wellawella
05-12-2007, 01:57 PM
فكونا من الجو وأقرو الموضوع كله مش تشوفوه طويل شوية تجبدو عليه
سنبدأ بطرح حلقات وفي كل يوم حلقة
قبضة=بخيل
في إحدى مدننا الراقية كان يعيش مجيد القبضة البالغ من العمر 26 عام ، والذي يأخذ سيط كبير بين الناس في مجال البخل والقفاصة، وكان مجيد لا يتأقلم مع جماعة شارعه لأن المدينة كلها راقية ولم يتخيل في يوم من الأيام أن جده سيترك لهم فيلا في مكان كهذا.
المهم نبدو مع الحلقة الأولى
في الحوش
في الصباح الباكر ومع السابعة صباحاً مجيد كيف نايض من النوم، يمّه يمّه قولي لبوي يفتح طوبو الميّة الرئيسي من الشارع خلي بنغسل وجهي، وذهب إلى الحمّام لغسل وجهه، الأب من مكان بعيد من المنزل: يا مجيد حط قردل (سطل) تحت الشيشمة بش المية ما تريحش عالفاضي وغدوا تغسل بيه وجهك مش كل مرة نقعد نفتح ونسكر في الطوبو، مجيد مع تكشيرة خفيفة: تي باهي باهي.
غسل مجيد وجهه ومشي بيفطر ، يمه يمه وين الصونية الصغيرة متاعنا، الأم: علاش شن تبي فيها تي الصونية لينا شهر ما ستعملناهاش من يوم الغدي اللي جبنا فيه المشروب . تي باهي وينها. الأم: تلقاها في المطبخ شني بتدير بيها، مجيد : بنحطها تحت الخبزة بش لما نقسمها البقايا متاع الخبزة والحتحات يطيع عالصونية ونديرو بيه خبزة مرحية ، الأم وهي فرحانة: سلم وليدي سلم وليدي. وكمل مجيد الفطور و جهز روحه بيمشي للخدمة، بوجه عابس : يمّه تي وين الشخشير متاعي، الأم : تي أما واحد. مجيد وهو ناقر حواجبه: فكينا من الجو يا حاجة هو راس واحد غير وينه. الأم مع ضحكة باردة: طلع بيه خوك حمزة الصبح قال بيمشي بيه للجامعة.
مجيد وهو يكلم نفسه: (والله شكلي بنضغط علي روحي وبنشري واحد جديد متاع الزوز بربع). وهنا من بين المنادير والبساطات والطاولات يأتي الأب بسرعة البرق ويقف وراء مجيد وبخفة يد يضرب مجيد عنفقة ذو سوط رنّان ( سسطح )كيف قتلي بتشري شخشير تي إنت حرام الواحد يعطيك فلوس، امشي امشي فيزكو يرفعك برا من غير شخشير شن بيصير يعني. التفت مجيد لبوه ونظر إليه نظرة الربع عين ومشي، خرج مجيد مع مشيته المعهودة ( الشعر للجنب والسورية وسط السروال واليدين خلف الظهر وكسّار اللوز معلّق في السبتة عالجنب ) . وفي طريقه للعمل يلتفت عالجنب وإذ بعليوة الكتكوت يقترب من مجيد وهو يضحك.... يتبع
هذي غير الحلقة الأولى ما زال الضحك لقدّام
سنبدأ بطرح حلقات وفي كل يوم حلقة
قبضة=بخيل
في إحدى مدننا الراقية كان يعيش مجيد القبضة البالغ من العمر 26 عام ، والذي يأخذ سيط كبير بين الناس في مجال البخل والقفاصة، وكان مجيد لا يتأقلم مع جماعة شارعه لأن المدينة كلها راقية ولم يتخيل في يوم من الأيام أن جده سيترك لهم فيلا في مكان كهذا.
المهم نبدو مع الحلقة الأولى
في الحوش
في الصباح الباكر ومع السابعة صباحاً مجيد كيف نايض من النوم، يمّه يمّه قولي لبوي يفتح طوبو الميّة الرئيسي من الشارع خلي بنغسل وجهي، وذهب إلى الحمّام لغسل وجهه، الأب من مكان بعيد من المنزل: يا مجيد حط قردل (سطل) تحت الشيشمة بش المية ما تريحش عالفاضي وغدوا تغسل بيه وجهك مش كل مرة نقعد نفتح ونسكر في الطوبو، مجيد مع تكشيرة خفيفة: تي باهي باهي.
غسل مجيد وجهه ومشي بيفطر ، يمه يمه وين الصونية الصغيرة متاعنا، الأم: علاش شن تبي فيها تي الصونية لينا شهر ما ستعملناهاش من يوم الغدي اللي جبنا فيه المشروب . تي باهي وينها. الأم: تلقاها في المطبخ شني بتدير بيها، مجيد : بنحطها تحت الخبزة بش لما نقسمها البقايا متاع الخبزة والحتحات يطيع عالصونية ونديرو بيه خبزة مرحية ، الأم وهي فرحانة: سلم وليدي سلم وليدي. وكمل مجيد الفطور و جهز روحه بيمشي للخدمة، بوجه عابس : يمّه تي وين الشخشير متاعي، الأم : تي أما واحد. مجيد وهو ناقر حواجبه: فكينا من الجو يا حاجة هو راس واحد غير وينه. الأم مع ضحكة باردة: طلع بيه خوك حمزة الصبح قال بيمشي بيه للجامعة.
مجيد وهو يكلم نفسه: (والله شكلي بنضغط علي روحي وبنشري واحد جديد متاع الزوز بربع). وهنا من بين المنادير والبساطات والطاولات يأتي الأب بسرعة البرق ويقف وراء مجيد وبخفة يد يضرب مجيد عنفقة ذو سوط رنّان ( سسطح )كيف قتلي بتشري شخشير تي إنت حرام الواحد يعطيك فلوس، امشي امشي فيزكو يرفعك برا من غير شخشير شن بيصير يعني. التفت مجيد لبوه ونظر إليه نظرة الربع عين ومشي، خرج مجيد مع مشيته المعهودة ( الشعر للجنب والسورية وسط السروال واليدين خلف الظهر وكسّار اللوز معلّق في السبتة عالجنب ) . وفي طريقه للعمل يلتفت عالجنب وإذ بعليوة الكتكوت يقترب من مجيد وهو يضحك.... يتبع
هذي غير الحلقة الأولى ما زال الضحك لقدّام