السلام عليكم

لو سمحتم
عندى محاضرات امنزلتهم فى الجهاز ونبى انزلهم على سى دى
قولوا لى كيف ولو سمحتم شرح بطئ لأنى مش شاطره فى خدمتكم

حاجه ثانيه عندى dvd فى الجهاز
قبل كان يخدم تمام بس بعد ما غيرت الويندو امعش يشتغل
طبعاً مفروض انزل التعريف امتاعه
بس ما لقيتاش عندى
وما عرفتش كيف انزله من الانترنت

حاجه ثالثه
عندى برنامج حمايه اسمه AVG -antivirus
امنزلته من الانترنت
قولوا لى شنو رايكم فيه
قبل كان عندى نورتون بس دارلى هلبه مشاكل لغيته
وتوا امشيت بنشري نورتون 2004 لقيته 120 دولار
والنسخه الفرى ما مشتش معاى ديمه ايقولى البرنامج corrupted


شكلى كثرت عليكم
بس اكيد ياباش مهندسين مش حتقصروا
سلام

تقدرى تنزلى المحاضرات بواسطة برنامج سهل ومعروف nero burning room
بطريقة عادية copy past
وكامك تبى الشرح الممل عليه قولى

بالنسبة لل dvd مفروض يتعرف تلقائيا من غير تعريف
لكن ما باش يخدم ممكن ما نزلتيش البرنامج الخاص بتشغيل ال dvd
النورتن افضل بالنسبة ليى
علاش 120 دولار
تلقى فى منتدى البرامج والكراك
نسخة2004 مع الكراك

السلام عليكم ,,,

اول شى أهلين بيك فى منتدى الكمبيوتر .

و تو نبدوا فى المشاكل اللى عندك <<< على اساس زابط :lol: .

1- بالنسبة لعملية نسخ المحاضرات ضرورى ما يكون عندك .

- سى دى رايتر .
- سى دى فاضى .
- برنامج نسخ سيديات ( مع ان ويندوز اكس بى فيه ميزة نسخ ملفات بدون الحاجة الى برنامج ) .

لكن الافضل انك تستخدمى برنامج نسخ زى ال Nero .

تقدرى تنزل اخر نسخة منه Nero Burning Rom 6.0.0.23 من هنا ...

http://www.alhandasa.net/vb/showthread.php?s=&threadid=13840

و بالنسبة لشرح استخدامه ,, فى الوصلة هادى فى شرح للاخ أبورقيقة من بوابة العرب ( ليبى من الزنتان على فكرة ) شارح النيرو من الالف الى الياء بارك الله فيه ,, الشرح طبعاً كان للاصدار 5.5.8.2 ,, فى بعض الاختلاقات بينه و بين الاصدار اللى بتنزليه لكن يمشى حاله لان الفكرة واحدة ;)
وصلة الشرح ...
http://www.arabsgate.com/edu/vb/showthread.php?s=&threadid=153709&highlight=%E4%ED%D1%E6

انتى اقرى غر الجزء الخاص بنسخ ال Data CD لان هذا اللى تبيه .

2- بالنسبة لل DVD يا ريت توضحى شنو قصته ؟؟ هل الايكون متاعه ما تطلعش مرة واحدة ( يعنى هذا يا مشكلة فى التوصيلات - يا اما من البايوز يبى تعديل ) .
و الا تدخلى فيه سى دى ما تخدمش ؟؟
هل عندك DVD Player ?? شنو الويندوز اللى مركبتيه باش نعطيك فتوى فى الموضوع هذا .

و كانك غر على التعريف ( مع ان فى اعتقادى ان المشكلة مش من التعريف ) .

خودى الموقع هذا ,,,

http://www.windowsxp-drivers.com/category/3.htm

تلاقى فيه كل التعريفات الخاصة بالشركات المنتجة لل DVD & CD ROM اختارى الشركة و نزلى التعريف الخاص بالموديل الموجود عندك : P .

حيطلب منك يوزر نيم و باسورد باش تنزلى التعريف
User=driver
Password= all

3- عندى برنامج حمايه اسمه AVG -antivirus
هذا ما عنديش عليه فكرة ( لكن موجود عندى و مش فاضى باش نجرب ) .

قبل كان عندى نورتون بس دارلى هلبه مشاكل لغيته
وتوا امشيت بنشري نورتون 2004 لقيته 120 دولار
باهى ما داما النورتون درهلك كبدك ,,, علاش ماشية بتشريه ;) و كيف تشرى و احنى نعطوا فى كل شى ع الابيض فى الهندسة نت ( شوفى منتدى البرامج و الكراك فيه كل شى ) .

هادى وصلة تنزيل ال Norton اذا كنتى مازلتى تبيه ,,

http://diy.winzheng.com/jason/Norton2k4.rar

الرد رقم 19 تلاقى فيه طريقة كسر حماية النورتون باستخدام الكى جن اللى جاى معاه ( شرح بالصور منزله KODHACK) و لا 120 دولار و لا هم يحزنون .
http://www.alhandasa.net/vb/showthread.php?s=&threadid=5559&perpage=10&pagenumber=2
و زيدى تابعى الموضوع من الاول (4 صفحات باش تعرفى الناس التعبانة فى جرة الحصول ع الحاجات ع الابيض ) .


و الا نزلى ال MCafee احسن و اقوى ( بشهادة الخبراء ) .

اخر اصدار 8 .
http://www.alhandasa.net/vb/showthread.php?s=&threadid=5729&highlight=mcafee

و الا نزلى ( PC-Cillin 2004 ) مع انه فيه مشاكل و ما ننصحكش بيه ( الا اذا كان جهازك مختش و ضعيف فوق امكانيات ) لان المعروف ان اغلب برامج الحماية تشفط من موارد الجهاز و تخلى الاداء متاعه :confused:
http://www.alhandasa.net/vb/showthread.php?s=&threadid=12464

برامج الانتى فايروس كثروا هلبة ( كاسبر سكاى - باندا انتى فايروس - و غيرهم و كل واحد يعيط من تركينة ،، اللى عندى احسن اللى عندى اقوى ) .

نصيحة نزلى المكافى و ريحى راسك من الدوشة .

و هذا موضوع مقارنة بين برامج الانتى فايروس BY Donvito 62
http://www.alhandasa.net/vb/showthread.php?s=&threadid=8032&highlight=%E3%DE%C7%D1%E4%C9

و مرة مرة ديرى دورة على منتدى البرامج و الكراك ،، تحصلى اخر برامج و بالكراكات و مش راح تضطرى تدفعى و لا مليم احمر لشركات البرامج كخ كخ كخ

http://www.alhandasa.net/vb/forumdisplay.php?s=&forumid=42

سماحينا تعبتك معاى .

سلام :devilsmil


http://www.danasoft.com/sig/libyancrazy.jpg

شكراً لأهتمامك dr.tech
المحاضرات اللى عندى مسموعه
وأنا درتلها داون لود فى الجهاز عندى ونبى انزلها على سى دى مسجل باش نسمعهم

شنى يا كريزى
انا اعطيت عناصر الدرس وانت عبرت
شكرا

عفوا يا شيماء تفضلى فى اى وقت

المحاضرات صوتية كويس
فى نفس البرنامج المدكور
http://www.geocities.com/only2ex/ex/pro/nero.htm

وهدة الوصلة فى شرح وافى على البرنامج

ولو فى مشكلة خوك فى الخدمة

ماداما الحكاية ملفات صوتية و تبى تنسخيهم Audio CD ,,, برى للجزء الثانى فى الشرح متاع ابو رقيقة للنيرو ( تلاقى الوصلة فى الرد متاعى شورك ما شبحتيشى بكل كخ كخ كخ ) .

او من وصلة الدكتور تك ;) .

انا اعطيت عناصر الدرس وانت عبرت
النت هادى لينا يا حاج ،، و عارفين شنو فيها و شنو ما فيهاش ،، يوم من الايام بنزلها و نضغطها و نروح بيها للحوش :lol:

Internet.rar :lol:

سلام :devilsmil

http://www.danasoft.com/sig/libyancrazy.jpg

مشكور يا كريزى على الرد المفصل
وأنت اللى سامحنى تعبتك فى الكتابه

أولاً
المحاضرات زى ماقلت صوتيه ونبى انحطها على سي دى مسجل
وعندى سي دي رايتر
وعندى سي ديات فاضيات اخر طرحه
نبى الطريقه بس
وتوا انشوف الوصله وشرح الزنتانى فى البوابه ان شاء الله


ثانياً
عندى DVD PLAYER فى الجهاز والويندو XP
وبرضوا حنشوف الوصله


ثالثاً
نورتون لما انزل النسخه المجانيه المعروضه
يقولى ديمه الملف مضروب
وعندك حق ليش اندور فى نورتون وهو امداير لى صداع
بس كل ما نمشى يشكروا فيه وهو احسن حمايه
والبرامج الثانيه قولى اما احسن حاجه وانزلها لأن بصراحه انخاف انحط برنامج نوحل فيه وانا معلوماتى يادوب على قدى فى الكمبيوتر


الزياره ان شاء الله انعاودها بأستفسارات اخرى

ماشاء الله

شكلكم كتبتوا الردود وأنا نكتب فى الرد
توا أنشوف الوصلات وانرد عليكم بعد الفطور ان شاء الله
ومشكورين الف لخدماتكم

نزلى MCafee 8 ,,, وصلته فوق ,,,

انى رديت فى الموضوع متاع البرنامج هذا ( صارت فيه دعكة قوية برى اقريه :lol: ) و كان ردى على تجربة شخصية مع البرامج هادى ,,

يا سادة يا كرام ........

سيمنتك و المكافى الزوز شركات عريقة و قوية فى مجال مكافحة الفيروسات .

شركة المكافى مستملة عملية السكان عن الرسايل و المرفقات فى الهوت ميل . و السيمنتك شادة الياهو .

اول انتى فايروس فى حياتى ركبته كان MCafee 95 و جاى هدية مع احد اعداد مجلة بى سى مجازين و بطبيعة الحال كان تجريبى و بنفس الطريقة تحصلت من المجلة على نورتون 98 .و حتى هوا تجريبى .

و خدمت بيهم الزوز ......... و امورهم مية .

و الحق الحق انى الفترة اللى فاتت كانت عندى ثقة عمياء فى النورتون و ديمة نركب فيه فى اى جهاز يحتاجه ... و فى حالة لو كان الجهاز طايحة على رساه الصبروة نركلبه PC Cillin مريح اكثر . .


" الا فى جهازى لانى مش مركب الى توا ولا انتى فايروس ليا حوالى 3 سنين " الا اذا كنت نبى ندير تجارب على بعض الحاجات .

و السبب اللى مش مخلينى مركب و لا انتى فايروس لانى عارف كيف نحمى نفسى و عارف من وين و كيف يخش الفايروس و مسكر عليه كل المنافد الا اذا كانا كيت فى حاجة ....... صب النورتون دير سكان و امسحه طول من الجهاز .

لان البرامج المضادة للفيروسات تستنفد فى قدرات الجهاز فى الوقت اللى انى محتاج لكل امكانياته .

==============================
قعدت فترة مقتنع بان نورتون اقوى انتى فايروس الى ان جى اليوم و كنت فى انترنت كفى مركبين اكس بى و نوتون انتى فايروس و ياخد فى Auto Update و مركبين Norton Internet Security المهم و انى طالع خطرلى نضحك شوية ....... فنزلت تروجن صغيرون ....... دبل كليك و خطمت على النورتون لقيته اختفى ( مركب مع التروجن كيلر للانتى فايروس ) و على فكرة لما نزل التروجن و درت عليه حتى سكان ما كشفاش ....

المهم بعد ما كملنا شغلنا قلت خلى نحطه فى الشيرد فولد متاع صاحب الكفى اللى كان Read & Write المهم بمجرد ما لوحته غادى ............. حسيت صاحب الكفى زى اللى بدى يزربز و بعدين جى سالنى قالى انت حطيت حاجة فى السيرد فولدر قتله لا ... سالته زى الطفل البرئ قتله شنو فى قالى المكافى شد تروجن

استغربت فى الموضوع مع ان المكافى اللى كان مركبه 5 ( لكن الابديت متاعه جديد ) ...... و المصيبة الاكبر ان المكافى كشف التروجن من قبل ما يصيرله حتى Run .

فى هذاكا اليوم عرفت ان المكافى صقع فوق مكافحة فايروسات و النورتون زوا عليه الفيل .

و فى النهاية كل واحد يرقد ع الجنب اللى يريحه !!

و اللى بتركبه ركبه فى جهازك لانك انت صاحبه و حر فيه و اللى انت عارفه كويس حطه و اللى تعرف تتعامل معاه و بينك و بينه عشرة عمر ( رفاقة عمر ) .

وانا معلوماتى يادوب على قدى فى الكمبيوتر
حتى انى غلبان :confused:

الزياره ان شاء الله انعاودها بأستفسارات اخرى
اتفضلى فى اى وقت و ما يردك الا كيبوردك ;) .

سلام :devilsmil


http://www.danasoft.com/sig/libyancrazy.jpg

و بعد 3 ايام .....

وانرد عليكم بعد الفطور ان شاء الله صحة صحة :D
شنو ان شاء الله غر الشرح متاع ولد ابو رقيقة ما و جعلكش راسك :D

ع العموم بالنسبة لل DVD ما اعتقدش ان المشكلة فى التعريف مادامك مركبة XP :good: .

يعنى اما ان :
- ال DVD Rom زوا عليه الفيل ،، و عاطل .
- او فى مشكلة فى الكابلات و الجنبر و تبى تعديل بسيط ( يستلزم تدخل فنى فى الموضوع ) .

- او بحتاج الى تعديل بسيط فى البايوز باش يلقاه الجهاز ( يحتاج لتخدل فنى فى الموضوع ) .

الحالة الاولى الايقونة متاع ال DVD تكون ظاهرة لما My Computer لكن ما يخدمش و لا يشغل و لا شى .
الحالة 2 -3 ايقونته مهناش مرة واحدة ;) .

سلام :devilsmil

http://www.danasoft.com/sig/libyancrazy.jpg

السلام عليكم

اَسفه مشغوله

عموماً لقيت عندى برنامج النيرو وعاودت درتله انستليشن من جديد
وغير نفضى توا انشوف حكاية السى دى ونزيد نقرأ ردودكم ونرد عليكم


بعدين ال dvd عندى جديد وما أستعملتاش هلبه
وكان يخدم تمام
بس حصلت مشكله فى الجهاز ورفعته لمهندس ليبيى مشى أشبح شنو دارله
قصدى شوره عاود تنزيل الاكس بى
وتوا لما انحط ديسك يقولى
plantom menace
dvd movie
ومعها خيارات
what u want window to do
يحسابنى أنا نبى انفهمه شن ايدير
المهم وتطلع معاه تبى
play dvd on real player
or media

,واللى نضغطها وانقوله اوكى يقولى الجهاز ما فيش تعريف dvd
حطى الديسك وانا ماعطانيش المهندس ديسك
كيف الحل

وعلى فكره عندى dvd جايبته من ليبيا خدم بدون جتى حاجه
والاصليات ما بوش يخدموا

شنو اندير

وعلى فكره عندى dvd جايبته من ليبيا خدم بدون حتى حاجه


انى من فترة كنت واخد ال DVD Rom متاع الكفى و جايب مجموعة كبيرة من الدفيديز من ولد صاحبى لاحظت ان فى بعض منهم خدم و البعض لا ( مع ان ال DVD جديد و الديسكا امورها طيبة و الويندوز XP و جربت اكثر من DVD Player ) ,,,,

طلعت المشكلة من حاجة اسمها DVD Region Code ,,,
( تقدرى تقولى نوع من ال Protection على ال DVD ) .

فكرتها ان لو كان ال DVD متاعك من منطقة معينة فمعناها انه ما يقدرش يخدم الا السيديات اللى من نفس المنطقة متاعه ،،، اما غيرها فمش راح يقبل :confused: الا بال :devilsmil .

و طبعاً فى بعض من ال DVD Roms تقدر تخدم اى DVD Discs من اى منطقة لانها ببساطة Free Region .,,, مش Locked Region زى ال DVD Rom اللى عندك .

و فى حاجة Region Counter و و و و ,,,,,,,,,,, تابعى الموضوع هذا و انتهى تفهمى كل شى ....

http://www.arabsgate.com/edu/vb/showthread.php?s=&threadid=222909&perpage=20&highlight=region%20code&pagenumber=1

اقرى الاساسيات مش كل شى ،، و بالنسبة لطريقة تشغيل اى قرص DVD بغض النظر عن ال Region متاعه . تابعى معاى للنهاية ,,,

و هادى لل DVD Rom اللى عندى ,,, ( او بالاحرى اللى كنت متسلفه من الكفى ) .


http://www.hani911.net/upload/hani//dvd_info.jpg

لو تلاحظى ان ال Drive Region Locked = Yes
و انه معدل على المنطقة رقم 2
Current region Code = 2

البرنامج اللى استخدمته باش طلعت معلومات ال DVD Rom متاعى ( موجود فى المرفقات ) .

* لجماعة ال XP 2000 .
فى الملف المضغوط متاع البرنامج تلاقوا ملف 2000 XP ( انى درته سلف اكستركت باش ينزل طول فى C:/windows/system32 ) خدموه اول حاجة و ديروله UnZIp و انتهى موضوعه ,,, و بعدين خدموا الملف الثانى CDVDINFO.exe و شوفوا شنو يطلعلكم .

توا نجوا للنقطة المهمة :

كيف نخلوا ال DVD Rom يخدم اى قرص DVD بدون مشاكل و بابسط طريقة ,,,

( الحل لاقيه زمان فى البرنامج هذا ) .

DVD Region-FREE 3.2 .

مجرد انك تشغله و تخليه راقد بجنب الساعة ،، و بمجرد ما تحط اى قرص DVD فى ال DVD Rom حتى لو كانوا الزوز مش من نفس المنطقة فراح يخدم ,,, لان هادى مهمة البرنامج ;) .

البرنامج تلاقوه هنا ,,, اخر اصدار .

http://www.dvdidle.net/download/DVDRegionFree32.exe
http://www.dvdidle.com/download/DVDRegionFree32.exe

و الكراك تلاقوه فى المرفقات , فى الرد اللى جاى .

- الكراك جهاز Self Extract غر ديرله UnZip و انتهى الموضوع .و حيبدا البرنامج كامل .
- لا تنسى اغلاق البرنامج قبل ما تدير UnZip للكراك .

ان شاء الله غر تكون المشكلة Region Protection مش حاجة ثانية .

سلام :devilsmil

http://www.danasoft.com/sig/libyancrazy.jpg

و هذا كراك ال DVD Region-Free للاصدار 3.2

(( للعلم الكراك مش متوفر :devilsmil )) .
لانه طالع فى 1-11-2003

شوية لقطات

http://www.dvdidle.com/images/bs1_drf.gif

http://www.dvdidle.com/images/bs1_drf.gif


http://www.dvdidle.com/images/bs1_drf.gif

http://www.dvdidle.com/images/bs1_drf.gif



شنو يا عطيوة مش المفروض نولى قهوى و الا اخضر ع الجماعة اللى تحت كلهم :devilsmil

سلام :devilsmil

http://www.danasoft.com/sig/libyancrazy.jpg

البرنامج اللى استخدمته باش طلعت معلومات ال DVD Rom متاعى ( موجود فى المرفقات ).

* لجماعة ال XP 2000 .
فى الملف المضغوط متاع البرنامج تلاقوا ملف 2000 XP ( انى درته سلف اكستركت باش ينزل طول فى C:/windows/system32 ) خدموه اول حاجة و ديروله UnZIp و انتهى موضوعه ,,, و بعدين خدموا الملف الثانى CDVDINFO.exe و شوفوا شنو يطلعلكم .
.

حبه حبه علىّ يا علام رانى مش امتاع كمبيوتر

نبى بالشويه كيف طلعت الكلام هذا
دورت على كلمة dvd عندى ما لقيتهاش

ال dvd عندى من نفس البلد اللى انا فيها وحتى هو lg زيك لكن مش ليبيى والديفيديز برامج أطفال مستعيرتهم من المكتبه بحذا حوشى وديما اندير هكى وكان يخدم تمام
يعنى معقوله يقعد الديفى دى من هنا ويخدم شرطان ليبيا بس وانا شاريته من الكريميه:lol:
تكيف صار

عموماً لقيت برنامج اسمه intervideo windvd platinum 5
نزلته وهذا فرى 14 يوم
وتوا يخدم تمام بس المشكله انه 14 يوم وبعدين تدفع

نبى بالشويه كيف طلعت الكلام هذا
دورت على كلمة dvd عندى ما لقيتهاش


مش نزلتى البرنامج الاول اللى فى المرفقات .
لما تفتحيه تلاقى مجموعة ملفات
- فيه XP2000 خدميه الملف هذا و بعدها دير Unzip من الشباك اللى يطلعلك ،، و بعدين خدمى الملف الثانى اسمه CDVDINFO.exe خدميه و هوا راح يطيلعلك معلومات ال DVD اللى عندك حسب الصورة اللى حطيتهالك فوق .

حكاية المناطق كالتالى ،،،

لو كان محدود ..
-عداد المنطقة (Region Counter): هو عداد يعد عدد المرات المتبقية لدى سواقة الـDVD-ROM او برنامج الـ DVD (مثلا PowerDVD). عادةً عداد المنطقة افتراضيا يبدأ من 4 فعندما تشاهد فيلم DVD من منطقة (1) ومن ثم تغير الى فيلم من منطقة (2) فان عداد المنطقة ينقص واحدا ليصبح 3 من عدد المرات المسموح بها بتغيير منطقة المشاهدة، ويستمر النقصان كلما تم التغيير الى منطقة أخرى الى أن يصبح عداد المنطقة مساويا 0 وبذلك تصبح سواقة الـDVD-ROM ثابته على أخر منطقة تم التغيير اليها ولا يمكن تغيير المنطقة بعد ذلك أبدا ( سوف يتم التغلب على ذلك في هذا العرض).


يعنى ال DVD Rom مسموح له بتغيير المنطقة 4 مرات و بعدها بح راهو يقعد ثابت على اخر منطقة ( اللى هيا منطقة اخر قرص DVD تم وضعه فى ال DVD Rom ) .

جماعة حر المنطقة ( يا عينى عليهم ) .
-حر المنطقة ( Region Free): يمكن وصفه بأن سواقة الـ DVD-ROM لن تفحص عن اعدادت المنطقة في قرص الـ DVD. ويمكن وصفه أيضا بأن عداد المنطقة لن يبدأ بالنقصان عندما تغير من منطقة الى أخرى. بمعنى أنه يمكنك التغيير من منطقة الى أخرى الى عدد لا نهائي من المرات.


مش ليبيى شنو بدوا يصنعوا فيهم فى ليبيا :eek: .

وديما اندير هكى وكان يخدم تمام

لاحظى قصة ال Region ,,,

عادةً عداد المنطقة افتراضيا يبدأ من 4 فعندما تشاهد فيلم DVD من منطقة (1) ومن ثم تغير الى فيلم من منطقة (2) فان عداد المنطقة ينقص واحدا ليصبح 3 من عدد المرات المسموح بها بتغيير منطقة المشاهدة، ويستمر النقصان كلما تم التغيير الى منطقة أخرى الى أن يصبح عداد المنطقة مساويا 0 وبذلك تصبح سواقة الـDVD-ROM ثابته على أخر منطقة تم التغيير اليها ولا يمكن تغيير المنطقة

المناطق (Regions): العالم مقسم الى 6 مناطق، هي:
1-منطقة 1 (Region 1): أمريكا، كندا.
2-منطقة 2 (Region 2): اليابان، الشرق الأوسط، أوروبا، جنوب أفريقيا.
3-منطقة 3 (Region 3): جنوب شرق أسيا.
4-منطقة 4 (Region 4): أستراليا، أمريكا الوسطى، أمريكا الجنوبية.
5-منطقة 5 (Region 5): أفريقيا، أسيا، شرق أوروبا.
6-منطقة 6 (Region 6): جمهورية الصين.



و هكى صار ,,,,

بالنسبة للبرنامج

للتنزيل : اخر اصدار ...من Windvd Platinum

http://a1394.g.akamai.net/7/1394/3235/v010/webdownload2.intervideo.com/windvd5/release/Enu/WinDVD5.exe

الكراك ( البرنامج اللى يخلهولك ع الابيض و يلغى محدودية استخدام البرنامج ) . - - .

جربى لما يطلب منك تسجيل البرنامج Register ,, تعبيله البيانات هادى ,,,


eMail:web@crsky.com
Password:yifan
Key:5JU4U9DL-X9TYHND8-YVGZHFR5-WYGPNHFV2
Card:1595


او استخدمى حاجة يسموا فيها كى جن كل اللى عليك تحطى ايميلك و نوع الاصدار و دير Generate و هوا راح يعبيلك باقى الخانات بارقام حطيها فى الخانات اللى طالبها البرنامج منك ;) .

نزليه من هنا
http://217.151.167.235/321123/skarC/fssip503.zip
او من هنا ...
http://sxdown.fixdown.net:88/keydown2003/fssip503-2003-8-15.rar
سلام :devilsmil

http://www.danasoft.com/sig/libyancrazy.jpg

برنامج اخر ( انى ما جربتاش ) للجماعة اللى يعانوا من مشكلة ال Region Code Protection مع ال DVDs

SlySoft AnyDVD 2.0.0.9 released 2003-10-27

http://home.planet.nl/~brainwave01/xpfiximages/AnyDVD_Logo_SoFa.gif

Download Now (http://home.planet.nl/~brainwave01/xpfixfiles/AnyDVDv2109inclcrack.rar)

900 KB

Salam :devilsmil

http://www.danasoft.com/sig/libyancrazy.jpg

شكراً يا كريزى
طلع عندى معلومات ال DVD نبى كيف انحط الصوره هنا

مش قتلك رانى ميح فى الحاجات اللى اديروا فيهن

ماهو ها علاش انى مداير الشرح هذا ,,,

http://www.alhandasa.net/vb/showthread.php?s=&threadid=15630

سلام :devilsmil


http://www.danasoft.com/sig/libyancrazy.jpg

بالنسبة للملفات الصوتية :
انصحك بضغطهم و تحويلهم الي صيغة Mp3 من WAV

اما عن الAntivirus
انصحك بال Pc-Cillin 2004 و هذوا التحديث امتاعه

http://www.alhandasa.net/vb/showthread.php?s=&threadid=12464&perpage=10&highlight=cillin&pagenumber=2

:D

خودى راحتك يا أختى الشيماء فى الرد ،، ولا يهمك ;) .

هادى كلمة قلتها ل دكتور تك فى واحد من الردود فوق ،،،

النت هادى لينا يا حاج ،، و عارفين شنو فيها و شنو ما فيهاش ،، يوم من الايام بنزلها و نضغطها و نروح بيها للحوش

Internet.rar
و انى عند وعدى ،،



http://www.hani911.net/upload/hani//download122.gif
و اللى عنده فلوبيات زايدة يبعثهملى :lol: .

سلام :devilsmil

http://www.danasoft.com/sig/libyancrazy.jpg

اني عندي دسكة ريراتبل تو نعطيهالك نزللي فيها كل مرة شوية من الانترنت هذي اللي بتنزلها. :D ;)