folla1985
28-11-2007, 09:43 PM
الزمان يوم من أيام صيف 2070
الحفيدة عمرها (16 سنة) مقعمزة مع جدتها عمرها (70 سنة) و صار بينهم التهدريز هذا
الحفيدة : هاي ميمي.. قداش ليا ما شفتك
الجدة : تي غير انطمري يا دعوة أصلا أنا محصلاتك ،، و الله الكساد قاتلني مش لاقية حاجة تفوتلي الوقت
الحفيدة : و لاش ما تفتحي (التي في) تتسلي بدل ماك قاعدة تقضي في new و old
الجدة : تي (التي في) دراه كبد مافيش غير 10500 قناة بس و كلهم نكد و بعدين الروبوت اللي يغير في القنوات اشبح شني مداير في الريموت زايد عليه بطم ماعاش نعرف كيف نغير
الحفيدة : حيه عليك حي يا حناي شني البدي الصقع اللي لابستيه بصراحة شقفة ،شكله من أيام خطوبتك أنت و جدي
الجدة : ييييييه بالله أنا نلبس زي ما جيلي كان يلبس موضتي قديمة يا حنة...
الحفيدة : قصدي مش حاسة روحك مخنوقة و أنت لابسته؟؟؟
الجدة : تي غير اسكتي و أنت تخترفي ،هذا اللبس المحتشم اللي المفروض البنت المتربية تلبسه،الله يرحم أيام زمان اللي كنا نلبسوا في بدي يبين الظهر و البطن و نبدوا متحشمين و خايفين لحد يكلمنا،تعرفي الجمعة اللي فاتت طلعت للحديقة باش نوسع خاطري أنا و كلبتي ايميلي و الله لقيت وحدة منحية جلدها لين عمودها الفقري باين قلتلها علاش هكي العفو ،قالتلي هذه الموضة يا ناني،يعطيك عاطية أنت و موضتك
الحفيدة : بالله غير لوحي عنك التخلف هذا يا حناي و الله معاها الحق جو الصيف هذا الواحد مش طايق حتى جلده ..أوف
الجدة : حسبي الله فيكم بناويت ما يشدهم شي،تي زمان الوحدة منا ما اديرش حاجة إلا بعلم اماليها ،تعرفي أنا علاقتي مع جدك بدت من لما كنت نقرا سنة أولى إعدادي و احنا طايحين حب و غرام و بديت نطلع أنا وياه للجردينة و أنا في أولى ثانوي و لما خشيت للجامعة نقضي أنا وياه الوقت من الصبح للعشية في شقة صاحبه و ما جاش خطبني إلا بعد التخرج بـ 3 سنين هذا وين قلت لأهلي عليه
مش زي توا من لما تتعلم المشي يديرولهم دار خاصة بيها هيا وياه في الروضة و يكتبوا عليها ممنوع الازعاج!!!
الحفيدة : روعة صار قلتيلي الوحدة منكم ياناري عليها تصبر للإعدادي باش تعيش حياتها،، و شني جو الأغاني يا حناي معاكم؟
الجدة : ييييييييييه قداش بنحكي،زمان كانت عندنا حاجة اسماها سي دي بالعربي يقولولها اسطوانة ليزرية على شكل دائرة فطحة و واحد من وجوها زي المرايا،انقرضت توا مهناكش إلا في المتاحف المهم كان جدك الله يرحمه كل أسبوع يفاجيء فيا بوحدة من هالسي ديهات مرة لنانسي عجرم هالدعوة قداش جدك كان يحبها، و مرة كارول سماحة و مرة هادي أسود ،ولا الدعوة فضل شاكر نموت فيه أنا و جدك كان يغار منه،ولا شعبولة التافه هذا كنا نفتحوه في المدرسة أنا و صاحباتي و نطيحوا فيها شطيح لين نهبلوا، و وائل كفوري و مروان خوري و راشد الماجد و ما ننساش كظومي كاظم الساهر حياتي هذا الرومانسية كلها و قداش بنعد كان هذاكا هو الطرب الأصيل بصراحة مرات جدك ياخذ مني الأم بي 3 متاعي و ينزلي عليها الأغاني اللي نحبهم و لا ينزلي في أغاني على نقالي و جو مش عادي و الأغنية تاخذ مش أقل من 5 دقايق،مش زي تو مش عارفة شن تسمعوا أصلا أطول الأغنية مدتها 5 ثواني بس!!
الحفيدة : الله يا حناي جوكم و حكاويك لا تمل لكن أنا مضطرة نمشي
الجدة : علاش العفو مازال ما حكيتلكش عن المسلسلات و الأعراس كيف شكلهم و طرق الزواج زمان خيرك هكي اللطف يا ربي طايرة و بطيريني معاك
الحفيدة : ما هو بنمشي نصلح الروبوت اللي يخلصلي في شعري أمس اشبح شن صارله حجزتله في المستشفى الخاص بيهم قالوا فيه طبيب زاير مليح متخصص في روبوتات تخليص الشعر خلي نرفعهوله
الجدة : بالله تربحي فيا أجر ارفعيلي معاك روبوتي اللي يحكلي في ظهري حتى هو مش عارفة خيره أمس بدل ما يحك قعد يخبط فيا على ظهري
الحفيدة : أوكي يا حناي بايات يا ميمي see you
الفكرة منقولة لكن النص مني،،شاركوني في القصة
الحفيدة عمرها (16 سنة) مقعمزة مع جدتها عمرها (70 سنة) و صار بينهم التهدريز هذا
الحفيدة : هاي ميمي.. قداش ليا ما شفتك
الجدة : تي غير انطمري يا دعوة أصلا أنا محصلاتك ،، و الله الكساد قاتلني مش لاقية حاجة تفوتلي الوقت
الحفيدة : و لاش ما تفتحي (التي في) تتسلي بدل ماك قاعدة تقضي في new و old
الجدة : تي (التي في) دراه كبد مافيش غير 10500 قناة بس و كلهم نكد و بعدين الروبوت اللي يغير في القنوات اشبح شني مداير في الريموت زايد عليه بطم ماعاش نعرف كيف نغير
الحفيدة : حيه عليك حي يا حناي شني البدي الصقع اللي لابستيه بصراحة شقفة ،شكله من أيام خطوبتك أنت و جدي
الجدة : ييييييه بالله أنا نلبس زي ما جيلي كان يلبس موضتي قديمة يا حنة...
الحفيدة : قصدي مش حاسة روحك مخنوقة و أنت لابسته؟؟؟
الجدة : تي غير اسكتي و أنت تخترفي ،هذا اللبس المحتشم اللي المفروض البنت المتربية تلبسه،الله يرحم أيام زمان اللي كنا نلبسوا في بدي يبين الظهر و البطن و نبدوا متحشمين و خايفين لحد يكلمنا،تعرفي الجمعة اللي فاتت طلعت للحديقة باش نوسع خاطري أنا و كلبتي ايميلي و الله لقيت وحدة منحية جلدها لين عمودها الفقري باين قلتلها علاش هكي العفو ،قالتلي هذه الموضة يا ناني،يعطيك عاطية أنت و موضتك
الحفيدة : بالله غير لوحي عنك التخلف هذا يا حناي و الله معاها الحق جو الصيف هذا الواحد مش طايق حتى جلده ..أوف
الجدة : حسبي الله فيكم بناويت ما يشدهم شي،تي زمان الوحدة منا ما اديرش حاجة إلا بعلم اماليها ،تعرفي أنا علاقتي مع جدك بدت من لما كنت نقرا سنة أولى إعدادي و احنا طايحين حب و غرام و بديت نطلع أنا وياه للجردينة و أنا في أولى ثانوي و لما خشيت للجامعة نقضي أنا وياه الوقت من الصبح للعشية في شقة صاحبه و ما جاش خطبني إلا بعد التخرج بـ 3 سنين هذا وين قلت لأهلي عليه
مش زي توا من لما تتعلم المشي يديرولهم دار خاصة بيها هيا وياه في الروضة و يكتبوا عليها ممنوع الازعاج!!!
الحفيدة : روعة صار قلتيلي الوحدة منكم ياناري عليها تصبر للإعدادي باش تعيش حياتها،، و شني جو الأغاني يا حناي معاكم؟
الجدة : ييييييييييه قداش بنحكي،زمان كانت عندنا حاجة اسماها سي دي بالعربي يقولولها اسطوانة ليزرية على شكل دائرة فطحة و واحد من وجوها زي المرايا،انقرضت توا مهناكش إلا في المتاحف المهم كان جدك الله يرحمه كل أسبوع يفاجيء فيا بوحدة من هالسي ديهات مرة لنانسي عجرم هالدعوة قداش جدك كان يحبها، و مرة كارول سماحة و مرة هادي أسود ،ولا الدعوة فضل شاكر نموت فيه أنا و جدك كان يغار منه،ولا شعبولة التافه هذا كنا نفتحوه في المدرسة أنا و صاحباتي و نطيحوا فيها شطيح لين نهبلوا، و وائل كفوري و مروان خوري و راشد الماجد و ما ننساش كظومي كاظم الساهر حياتي هذا الرومانسية كلها و قداش بنعد كان هذاكا هو الطرب الأصيل بصراحة مرات جدك ياخذ مني الأم بي 3 متاعي و ينزلي عليها الأغاني اللي نحبهم و لا ينزلي في أغاني على نقالي و جو مش عادي و الأغنية تاخذ مش أقل من 5 دقايق،مش زي تو مش عارفة شن تسمعوا أصلا أطول الأغنية مدتها 5 ثواني بس!!
الحفيدة : الله يا حناي جوكم و حكاويك لا تمل لكن أنا مضطرة نمشي
الجدة : علاش العفو مازال ما حكيتلكش عن المسلسلات و الأعراس كيف شكلهم و طرق الزواج زمان خيرك هكي اللطف يا ربي طايرة و بطيريني معاك
الحفيدة : ما هو بنمشي نصلح الروبوت اللي يخلصلي في شعري أمس اشبح شن صارله حجزتله في المستشفى الخاص بيهم قالوا فيه طبيب زاير مليح متخصص في روبوتات تخليص الشعر خلي نرفعهوله
الجدة : بالله تربحي فيا أجر ارفعيلي معاك روبوتي اللي يحكلي في ظهري حتى هو مش عارفة خيره أمس بدل ما يحك قعد يخبط فيا على ظهري
الحفيدة : أوكي يا حناي بايات يا ميمي see you
الفكرة منقولة لكن النص مني،،شاركوني في القصة