مشاهدة النسخة كاملة : صحه شريبتكم,,,, و الى جيعان مايخشش


P.R.I.N.C.E
12-09-2007, 09:09 PM
السلام عليكم

كل سنة و انتم طيبين يا خوتي و كل عام و انتم بخير يا اخواتي

شوفو انا قولة بما انى رمضان هدى واخده بروحي وبرى الحوش خلي نشارك الشباب و الشابات الى على المنتدى بحيت انى كل يوم نقوللهم شني فطرت و بما انكم بديتو تصيمو قبلي فعطوني ليسته بالى نحط ع الصفره ابداها من البوريك و الشربه للغليظ



امي ... امي .. راهو امين واخد مني الكشيك ترى جيبلي واحد تاني,,, ( معلاشي الدوه هدى مش ليكم شويه بس ونولي )

ايوه سامحوني تعرفو انتم جو صفرت رمضان و المه و الجو العائلى الى ان شاء الله تعيشو فيه بطول عمركم و تحت ظل اسرتكم و اهلكم و بالتقوى و الايمان يا رب

هي سلامي و نخليكم تقولولى شني كليتو مش تنسو

P.R.I.N.C.E
12-09-2007, 09:57 PM
السلام عليكم تي خبر عاجل جداً من كندا جايكم مع العلم ان الساعة توا (12:47 الظهر )و في ليبيا (8:45 العشيه )

المهم نحب نقوللكم راني اتصلت بالحوش غادي و سالتهم شني فطرتو اليوم

تي حي عليكم لقيت الدنيا مقلوبه و الدنيا نايضه على قولة خوي رضوان ( اكيد ماتعرفوشي )
حوش عمي وجدي و عمتي عندنا لان اول يوم رمضان طبيعي

مش قولتلها باهي يا ساتر شني فطرتو مع الجمهور هدى كله و الى هي امي طبعاً


ردت عليا وقالت:

بوريك وشربه كالعاده
امبطن
طاجين جبن
وطاجين لحم محمر بالصوص الحار ( الى امي بس تعرف ادير ومع البهارات الجباليه كان ضوقتوها قبل )
وسلاطة بابا غنوج
سلاطة مشويه ( والى انا نموت فيها )
و الوجبه الرئيسيه كانت رشتت كسكاس

الحمد لله يا رب على هالنعمه و ان شاء الله بس مافيش شي يفضل لان حرام تلوحو شي في الكناسه ( طبعاً انا متاكد ان مافيش شي فضل لن امين هدى هايشه رغم انه اصغر واحد في الحوش بس ما شاء الله ياكل زي الفيل بزبط )

وهي ياسر من الدوه وصفره دايمه عليكم و افطاراً شهياً

Traplsia
13-09-2007, 12:08 AM
متقوليش خيرك تتكلم بروحك:q:

رمضان قاعد مبداش عندنا .... ان شاء الله غدوه توا انسميلك

يالا صحتين ليكم

لما تحكي على اللمة فكرتني بي هيا هكي متع اليوم (معادش اتنقل):devilsmil

P.R.I.N.C.E
13-09-2007, 12:13 AM
متقوليش خيرك تتكلم بروحك
نقولك علاش لان اليوم اول يوم و الناس كلها قاعده دايخه يعني مازال مافاقوش من الصدمه بس نوعدك صفرة غدوه تكون احلى

رمضان قاعد مبداش عندنا .... ان شاء الله غدوه توا انسميلك

يالا صحتين ليكم

مابداش عندكم ,,,,, علاش هو انتى في اما تركينه بزبط

لما تحكي على اللمة فكرتني بي هيا هكي متع اليوم (معادش اتنقل)

قصدك تفرجتي عليها ... صحى ليك ( مع ملامح ناغر لان خلاص )

SilverBoy
13-09-2007, 12:21 AM
ما علاقة الموضوع بالطرائف؟؟؟