مشاهدة النسخة كاملة : ماذا تفعل لو رجع بك الزمن الى الوراء ؟
المتلخبط 24-07-2003, 01:58 AM تخيل انك عدت بالزمن الى اليوم الذى قررت فيه الخوض قى كلية الهندسة.
شن حتقرر بعد ما جربت الكلية هل ستواصل القرار الذى اتخدته بالتسجيل فى الكلية بعد ان تكون قد عرفت الاساليب اللى تقدر بيها تصفى موادك وتعرف كيف تقرا صح من الاول ام انك ستصرف فكرة التسجيل عن ذهنك نهائيا.
ملاحظة: حتى الخريجين نبوا رأيهم فى الموضوع وياريت التوضيح فى الاراء(اى ذكر الاسباب).
بالنسبه ليا انا قراري حيكون نفسه:devilsmil :devilsmil :devilsmil
المتلخبط 24-07-2003, 02:06 PM بالله و ضح يا لورد علاش نفسه هل لانك راضى عن نفسك بالوضع الحالى ام انك ستتخد احتياطاتك فى الجديد .
اليابس 24-07-2003, 08:33 PM اول مرة يامتلخبط ادير حاجة ...........؟؟؟؟؟؟
المتلخبط 25-07-2003, 12:12 AM الموضوع واضح قلنا يخص طلبة الهندسة من السمستر الرابع فما فوق.
انت شن وصلك هنى.
تصرصير:devilsmil :devilsmil :confused:
لو ما كنتش راضي مكنتش نستمر في الكليه يا سيد متلخبط
لاكن لو سمحت اعطينا رايك انت لو رجع بيك الزمن
اليابس 26-07-2003, 01:16 AM حتى انت يا lord اما راي بيعطيهولك المتلخبط شكلك متعرفاش هذا معنداش راي بكل اكثر حاجة فالح فيها حذف الموضيع متع الاعضاء بس :cool: :cool: :cool:
نعرفه زين
متخصص في الرقابه والتفتيش
مش اليوم ولا امس:devilsmil :devilsmil
Engineer 26-07-2003, 01:32 AM اني رايي نفوتها الهندسة في الطوييييييييييييييييل
بعد تخرجنا وشفنا مافيش كيف خدمة خريجي المحاسبة
مكاتب مكيفة وراحة وكمبيوترات وفلوس البلاد تحت ايديهم
يعني باختصار عز
لو يرد الوقت للوراء نقرا محاسبة طول
علاء الدين 26-07-2003, 12:09 PM انى توالله مش كان يرجع بيا الزمان مرة كان يرجع بيا مية مرة مش خاش لي اي كلية غير الهندسة
تي الجو اللي فيها ما فيش في اي كلية
صح فيها هلبة نفخ من كل تركينة
لكن اللي يبي الورد يتحمل شوكه يا تريس الهندسة
صح ولا غلط :rolleyes: :lol: :good: :D
المتلخبط 26-07-2003, 12:31 PM اقوى رد هو رد علاء الدين .
اللى مقراش فى الهندسة فاته نص عمره.
A7sen1 26-07-2003, 12:37 PM السلام عليكم ورحمة الله وبركاته
" القناعة كنز لا يفنى "
أول شي فكرة التوصيت حلوة يا متلخبط .. وموضوعك ايضاً .. بس علينا ان نكونوا مقتنعين بالشي لكتبهونا الله .. ومانبدوش نتحسرو على اشياء ماصخرش ربي اننا انديروها ..
وبخصوص تصويتك نحمد ربي اني قريت وتخرجت من الهندسة بالرغم من انه ماكانتش الهندسة هدفي لما تخرجت من الثانوية .. بس شاءت الاقدار وقريت فيها وتخرجت منها " بعد جهد جهيد "
بس زي ماتعرف الحاجة لما تجربها تأخد فكرة عليها .. وبعد ماتكمل القرايا تكتشف ان مش كل شي قراية ليصفيلك .. بس في حاجات تانية ماكُناش نندري عليها الا بعد ماتقعدلك المادة ولا تصفيها .. فتسمع انه في طرق اسهل من الدراسة كانت تصفي لهلبة ناس ..
بالتوفيق للجميع
اليابس 27-07-2003, 12:47 AM السلام عليكم
شني قصدا هذا شني الحاجة التانية
Engineer 27-07-2003, 01:14 AM خيرك يايابس
والا كيف مايقولو صاحب العلة ينخصوه مرافقه
شكلك من جماعة الحاجة التانية
بس ياريت احسن واحد يقوللنا شن هي الحاجة التانية؟
mustafa hamed salah 27-07-2003, 02:14 AM السلام عليكم ورحمة الله وبركاته
مرحبا شباب
لو رجع بيا الزمن إلى الوراء
أريد أن أبقى كما أنا مستريح هكي
وياريت نعرفوا شنو هي الثانية
والسلام ختام
http://mustafaddb.jeeran.com/شعار.gif
اليابس 28-07-2003, 01:14 AM Engineer خيرك مستاسع معي من وين المعرفة باش تبدا تلقح في الدوا . على فكرة اني طاحت على السبورة بكري
المتلخبط 28-07-2003, 02:00 PM :confused:
اليابس 29-07-2003, 12:54 AM متلخبط شنى ها الضحكا الغامضة فكني منك :mad: :mad: :mad:
ARTOR 03-08-2003, 05:21 AM اعزائي
برغم كل شي فالهندسة اغلي شي
فلو لم اكن مهندسا لوددت ان اكون مهندسا
من كثر عشقي لكلية الهندسة اول ما جتني فرصة اني نشتغل فيها ما قلتش لا...... صحيح شفت فيها بعد الشغل حاجات ما توقعتش انها تصير في هيئة علمية بس خلوها في سركم ;) .
سلام :good: :good: :good: :good:
أبوشريك 06-08-2003, 01:36 AM هى العملية صعبة ياخوى المتلخبط
لكن لوالزمان يوالى اكيد الواحيد يفوتها ,لكن ياحسرة بعد لطاحو الشعرات والشبح هرب والعقل خـــــــــــــــــــــــــــف:(
المتلخبط 06-08-2003, 02:18 AM حتى بعد ماتخرجت يا بوشريييك قاعد تنقنق.
بكل ناس متحمدش فى ربى.:mad:
PEACEFUL 07-08-2003, 01:01 PM و كان الف مرة يردني الزمن مش ممكن نتخلى عليها وحنقدر اصلا نقرا في مكان تاني .
و اكيد في هلبة الكلية ولت ليهم الميه و الهواء.
صح ولا غلط؟:D ther are things in our life that our destiny and we can go no where else with out it
المتلخبط 07-08-2003, 02:44 PM مش امية و هواء بس.
حتى حاجات تانية.;)
ZzeezZ 18-08-2003, 12:26 AM السلام عليكم
بصفتي شبه خريج, هذا ردي عالموضوع
رغم أني ضيعت 7 سنين في الكلية 6 منهم في الكهربية, أني مش نادم ولو يرجع الوقت حنتخد نفس القرار, الأيام اللي عشتها في القسم أحلى أيام حياتي والناس اللي تعرفت عليهم في القسم من خيرة الناس وأنشاءالله الصحبة تدوم طول العمر.
لكن اللي نادم عليه حق إن السيمسترات الأربعة الأولى ما حيجتش فيهم صح, كنت نحضر في المحاضرات و ما كنتش نطلع هلبة من الكلية.
فلو يرجع الزمن حنقلبها علي راصي :D .
novembr-rain 18-08-2003, 04:14 AM السلام عليكم:
بعد التحيه والسلام , خوي متلخبط تبي الحق عمري 22 عام
نفكر في السؤال,لكن القيت سؤال خير منه عندي ايجابته, وهو
لو يرجع الزمان24 عام , هكي نفضله السؤال, وايجابته بسيطه راهي قررت اني منخشش للدنيا كلها من العوج الي فيها.
مع تحياتي مطر نوفمبر
The_Matrix 19-08-2003, 07:21 AM كان يرجع الزمان الى وراء اشوية نصفي المواد العامة بممتاز كلهم بإذن الله
موندو 31-08-2003, 04:21 AM يا ولاد كليتنا حلوة .. و في تحسن مستمر و الدليل هالموقع هذا .. و الحاجة الباهية تجي منا حنا الطلبة و الخريجين
معليش كان في بعض الاخطاء و النواقص الموجودة في كل مكان و مش لازم نديروا من الحبة قبة :good:
dark_futuer 08-09-2003, 01:05 AM تعرفو ا يا اولاد لو يرجع الزمن
حنخش للهندسة حتى من العوج الي صاير حنخش الهندسة لان بصدق لم اتوقع ان يصير الجو المليح هدا في حياتي كلها
واحسن سنين حياتي في الهندسة ومعا الناس الي عرفتهم في الهندسة
والهندسة مش زي زمان
الهندسة ولت لبنان
women_murder 08-09-2003, 01:27 AM مش بالزبط لكن بوجودك يا دارك و غيرك من الشباب و الشابات الحلوة مش و لت لبنان و بس و لت ليبيا المنورة فى كل مكان :D :D :D :D
|