*عبسي*
12-09-2007, 04:55 PM
السلام عليكم ورحمة الله وبركاته ..
بعد غياب طويل علي الساحة الفنيه ..ونزوولاً عند رغبة الجماهير العريضه ..ووفقاً لمبادئنا المترسخه
من قيمنا وجذورنا الحية .. وحفظا علي سمعتنا امام الجماهير العريضة ...
فقد قرار خوي البعبكو .. من انشاء مدرسة للفقليش التشاركي ..
وذلك حفظا .... علي ثرتنا وخوفاً من انداثره وتحوله الي موضه قديمة ..
ومن منطلق ان التفقليش يساهم علي ربط الشعوب وتقريب اوصل المودة ..
ومن نظرتنا الثاقبه ..(علي اساس مانلبسش في نظرات ) ..ونتيجة للعولمة ..
وارتفاع درجة حرارة الارض .. فنعلن عن بداء قبول الطلبات للانضمام الي
مدرستنا الموقرة ..
فعليه من يأنس(( دايما نقراء فيها في الاعلانات )) في نفسه القدرة علي التفقليش
ويكوون اسطي في الدوة هادي .. وعلي دارية بالقوانين الدولية التي انشائها بعبكو ولد العجيلي
فنرجو ايفادنا ..... بالسي في ... وعدد 3 تفقليشات يشبح فيهم انهم سقع ..
وشكرا ً للجميع ..
ملاحظات ..
1 - تأنق للتألق ..
2 - الالتزام بمواضيع المدرسة والمناهج يلي بيقرارها المدير التنفيدي ..
3- كل واحد مسؤل علي التفقليشات امتعه
حشومه
12-09-2007, 05:01 PM
ليا عودة لألقاء محاضرة على الطلبة بعنوان
البلقشة وعلاقتها بدول عدم الانحياز
د . حشومه حشايم
miss_vampire
12-09-2007, 05:27 PM
مفهمت شى......:rolleyes::rolleyes::rolleyes:
*عبسي*
12-09-2007, 07:20 PM
ليا عودة لألقاء محاضرة على الطلبة بعنوان
البلقشة وعلاقتها بدول عدم الانحياز
د . حشومه حشايم
اكيد دكتور.... سنستفيد بارئك القيمة ..:cool:
*عبسي*
12-09-2007, 07:22 PM
مفهمت شى......:rolleyes::rolleyes::rolleyes:
ايح ... انتي تبي مدرس خصوصي مس فمبيرا ..
كان من الاول هكي ... امالا لما ينزل المنهج شن يصير فيك ..
غير ركزي واقرريه من الاول للاخير ...وبعدين اقريه من الاخير للاول ..
وان شاء الله خير ..
من ناحية انى قريت الموضوع فقريته
وفهمت كل كلمة فيه بحذافيرها :eek:
بس الحاجة الوحيدة ما فهمتهاش وهيا اساس الموضوع كلمة تفقليش :rolleyes:
دمتم متفقلشين يا عبسى:lol:
P.R.I.N.C.E
12-09-2007, 07:54 PM
السلام عليكم
الى من يهمه الامر وله كامل الحريه في اتخاد القرار
نحب نتقدم بنفسي و روحي للتطوير من الصالح التفقليشي و من تحت الاضواء الصاطعه الى انا موجود فيها حالياً و من اجواء الموسيقه التسفقيه الى تحي في بيها الجماهير نحب نقدملك نفسي و نعرض خدماتي .
الاسم : برنس
العمر : بما فيه الكفايه
العنوان : مكان مخلط و نص الايام صقع جميد
رقم التليفون : صفرين + مفتاح البلاد + 3 ارقام + الاربعه الاخيرات ( قصدي ساهل )
الايميل الالكتروني : مـــــــــــــــــــ(شف)ــــــــــــــــــــــر
الوصف :اعلى صوت ممكن تسمعه من اقرب شخص للارض
الثقافه :
المدرسه الابتدائيه التفقليشيه _ بعد ماطلعت من الروضه الى ضربت فيها الابله على طول
الشهاده الاعداديه فى علوم الشطانه و الجو الرامض
الشهاده الثانويه العامة بتقدير 84.6% وبعدها ماخشيتش الجامعه
الدبلوم العالي من معهد ( الا جو )
شهادة تخصص في دراسة الحالات النفسيه الى ماليهاش علاقة بالحياه
شهادة من عند امي انى مش حنمشي قدام الا لما نحط دماغي في رجلي تي قصدي دماغي في راسي
شهادة من عند ناس مش لازم نكدر اسمائهم ( منهم انت ) انى تعبان
تقييم امتياز من بنت جيران حوش عمت راجل خالت وليد نعرفه ( انى مش عارف منين نازل ) بس اكيد مش من الارض
سنوات الخبره :
هلللللللللللللللللللبه سنين في شارعنا
قريب نص حياتي في حوشنا
كمشه يا عمشه و انا نهيج بين المستشفيات و لشوارع ( باش نحضر يعني )
سنوات لا باس بيها مع جروب ماليش علاقه بالتفقليش ( وانت تعرف من هما )
3 سنين خدمه في شركة اسمها بينجتون للاعمال التبقليشيه
مدة سنة و نص و شوية مواضيع في منتدى اسمه ( الهندسه نت )
داير ليبيا كلها بشهادة من الصور الى عندي
المهارات :
تي اي شي ممكن تتوقعه ( ومش تقولو قصير راهو دولاب الكوجينه نلحق وماشي لقمة جبل تامىللت )
فنون بهلوانيه و ضرب تحت الحزام ( مع تفنيصه وضحكه الى انتى عارفها )
الهوايات :
اي شي فيه دوشه
التوصيات :
قصدي يا عبسي فكنا بلا جو خير ما ........ ( ولا مانبيش نحلف خير ) ........ نضبح على العبيد وتلقى مصير الصبرصه في اولى تدخل بدني في بيركادجو ( يعني مكان يدرسو فيه ) متع صالة المعلمين ولا تبي نجي نفكرك بنفسي .
و ختاماً نحب نقوللكم انى استاد مرتشي يعني تقو وتاكدو ان بكرت 10 اكيد ناجحين و موفقين
والسلام من افضل ماقيل في الختام
P.R.I.N.C.E
12-09-2007, 07:55 PM
نسيت نقولك ان الصور في حالة اخفاء يعني افتح عيونك و ممكن تشوفهم:lol:
Traplsia
12-09-2007, 11:31 PM
حسن خطك.... تخربيش الدجاج ميمشيش معانا ... تقافتي تخربيش قطاطيس بس
Man Of Death
13-09-2007, 12:01 AM
الحياة تفقليشة اذا اعددتها فقلشت شارعاً بكل معانيه ..
قائل المثل مدام تفقلشوني.. مؤسسة علم فقلشني وفي نص الشارع لوحني ....
صورة من عبق التاريخ للمدام تفقلشوني
http://www.hazu.hr/ENG/Madam.JPG
148.174
davidbeckham
13-09-2007, 12:26 AM
وعلي دارية بالقوانين الدولية التي انشائها بعبكو ولد العجيلي
نبو نسخة من لقوانين .. لو ما فيش مانع .. بيش نشوفو روحنا ( نأنسو ) للموضوع هذا ولاّ لا ..
منورفقليشي ..
السلام عليكم
أكيدة هنا في فقلشة كبيرة
أنا مش فاهمها
بس لو ضروري يعني
ممكن نفقلش معاكم
ولكن كل فقلوش يتحمل
الفقلشة بتع صاحبه
فاتحين مدرسة من وراى .. و فيها وناسة .. "" بيكم ونس * بيكم وناسة"" .
انى نبى نخش و بنقعمز فى الكرسى الاخيرى من جيهة الشبابيك.
lulu_
13-09-2007, 12:33 PM
انى نبى نخش و بنقعمز فى الكرسى الاخيرى من جيهة الشبابيك.
لااااااااا لاااااااا هداكا مكاني حجزتهولي طرابلسية :lol:
E_A_X_7
13-09-2007, 02:25 PM
قصدي انا شكلي جاي تأخير ولا مافهمتش وين نمشي ناخد ملفي من الاخير ....؟؟؟
SilverBoy
13-09-2007, 03:15 PM
وكأننا ننفخ في قربة مقطوعة.