مسابقة الأسوأ! [الأرشيف] - منتديات الهندسة نت

Backspace

14-12-2007, 09:45 PM

مسابقة الأسوأ!

تحت شعار: حرصا على تكريم الأسوأ

و نظرا للمنافسة الشديدة لتقديم الأسوأ.

و دعما للمنافسة الشريفة في هذا المجال.

قررت أن أنشئ هذه المسابقة لتكون على غرار (شهادة الأيزو العالمية للجودة).
طبعا, بعد إذن المشرفين.

و زى ما تعرفوا أنه مش أي حد يأخذ الجائزة هادي,
وأنه ليها شروط ومعايير صارمة للغاية,
و يجب الحرص الشديد عند اختيار المرشحين لهذه الجائزة,
و جوائزها معنوية صرفة, لأننا ناس مش متع فلوس حنا ناس مبادئ و طبعا هذا ما يمنعش حقيقة أن جيبي فاضي.
(يعني مسابقة مفصلة علينا تفصيل و مش ممكن أبدا حد من ألمانيا و لا اليابان يأخذ منا الميداليات الذهبية, الربح مضمون مية/مية)

نزيد نوضح أكثر, قم بكتابة
1. اسم المرشح
2. المجال
3. السبب
زي.
1. اسم المرشح : Backspace
2. المجال : أسوأ كاتب.
3. السبب : مش هاضمه أو خطه زى تخربيش الدجاج (وكل مازاد التعليل و كان مقنع كل مازادت فرصته في الربح)

و طبعا المجالات انتو تحددوها وغير محدودة و كل واحد و اللي يجي معاه. و كان عندك مرشحين هلبة و في أكثر من مجال, معليش تقدر تشارك بيهم.

زى أسوأ سيارة, أسوأ عمارة, أسوأ شارع, أسوأ معاملة , أسوأ منتوج , أسوأ فيلم.....أسوأ الخ.

لجنة التحكيم مكونة مني أنا رئيسا للجنة
و مني أنا أيضا كعضو في اللجنة,
و ممكن نزيد عضو ثالث معانا في اللجنة.
و الحكم النهائي للمرشحين حيكون بالتصويت بالأغلبية بين أعضاء لجنة التحكيم.

و من الممكن صدور أي تغيير في هذه المعايير و في أي وقت تراه لجنة التحكيم مناسبا.
و كل واحد يخش على مسؤوليته الخاصة و أنا معنديش علاقة.... بنبيعكم من الأخير.

سلام...

wellawella

15-12-2007, 02:26 AM

لكن أبداها إنت ياراص ههه

ArmyMan

15-12-2007, 03:17 AM

السلام عليكم ورحمة الله وبركاته

قصدي بموضوع هذا ... خديته انت الترتيب الأول ...
أما الترتيب الثاني فهو ... انت
والترتيب الثالث ... برضو انت

وبدون منازع ... :lol:

والسلام عليكم

المتشلفح

15-12-2007, 04:42 AM

اول مرة انخش لموضوع ومنعرفش شنى بنكتب

يعنى شوف لوين وصلت الدرجة ما عرفتش كيف بنردك عليك

ارمي منين ينقرا الموضوع هوا

وكيف عرفتو تردو فيه

33..33

Backspace

15-12-2007, 12:02 PM

لكن أبداها إنت ياراص ههه
أنا عضو لجنة التحكيم مانقدرش نرشح حد, حرصا على الشفافية!

قصدي بموضوع هذا ... خديته انت الترتيب الأول ...
و من حطك في لجنة التحكيم, باش تعطي رأيك!

اول مرة انخش لموضوع ومنعرفش شنى بنكتب
حتى أنا معرفتش كيف نرد عليك.

لكن مازال ما فيش واحد منكم قدر يتغلب على روحه و نرشحه كأسوأ رد.
زيدو اجتهدوا.

سلام...

المتشلفح

16-12-2007, 02:54 AM

أنا عضو لجنة التحكيم مانقدرش نرشح حد, حرصا على الشفافية!

و من حطك في لجنة التحكيم, باش تعطي رأيك!

حتى أنا معرفتش كيف نرد عليك.

لكن مازال ما فيش واحد منكم قدر يتغلب على روحه و نرشحه كأسوأ رد.
زيدو اجتهدوا.

سلام...

عشنا وشوفنا

T مع منى جاي هدا

الى عنده ولد رايح

سمراء خودي اعطيه لصاحبته تصبغه حتى هوا بالك يبدا جديد وزريف :lol::lol:

33..33

SmOkEy

16-12-2007, 12:23 PM

؟؟؟؟؟؟؟؟؟؟؟؟؟؟؟؟؟؟؟؟

من سىء إلى أسوأ:good:

Backspace

17-12-2007, 02:20 PM

من سىء إلى أسوأ

تاريخ التسجيل: 21-10-2007
الأقدمية: 56
رقم العضوية: 278579
المشاركات: 475
المدينة: THIS GALAXY 4 NOW
العمر: 27
قوة التقييم: 9

ربي يعاون

balck moon

17-12-2007, 02:42 PM

لماذا كل هذا التحامل على الكاتب !!

هذا النوع من المسابقات يقام في جميع دول العالم و على مستويات عالية و شخصيات مهمة مثل كتاب،، نقاد ،، ممثلين،، علماء،، و الخ
و الغرض منها هو تقييم الاسوء للذهاب الي الافضل و أخد العبر و تحسين المخطي !

و عن نفسي ساشارك في الموضوع !!

اسم المرشح : غزالة
2. المجال : الردود
3. السبب : عدم التحلي بأذنى مستويات النقاش المثمر و ألتجائها دائماً الي نظام كشخ باش تخاف منك الناس !!

ArmyMan

17-12-2007, 02:47 PM

السلام عليكم ورحمة الله وبركاته

المشاركة الأصلية بواسطة Backspace
ربي يعاون

شوف من يتكلم ... !!!

تاريخ التسجيل: 8-06-2006
الأقدمية: 557
رقم العضوية: 109335
المشاركات: 250
المدينة: NO WHERE
العمر: 24
قوة التقييم: 23

:lol: .... :lol: ..... :lol:

والسلام عليكم

الزبير

17-12-2007, 02:53 PM

ما فهمت شي ؟؟؟

lulu_

17-12-2007, 03:04 PM

انى مع راي المون موضوع حلو :good:
و انى بنشارك فيه
و هما في هلبا مرشحين خليني نبدو بالاهم يعني اعرف لو اسم مش مكتوب المرة هادي حينكتب المرة الجاية :devilsmil

اسم العضو :المتشلفح
المجال :منعرفش
السبب : لانه بارد و دراه كبد و معنديش عليه و يكتب بالون السماوي الي تكتب بيه صاحبتي سمراء :lol::lol:
قصدي ارمي و المتشلفح مديروش الجو الزايد
و انتم مايعجبكم عجب و لا صيام في رجب
قصدي كان مدايرة واحد منكم الموضوع راكم اتقول منور و مشكور و الكلام البايخ هدا كله تي شاركو خير منوريكم الوجه التاني

**الدودة نت**

17-12-2007, 03:11 PM

متشلفح هات خشيم ,, بنعيد عليك :D

ing

الزبير

17-12-2007, 03:16 PM

اسم العضو :المتشلفح
المجال :منعرفش
السبب : لانه بارد و دراه كبد

ايه ايه حتى ني من رايك :devil:

وحده بوحده ياراص :devilsmil

balck moon

17-12-2007, 03:16 PM

ArmyMan

17-12-2007, 04:12 PM

السلام عليكم ورحمة الله وبركاته

قصدي ارمي و المتشلفح مديروش الجو الزايد
و انتم مايعجبكم عجب و لا صيام في رجب
قصدي كان مدايرة واحد منكم الموضوع راكم اتقول منور و مشكور و الكلام البايخ هدا كله تي شاركو خير منوريكم الوجه التاني

اسمعي يا بنت تريسي على روحك خيرلك يا لولو.....

وانتي مين قاللك ان الموضوع مش عجبني ولا حاجة ... ؟؟؟؟ ...

وكما عودنا الشاعر الملقح (صفة للتلقيح) / ارخي روحك تعوم في الظرائف ...

والسلام عليكم

Backspace

17-12-2007, 04:48 PM

لماذا كل هذا التحامل على الكاتب !!

مشكور أخي "القمر الأسود" على المساندة, و مشاركتك مقبولة و خشيت في المسابقة.

مشكورة "لولو_" مشاركتك مقبولة و خشيتي في المسابقة.

مشكور "الزبير" مشاركتك مقبولة و خشيت في المسابقة.

سلام...

mrs.legorreta

21-12-2007, 01:57 AM

ما اعرف احد... بس بتفرج هالهواش :devilsmil

;)
mrs.legorreta

Backspace

24-12-2007, 04:19 PM

مافيش في الدنيا إلا أسوأ موضوع و أسوأ رد
شوفولنا حاجات تانية جديدة
أسوأ (قهوة و كوشة و فريق.......الخ)

سلام...

wellawella

24-12-2007, 10:01 PM

قصدي ياولاد نوعه الموضوع مليح خلي نبدو من الأول وبلا تلقيح كل واحد يحط العضو اللي مش عاجبه والسبب

Backspace

26-12-2007, 03:14 PM

قصدي ياولاد نوعه الموضوع مليح خلي نبدو من الأول وبلا تلقيح كل واحد يحط العضو اللي مش عاجبه والسبب
حتى هذا راي, لكن اعيينا منه الجو هوا, خشولنا في حاجات تانية
و أنا بنبدأ

أسوأ هامبورجا ذقتها في (قهوة هارون) و كان سعرها 1.75 و حجمها زي قعر الشيشة!

سلام...

wellawella

26-12-2007, 03:17 PM

لا لا حرام عليك همبورغا متاع هارونماعنديش معاها الروح

المهم أني أسوأ همبورغا متاع الكفتيلا 0.75 قرش نفص الطن قاعد خير

Backspace

26-12-2007, 03:25 PM

لا لا حرام عليك همبورغا متاع هارونماعنديش معاها الروح

المهم أني أسوأ همبورغا متاع الكفتيلا 0.75 قرش نفص الطن قاعد خير

الحق ما جربهاش متع كفتيلا. لكن ديما نشوف في اليافطة!!!

لكن قارن السعر و الحجم متع هارون, في هلبة أرخص و أحسن والأهم أكــــــــــــــــــــــــــــــــــــــبــــــــــــر.

سلام...

lulu_

26-12-2007, 03:36 PM

ابيخ مشروب الميريندا او الفانتا برتقال

و احسن واحد الكوتر:lol::lol:

massimo moratti

26-12-2007, 03:40 PM

منور يا راص......

wellawella

26-12-2007, 04:17 PM

احسن واحد الكوتر

فكرتيني بمقولة إن الشعوب لا تنسجم الا مع تراثها وفنونها

عالمهم أسوأ مشروب الفانتا وأقوى مشروب مريندا أناناس وببسي ماكس

princeman

26-12-2007, 05:21 PM

اسوأ سكالوب سكالوب فينيقيا2 صغير ومافيشي بنه واقوى سكالوب سكالوب الضيافة.
انزيد وحده ثانيه ..
اسوأ بيتسا بستسا هاوس كلينا فيه مرة وحدة طلع فيها شعر معاش وليناله واحسن بيتسا بيتسا فاميلي "وللا شن رايكم"

الزبير

26-12-2007, 05:31 PM

اسوأ بيتسا بستسا هاوس كلينا فيه مرة وحدة طلع فيها شعر معاش وليناله واحسن بيتسا بيتسا فاميلي "وللا شن رايكم"

فيها شعر :eek: خيييييييه حسني بنرجع :confused: T وين المرحاض طرحة افلام اجنبيه :lol:

wellawella

26-12-2007, 08:44 PM

أسوأ طابونة طابونة البركة في بن عاشور وأقوى طابونة في النورس في السياحية

انيااااااااااااااااع جوعتوني ياولاد

princeman

26-12-2007, 09:09 PM

اسوأ فريق في ايطاليا هما لازيو طايحه فوقهم الموسم هوا واحسن فريق في ايطاليا هوا الإنتر مافيش نادي توا ايحك معاه ...
قصدي اني انشجع في الميلان لكن الله غالب واضح الفرق في المستوى

الزبير

28-12-2007, 11:22 AM

اسوء شاعر شعبي في الجماهيريه غالي البرعصي.

واقوى شاعر براهيم بن مطير الرياحي.

majin_aymen2001

28-12-2007, 02:53 PM

المرشح : البنات :devilsmil

المجال : كل شيء

السبب : سريبهم نفخ .. و كان أتورطت معاهم أعتبر نفسك أنتهيت ... و فارغات عاطفيا :devilsmil .... نأسف من الفئة القليلة التي لا تتصف بهذه الصفات ( الظالم في جرت المظلوم ! )

Backspace

28-12-2007, 09:52 PM

يا شباب نقطة نظام بس!
حنا في مسابقة الأسوأ فقط مش الأحسن ضد الأسوأ!

ابيخ مشروب الميريندا او الفانتا برتقال

أنا منحبش ماء الشعير!

منور يا راص......

منور يا كرعين

اسوأ سكالوب سكالوب فينيقيا2

الحق ماذقتاش, لكن عندهم بيتسا مليحة

اسوأ بيتسا بستسا هاوس

عندك الحق

أسوأ طابونة طابونة البركة في بن عاشور
ماعرفتهاش وين هادي؟

اسوأ فريق في ايطاليا هما لازيو
في مازال أسوأ منهم خير زيد دور

اسوء شاعر شعبي في الجماهيريه غالي البرعصي
منعرفاش

السبب : سريبهم نفخ .. و كان أتورطت معاهم أعتبر نفسك أنتهيت ... و فارغات عاطفيا .... نأسف من الفئة القليلة التي لا تتصف بهذه الصفات ( الظالم في جرت المظلوم ! )

شكلك عندك سوابق معاهم

سلام...

wellawella

28-12-2007, 10:02 PM

اسوء شاعر شعبي في الجماهيريه غالي البرعصي.

واقوى شاعر براهيم بن مطير الرياحي.

أني انقول أسوأ شاعر عطية الورفلي
وأقوى شاعر الزروق البريكي وحسين الرياني

المهندس الضايع

29-12-2007, 02:32 AM

أسوأ صنة عرق .. صنة عرق واحد واكل حلبة !!!

للاخوة اللي ما يعرفوش كلمة صنة, صنة : رائحة أو بالشرقاوي بنة..

المتشلفح

29-12-2007, 03:02 AM

السلام عليكم ورحمة الله وبركاته

شوف من يتكلم ... !!!

:lol: .... :lol: ..... :lol:

والسلام عليكم

تاريخ التسجيل: 21-01-2004
الأقدمية: 1437 رقم العضوية:
3066 المشاركات: 1,875
المدينة: تاجوراء
العمر: 21
قوة التقييم: 74شوف من يتكلم :lol::lol::lol::lol:

33..33

سمراء

29-12-2007, 10:54 AM

أسوأ صنة عرق .. صنة عرق واحد واكل حلبة !!!

للاخوة اللي ما يعرفوش كلمة صنة, صنة : رائحة أو بالشرقاوي بنة..

:lol::lol::lol::lol:

وحدة طيبة

29-12-2007, 11:34 AM

اسوأ عضوة سمراء
السبب لان ليا ساعة نتجدى فيها تجي وماعدلتش عليا

ملاك بنت ابوها

29-12-2007, 11:42 PM

اسوا حاجه ليبيا للاتصالات

علاش:- لانه شعارهم لسنا الافضل ولكننا الوحيدون :devil:

المهندس الضايع

29-12-2007, 11:57 PM

أسوأ حبة الحبة اللي تطلع في وسط الظهر و ما تنحكش الا بالحاشية متع الباب والا الدولاب !!

أسوأ شعور لما تبدا تهدرز مع واحد و الا وحدة صنة فمه افي و كل ما تتلفت للجهة التانية يدورلك و يقعد يدوي قدام وجهك :S

miss_vampire

30-12-2007, 12:04 AM

اسواء حاجة انى اول مرة انشوف الموضوع وياريتى ماشوفتة
:lol::lol::lol::lol::lol::lol::lol::lol:

ملاك بنت ابوها

30-12-2007, 12:27 AM

اسوا وجبه مكرونه مصقعه وانتى مروحه من القراياه جيعانه

اسوا شعور انه صاحباتك كلهم يتلقطو عليك يبو تفطريهم وانتى ماعندكش الا مصروفك انتى بس

اسواء رد اللى تكتبيه وتتعبى فيه وفى الاخير تحصلى عليه رد مخالف

اسوء توقيع اللى يحدفوه الاداره

اسواء كلام قريته فى الهندسه نت

تم حذف التوقيع من قبل الاداره

wellawella

30-12-2007, 03:04 PM

اسوا وجبه مكرونه مصقعه وانتى مروحه من القراياه جيعانه

اسوا شعور انه صاحباتك كلهم يتلقطو عليك يبو تفطريهم وانتى ماعندكش الا مصروفك انتى بس

اسواء رد اللى تكتبيه وتتعبى فيه وفى الاخير تحصلى عليه رد مخالف

اسوء توقيع اللى يحدفوه الاداره

اسواء كلام قريته فى الهندسه نت

حبة حبة ياعلاّم

تي غير خيرك قريب تضربي بالشوية علينا ههه

wellawella

30-12-2007, 03:08 PM

أسوأ شوارع من ناحية كثرة الحفر شوارع حي الأندلس ، تدور فيهم ربع ساعة معناها سلامتك في الصالة والديسكوات

Backspace

30-12-2007, 06:48 PM

أسوأ شوارع من ناحية كثرة الحفر شوارع حي الأندلس ، تدور فيهم ربع ساعة معناها سلامتك في الصالة والديسكوات
في منطقة قبل مصيف القربولي,, تخطم في الشارع , حشاك المجاري مازال أعلى منك!

سلام...

سمراء

31-12-2007, 11:35 AM

اسوأ عضوة سمراء
السبب لان ليا ساعة نتجدى فيها تجي وماعدلتش عليا

:eek::rolleyes::rolleyes:
نعرفك انى يا بنية..؟:devilsmil

المتشلفح

31-12-2007, 01:08 PM

أسوأ شوارع من ناحية كثرة الحفر شوارع حي الأندلس ، تدور فيهم ربع ساعة معناها سلامتك في الصالة والديسكوات

شنى مالا تهيج على البحر بروحك :lol::lol::lol:

على الطريق مش مكسرا طريق البحر بس

33..33

wellawella

31-12-2007, 02:05 PM

على الطريق مش مكسرا طريق البحر بس

لا لا ياراص غير وين مشيت انت

أني قصدي الزناقي لداخل مش عالبحر يعني الجو اللي ورا هارون والجو هذا

احمد بنور

01-01-2008, 05:13 PM

ملاك بنت بوها باهى الى لاقية مكرونة مسقعة لان عرافة الاسواء شنوا ؟ هوانك اتروح وانت الى اطيب المكرونة وخاصة انك نعسان ومحاضرات وهىىىىىىىىىى شوى ونبكى ...
بجديات اسواء حاجة انك تقرا فى الهندسة

Backspace

01-01-2008, 08:43 PM

ملاك بنت بوها باهى الى لاقية مكرونة مسقعة لان عرافة الاسواء شنوا ؟ هوانك اتروح وانت الى اطيب المكرونة وخاصة انك نعسان ومحاضرات وهىىىىىىىىىى شوى ونبكى ...

و الأسوأ من هكي انك لما تبي تجي تطيب تلقى الغاز تم

سلام...

majin_aymen2001

02-01-2008, 01:01 AM

و الأسوأ من هكي انك لما تبي تجي تطيب تلقى الغاز تم

و يزيد السوء سوءا عظيما عندما تذهب لتشتري الغاز و تجد أن نصف سكان طرابلس قد " دفلوا " علي البنبلي للتأكد إن كانت " أتفش " أو لا :confused:

أني الي مستغرب فيه كيف يجي واحد و يدير تشك ... و بعدين يجي الي بعده و يدير نفس الشيء و بعدين يمسح بصبعه !!! تي كنهم هاضوا !!!

المتشلفح

02-01-2008, 01:45 AM

لا لا ياراص غير وين مشيت انت

أني قصدي الزناقي لداخل مش عالبحر يعني الجو اللي ورا هارون والجو هذا
اطلع من قرجي :devil:

33..33

mysterious

02-01-2008, 08:56 AM

قوية كيف تغير الموضوع ... لكن هكي احسن :lol::lol:

واحسن بيتسا بيتسا فاميلي "وللا شن رايكم"

وين هادي ؟؟؟؟

بالنسبة ليا احسن بيتزا نور بيتزا عالحطب في عمر المختار في الصفة اللي مقابلة كوبا كابانا

balck moon

02-01-2008, 01:45 PM

قوية كيف تغير الموضوع ... لكن هكي احسن :lol::lol:

وين هادي ؟؟؟؟

بالنسبة ليا احسن بيتزا نور بيتزا عالحطب في عمر المختار في الصفة اللي مقابلة كوبا كابانا

فعلاً ألذ أكل في هذا المكان ،، جرب مكرونة بغلال البحر !!:good:

wellawella

02-01-2008, 07:57 PM

اطلع من قرجي

تي ماهو تقول نسكن في حي الأندلس من الأخير ياراص هههه

شراع

03-01-2008, 01:45 AM

مشكور على موضوع

wellawella

03-01-2008, 03:00 PM

أسوأ حاجة إنك تجي بتلعب مبارة وتلقا السيبيركو مشرك خاصة كان معندكش وقت تشري واحد تاني

هههه

Backspace

05-01-2008, 01:20 PM

و يزيد السوء سوءا عظيما عندما تذهب لتشتري الغاز و تجد أن نصف سكان طرابلس قد " دفلوا " علي البنبلي للتأكد إن كانت " أتفش " أو لا

و بعد ما تعي و تدور على الغاز تلقى عجلة السيارة مفشوشة و ماعندكش شكورطة!

سلام...

wellawella

05-01-2008, 10:34 PM

و بعد ما تعي و تدور على الغاز تلقى عجلة السيارة مفشوشة و ماعندكش شكورطة!

سلام...

والأحرف من هكي يكون يوم جمعة والقميستي مسكر ههههه

برنس المنتدى

06-01-2008, 01:40 AM

خوووووووووووووووونا................واللــــــــــــــــــــــــه مافهمت حاجة

majin_aymen2001

06-01-2008, 02:31 AM

والأحرف من هكي يكون يوم جمعة والقميستي مسكر

اياه ماداما وصلنا في يوم الجمعة ... معناة خلاص لي هني تمت معش فيه أكثر من هكي !!

شوف نفسك هذا كله و يوم جمعة !!!!

Backspace

06-01-2008, 08:06 PM

واحسن بيتسا بيتسا فاميلي "وللا شن رايكم"

على أيامي كنت افضل بيتسا الهندسة

لكن توا مش عارف قاعدة زي ماهي ولا لا!

حاليا افضل بيتسا "الفورنو" في الفرناج. مش عادية!!

سلام...

ملاك بنت ابوها

06-01-2008, 11:01 PM

اسوا احساس لما اديرى داون لود لفيلم ولما قريب ايتم ستك الجهاز وديريله ريستارت

واسوا شعور لما تنوضى الصبح بكرى وتلقى واحد ايدير فى روحه لقاح ايقولك صباح الخير يا سمبتيكه

والحاجه التالته لما تقولك صاحبتك انى انحب نسمع الروك لما تقوليلها لمنو تسمعى تقولك 50cent

Backspace

07-01-2008, 09:19 PM

اسوا احساس لما اديرى داون لود لفيلم ولما قريب ايتم ستك الجهاز وديريله ريستارت

عندك الحق!

سلام...

wellawella

07-01-2008, 09:41 PM

اسوا احساس لما اديرى داون لود لفيلم ولما قريب ايتم ستك الجهاز وديريله ريستارت
عندك الحق!

شن ما فيش برنامج IDM امالا
أني المشكلة هذي والله الا عادي ههههههههه

ملاك بنت ابوها

09-01-2008, 09:16 PM

اسوا شعور لما تخشى للحمام وتنحى كل حوايجك بدوشى وتلقى الصخانه مش فى الضضى

احمد بنور

09-01-2008, 09:51 PM

اسوا شعور لما تخشى للحمام وتنحى كل حوايجك بدوشى وتلقى الصخانه مش فى الضضى
عندكم سخانة والله اكويس ت احمدى ربك ....انت مش عارفة الاسوء انك تلعب فى كورة وقبل متبدا المبارة اتفكر شن ايسخنلك الامية ....احسن حاجة واخذها من قاصرها ونرقد طوالى
ايقولوا (مصردن) ولا تشحويرة الامية ............

سلام

Backspace

10-01-2008, 06:37 PM

من غير مجاملات يا أخوان أنا نعتبر هذاالموضوع من أسوأ مواضيعي في المنتدى
و مع ذلك عدد الزيارات كان أكتر من أي موضوع تاني شاركت به.

الجمهور عاوز كده

سلام...

Backspace

14-01-2008, 09:23 PM

أسوأ موضوع: هذا الموضوع (4 أصوات)
قصدي بموضوع هذا ... خديته انت الترتيب الأول ...
أما الترتيب الثاني فهو ... انت
والترتيب الثالث ... برضو انت

أسوأ رد: غزالة ( 1أصوات)
اسم المرشح : غزالة
2. المجال : الردود
3. السبب : عدم التحلي بأذنى مستويات النقاش المثمر و ألتجائها دائماً الي نظام كشخ باش تخاف منك الناس !!

أسوأ منعرفش: المتشلفح (3 أصوات)
اسم العضو :المتشلفح
المجال :منعرفش
السبب : لانه بارد و دراه كبد و معنديش عليه و يكتب بالون السماوي الي تكتب بيه صاحبتي سمراء

أسوأ هامبورجا: تعادل (1 أصوات)
كفتيلا
هارون

أسوأ مشروب: ( 2أصوات)
ابيخ مشروب الميريندا او الفانتا برتقال

أسوأ سكالوب: سكالوب فينيقيا2 1( أصوات)
اسوأ سكالوب سكالوب فينيقيا2 صغير ومافيشي بنه واقوى سكالوب سكالوب الضيافة.
انزيد وحده ثانيه ..

أسوأ بيتسا بستسا هاوس (2 أصوات)
اسوأ بيتسا بستسا هاوس كلينا فيه مرة وحدة طلع فيها شعر معاش وليناله واحسن بيتسا بيتسا فاميلي

أسوأ طابونة طابونة البركة (1 أصوات)
أسوأ طابونة طابونة البركة في بن عاشور

اسوء شاعر شعبي تعادل (1 أصوات)
اسوء شاعر شعبي في الجماهيريه غالي البرعصي.
أني انقول أسوأ شاعر عطية الورفلي

أسوأ شوارع: حي الأندلس- منطقة قبل مصيف القربولي تعادل (1 أصوات)
أسوأ شوارع من ناحية كثرة الحفر شوارع حي الأندلس
في منطقة قبل مصيف القربولي,, تخطم في الشارع , حشاك المجاري مازال أعلى منك

اسوا احساس (2 أصوات)
اسوا احساس لما اديرى داون لود لفيلم ولما قريب ايتم ستك الجهاز وديريله ريستارت

بالنسبة للجوائز مازال نفكر فيهم, وكان عندكم أفكار للجوائز عادي نسمعوا

سلام...