبابي...

و السلاطة ناقصة زيت ...

و كل عام و أنت حبيبي ... :lol:

كل سنه وانت مداير سلاطه وعقبال ما اديرلها الخيار والزيت ......

فكرتني بمطبخ فرحان الى في المناهل منو يتفكر فيه :lol:

148.174

انا منتفكرش الي في ابو الحروف
لما الشرير نحى حرف الطاء من كلمة بطل و استبدلها بحرف الصاد فاصبح بصل

انا منتفكرش الي في ابو الحروف
لما الشرير نحى حرف الطاء من كلمة بطل و استبدلها بحرف الصاد فاصبح بصل

باهي شمعنا غير هالكلمه الى تتفكري فيها خيرك ماتتفكريش لما نحى
لما خدى كلمة ( تفاح ) وغير في مكان حرف واحد فاصبحت ( ....... ؟؟ ........ )

وتاني حاجة انتى ابلة رياضه شني دخلك في العربي

باهي شمعنا غير هالكلمه الى تتفكري فيها خيرك ماتتفكريش لما نحى
لما خدى كلمة ( تفاح ) وغير في مكان حرف واحد فاصبحت ( ....... ؟؟ ........ )


ماهو هادي الحلقة الوحيدة الي شفتها مرتين عندي مشكلة في الاستيعاب :lol:

وتاني حاجة انتى ابلة رياضه شني دخلك في العربي
و انت الصادق انا ابلة احتياط

و انت الصادق انا ابلة احتياط

ابله احتياط و انا واقف باهي غير استني شويه خلي نقعمز باش نرد عليك





اهو قعمزت توا شني قولتي بزبط كيف تحضري حلقه مرتين ولا حتى 3 باش تفهمي وفي الاخير يحطوك ابله

يا ودي مش ممكن نخلي ولدي يقرى في نفس المدرسه الى انتى حتقري فيها لما يجي و تاني حاجه كيف قاعده تتفكري في حلقه تفرجتي عليها مرتين ومش متفكره بوي الى جاك مرتين بعد مالزيتيني من الفصل








اش مافيش حد يعرف راهو انى قاعد نقرى

ابله احتياط و انا واقف باهي غير استني شويه خلي نقعمز باش نرد عليك
اهو قعمزت توا شني قولتي بزبط كيف تحضري حلقه مرتين ولا حتى 3 باش تفهمي وفي الاخير يحطوك ابله

يا ودي مش ممكن نخلي ولدي يقرى في نفس المدرسه الى انتى حتقري فيها لما يجي و تاني حاجه كيف قاعده تتفكري في حلقه تفرجتي عليها مرتين ومش متفكره بوي الى جاك مرتين بعد مالزيتيني من الفصل

شكل خيالك مش واسع بكل
فكرتني في بنية امورة وحبوبة وسنفورة نعرفها ((قصدي من الاخير.. انا ))

اش مافيش حد يعرف راهو انى قاعد نقرى
ايوة احنى بدينا نتجكترو بلقطة الكتيبة بالابيض.......:lol::lol:[/COLOR]

سسبكت الرمضان قريب , شدها سطل و بوريك:lol:

وعليكم السلام
و للجماعة إللى مزال ايحطو في 1 بدل 2 قدام عمرها ... انقوللهم .. يعني جماعة 15 وواحد
خيرهم 15 وواحد:mad:؟؟مايشكوو من شي مااااشاااء الله عليهم حويته وخميسه وقرن معيزهhttp://www.dl3njd.com/vb/images/ksa7/icons/ha1.gif
السحنة فيكم و خلاص ...
ايييه بالله ذكرتني بأيام الخوالي..ايام وحده تقولهالي يهرب الضو عليها مسكينه:|((نياهاهاها اشبح شن صار في هاذاك الشعر انبت ولا حتى من بوصيلات http://www.gm-master.com/vb/images/smilies/big_smile.gifالشعر انقرضو!!..اخخ عليك يازمن قداش ما تبدل الواحد:devil:((لصالح المجتمع طبعا!!)) ))
يعني قداش ما تكبرو قاعدين اكبر منكم.. يعني لو لولو ولت 21 اني وقتها مرات انكون 45
و بالنسبة للندوش و بتونة ... ممكن حتا انكون العقد ما جددتاش و متت مرة وحدة ...
وبعدين شن فرقة 5 سنييييين حاجه والله مكرونه بالبصله:lol: تو نوصلوله عمرك ونقعدو نقولو ياليت الشيب قصدي الشباب*_*يعودو يوماااا.. تغير لا لا تجدده وتجدد اللي بعده ان شااء الله((قصدي في اماhttp://www.banaat.com/vb/images/smilies/b17.gif شمعه يكون واصل زعمه؟؟))
لقد دخلت بيتنا و قد كان خاليا كالعادة ألا انه كان فيه ابي و أمي و أخي
موشااااء الله هذا غير خالي..امال كيف شكله وهو معبيييييي ولا تبي العيله تجي تكرس عندكم ((تو تعرف حق ربي:lol: بعدين))............اسئل مجربhttp://www.lialiq.com/vb/7ko0om/7koom/MsgPlus_Img0807.png

ظننت انني سأجد طورطة لاكنني وجدت في التلاجة سلاطة متاع أمس ... أستغربت ؟؟

فقد انهيت تلك السلاطة بألأمس ولم يتبقا فيها شي ... و الأن لقد عادت.؟؟ كيف ؟؟
حست بالغربه مسيكينه:lol:

قالت امي أن السلاطة يمكن إعدادها مرة أخري بأستخدام بعض الطماطم و البصل و الزيت و الفلفل... و لقد دهشت عند سماعي هذه المعلومة ...سبحان الله امرك عجيب يادنيا طماطم وزيت وفلفل وبصل يعيدو بيهم صنع سلاطه..كل يوم تعيشه تحس روحك غريب!!!
..لووولوووو((غمزه على السطر))ليا رجججججججججججججججججعه

خلي نفطر و أنولي ....(( ماهو صايم اني ... أول عام ليا انصيم ...))

و لولو و برينس.... تبو اتهدرزو هدرزو بعيد مش في موضوعي .... شنو هذا ...


يا كاسر راهو ايهدرزو ره .... و هذا على ما أعتقد أسمه ردود جانبية ...

و على ما أعتقد يعطو عليهم في إنذار ....

و دير رايك انتا و ضميرك ...(( الله يرحم ايامات السكل .... كانا هذا راهو تلت رباع إللى رادين انذار و اولهم أني و حيكون السبب موضوع طويل و ايدهش ...))..

>>OVER<<