لمن لم يشاهد الحلقة الأولى والثانية



الحلقة الأوى


http://www.alhandasa.net/forum/showthread.php?t=152912



وهذه الحلقة الثانية


http://www.alhandasa.net/forum/showthread.php?p=1369191#post1369191


الحلقة الثالثة
انقلابات متبادلة


وهني كلا الفريقين كمل مشاكله ومستعد للحرب بشكل تــــــام
فتهيأ الفريقان وكل واحد بيهد عالتاني .... ولهم خطط قوية جداً..


طبــــعاً هذه كانت أحداث الحلقة الثانية والتي تتحدث على مشاكل الأعضاء الداخلية..

وبعد نهاية المشاكل التفت كلا الفريقين للحرب


ما هي خطة الرجال......
هل التسعيني لا يزال مزكوماً....
ماذا تغذت رهف في غياب المبطن....
هل كانت الشكشوكة حارة علي دودز......
مروة سوبر .. ماهي آخر خططها للفتنة بين أم إياد ورهف.....
هل يتحقق حلم غزل ويأتي الويللا إلى مقرهم......
أين سميني إنت وبرنس المنتدى من كل هذا......
هل أكمل جنرال ليبيا أغنية بتمون......
ماذا سيفعل لاآرمي لحل مشطلة الصورة.....
هل يقتحم برنس مان منزل الكاسر لأخذ الجبنة.....
في حال أخذ سميني إنت القفل من الماجك ...كيف تكون حال المنتدى العام....

وتحت هذه البنود كانت بداية الحلقة الثالثة

وتحت هذه البنود أيضاً تمت إضافة رتبات جديدة لبعض الأعضاء لم تكن موجودة في المنتدى

طبعــــاً خطة الرجال سنتحدث عنها لاحقاً


تاني حاجة

عمك التسعيني خليناه مزكوم المسكين .... وهو ما يقدرش يحارب وهو مزكوم

ولكن طبعاً المشكلة انحلت بعد طلب الدواء من صيدلية سميني إنت


http://img388.imageshack.us/img388/8412/39987984hn3.jpg



وبعد ما انحلت مشكلة التسعيني

فريق الرجال استرجع قوته ونشاطه


ففي الفوضى اللتي عمت المنتدى بعد رفض الإم فايف تقديم المبطن للبنات
وبعد أن عرفت أم إياد أن مروة هدفها الفتنة مع رهف

وبعد وبعد وبعد كل هذه الأحداث كلها تحول المنتدى كغرفة آرمي مان ...


وطبعاً بعد الخيانات التي حدثت في الحلقة الثانية ( أنظر الكتاب شكل 4-1 )

أصبح كل عضو لا يثق بأي عضو آخر ويلعب على الصعيد الشخصي (( نفسي نفسي ))


فكانت البادرة من لولو
لولو لولو لولو لولو لولو لولو لولو لولو لولو (( با ما تقوليش إسمي طلع مرة وحدة زي الحلقة 2 ))

فكانت لولو قريب تتشنج رقبتها من موضوع أم إياد في المنتدى العام (( أقسم بالله أني أنا ))
وذلك لكثرة الردود والمشاركات فيه ، فدخلت إلى الكونترول روم قبل الفجر بشوي ، وحطت الموضوع بإسمها ، وخدت شبشبها وجري للفراش على أساس خالي قضية

المهم اليوم التاني الجماعة كيف كملو نشيد الله أكبر وخاشين طوابير للمنتدى العام ..

لقو الموضوع بإسم لولو ,,, تي شن هذا

عاد مروة ما عندهاش الروح في الجو هذا ، مشت طول فرمطت في لولو لأم إياد
كيف عرفت مروة إن لولو هي الفاعلة ؟؟؟؟؟ الجواب في نهاية الحلقة

عالعموم وهذا الموقف اللي كان في المنتدى

http://img368.imageshack.us/img368/9056/83815974yi8.jpg


ولولو قاعدة راقدة وتحلم بالتقييم اللي بجيها في الموضوع


بعد ما ناضت لولو من النوم وتت روحها وطالعة ، بتوقف إفيكو للمنتدى العام .... بعدين قالت لروحها :
كيف نركب إيفيكو وأني توا صاحبة موضوع قوي في المنتدى ،،، لالا ما تجيش

وبتصفيرة صاعقة بالسبابتين (( فيييييييت تاكسي )) طبعاً هي كانت بحدا زرقاء اليمامة والتاكسي بجنب كوبري قرقارش

المهم وصلت عمتك لولو للمنتدى وخشة جوها مليح ... بتسجل حضور ،،، وإذ





وبعد الصدمة اللي كلتها لولو... قالت في قلبها ((( إييييييييه ثلاثة جنيه مشو عالفاضي ، كان شديتها عالإيفيكو ))

ولم تكترث للوضع التي هي عليه في المنتدى هههههه

المهم في الاضطرابات اللي صايرة بين البنات ...

عمك بوذر استغل الفرصة

أبو ذر : توا عزها نمشي ونجي وما حد يندري عليا

وعمك بوذر خش لمنتدى بنات حواء وجوه مليح والمنتدى يصفر

ما يندريش إن أحد معجبات الآرمي خاشة متخفية وعندها البرنت سكرين في الكيبورد
طول بعتتها للآرمي وهو بدوره ... أكيد بينتقم من اللقطة اللي صورهاله بو ذر في الطرائف ( أنظر موضوع 5 - 3 )

http://img367.imageshack.us/img367/950/37121288de0.jpg

علاش أبو ذر خش للمنتدى ؟؟؟؟؟ حتى هو الجواب بعدين



عالعموم في حالة الانقلاب التي سادت المكان نشأت حرب أخرى ، ولكن حروب شخصية كل عضو على الآخر مع التحالف من بعض الأعداء وخشت بعضها شوية


وهنا كل الأعضاء فكرو نفس التفكير وقالو في سرهم : (( هذي الفوضى في المنتدى المفروض الواحد يستغلها .. توا الحرب تجي فأي وقت لكن الحوسة هذي صعب تحصلها ))
وكل واحد فكر يفش غله في المنتدى ويحقق أحلامه على كتاف الآخرين


طبعاً أول وحدة عمتك أم إياد : توا وقتها لولو هذي ، بش تعرف تخنب مواضيعي مرة تانية
وطول للكنترول روم وشافت روحها عاد

اختارت أم إياد رتبة لــ لولو



مسكينة لولو

http://img367.imageshack.us/img367/5343/99231121od6.jpg


وطلعت أم إياد مع ضحكة خفيفة ووضع الإيدين خلف الظهر وماشية دبة دبة ...

وهي خاطمة من جنب أحد الأبوب ، وإذ بصوت أبو ذر : والله ما قصدي حسابه جنة لملائكة آآي
تي والله بالغلط آآآوووو ،
خشت أم إياد

تي خيره هذا يا مس فامباير
وبجلدة خفيفة من المس : تي بري شوفي خاش على القسم هذا بري شوفي الصور.....
مقاطعة من أم إياد : أوكي أوكي تم ، آهو المفتاح عندي والدار بحداي وتو نوريك ، مدايرلي فيها شيخ وأبو ذر ، تي باه به ...

وعادت أم غياد للغرفة واتخذت الإجراء المناسب لأبو ذر......


كيف كان عقاب أبو ذر .....


علاش خش لمقر البنات


كيف عرفت مروة بحقيقة لولو

كيف

شوية بس نشربو طويسة شاهي ونولو

قصه ولا فى الاحلام

الله يسلمك شكراّ





عالعموم شن كنت نكذب أني


أييييووواااا


أبوذر شن كان عقابه


يا والله نهار سعيد


http://img367.imageshack.us/img367/4659/46337654jt0.jpg


سكرت أم إياد الباب وطلعت ونست المفاتيح معلقات في الباب


بعد الصدمة اللتي حدثت في فريق الرجال....

ازداد فريق البنات قوة ،،،

في هذه الأثناء كانت عمتك رهف خاطمة تدهور ... ولإذ بالمفتاح معلق في الباب منتاع الكنترول ...

تلفيتة يمين يسلر عالسريع والدخول على نغمة رسوم النمر الوردي

خشت عمتك رهف ، وقعدت تفكر شن تدير.... أييييوا تفكرت في الحلقة اللي فاتت إن سميني إنت خذي من الماجك القفل بش يسكرلنا المنتدى ترا نشوف...

وخشت على ملف سميني إنت تدور في الأقفال

وإذ

مصيبة

شن هذا

مشينا في داهية


http://img367.imageshack.us/img367/6285/35695308lz7.jpg


وبفرحة مع صوت عاي من رهف ... حي يا حي

شدت شدت ، وخذت المفاتيح والقفل وماشية بتدير بيهم عمايل

وهكذا كان وضع رهف وهي فرحانة تزغرط

http://img367.imageshack.us/img367/2114/47688083ap0.jpg

ولكن من كان يسمع من برا الباب .....

الفتى الخارق وأيمن ماجين

ورهف كيف طالعة بالقفل وتكلم في غزل بالتلفون تقوللها شن صار
الفتى الخارق خطوة للخلف ، وطلعت رهف

تلاقو عليها الزوز .... وهما طلعو من هني .... عمتك رهف ما قعدش إلا غبرتها ....وخلت القفل والتلفون والع، وغزل عالخط تقول إيه به شن صار


عالعموم لقطو الشباب الأقفال ومشو قالو لسميني إنت والماجك طوول

طبعاً الماجك طاح يهزب في سميني على عدم الحفاظ على الأقفال ، المهم شن دار الماجك.....

http://img367.imageshack.us/img367/56/49338270ue6.png



مساكين البنات راحت عليهم


ولكن هـــنــــا يأتي دور الخبرة ..... سمعت دودز بالموضوع فقررت أن تستدعي مس فامباير لحل المشكلة

بما أنها الخبيرة طبعاً في أمور كهذه

http://img367.imageshack.us/img367/6884/97275984gg6.jpg


وبعد أن سمعت المس بالقصة .... ضحكت قليلا وهزت رأسها وأغمضت أعينها ورفعت رأسها ... وقالت : واااااك ما تعرفوش تحلوها هذي المشكلة توا .....

وفي أقل من ساعة دارت مفعول شيخة المحلّة

http://img367.imageshack.us/img367/9471/82657101na6.jpg



وهنا زادت صدمة الرجال مما رأوه من خبرة بعض البنات من العناصر المخضرمة ..

عالعموم بدو البنات يخشو من الروشن من تالي ،،،،

ولكن


السؤال لا يزال قائماً

كيف عرفت مروة أن لولو هي الفاعلة


أبو ذر المطرود ماذا كان يريد من مقر النساء

بعد عقاب أبو ذر من العضو المطرود الآخر

أين غاب بقية الأعضاء في القصة

هل سيتم تقييم الموضوعد

كيف ستكون شخصية أم إياد ، الآرمي ، مروة سوبر ،

من سيقوم برشوة الويللا


ما هو الحلم الذي راود دودز

كل هذه الأسئلة سأجيب عليها غداً




مع العلم أن الحلقة الرابعة غدا وهي واتي ، يعني يوم الثلاثاء







إن الموضوع لا يمت للحقيقة بصلة وهو من الخيال


توا نولي غدوا

سميني

عابيين عليك في الاقفال
قريب رحنا فيها

على كل ٍ غدوة نقول تعليقي بعد ما تكمل الاحداث كلها

السؤال لا يزال قائماً

كيف عرفت مروة أن لولو هي الفاعلة


أبو ذر المطرود ماذا كان يريد من مقر النساء

بعد عقاب أبو ذر من العضو المطرود الآخر

أين غاب بقية الأعضاء في القصة

هل سيتم تقييم الموضوعد

كيف ستكون شخصية أم إياد ، الآرمي ، مروة سوبر ،

من سيقوم برشوة الويللا


ما هو الحلم الذي راود دودز

في الانتظار يا عزيزي الويللا
شكرا ليك على الاحداث

خيالك واسع يا باشا .. جرب اكتب قصص ؟ والله ممكن يسير منك ؟ خيرلك من الكساد ؟

بس بصراحة المشاركة حلووووووووووووة

تـــــــــــــــــــى انى وين ياويللا.........ولد شارعك ومش عاطينى حتى ((كومبارس))

معلش يا عم البرنس انت ما دريتش بالترقية بتاعت ويللا واللا ايه عاد ما بيبصش اللا على الرتب الكبيرة وما هايعطى الجنود من امثالنا اى دور عنده حق لسه جداد فى الخدمة وممكن القدام يضحكو علينا ويجندونا بس خلى بالك اذا الحلقات طولت وكان ليها جزء ثالث يمكن يطلعك البطل فى اخر حلقات الجزء الثالث
احنا فى انتظار الحلقة الجاية يا ويللا
انا فى الخدمة اى اخبار عايزها قوللى بس وانا هاجبهالك ويوضع سره فى اضعف خالقه

محبتين إنت واياه واياها

عدنـــــا


هذا بعد ما انصدم الرجال من عملة المس

فبعد طرد أبو ذر ، وصدمة باقي الرجال ، قرر الويللا أن يتحرك ... فبخبرته في هذه الأجواء كان يحتفظ بقفل للاحتياط وكما يقولون (( خلي قفلك الأبيض لموضوعك الأسود ))

المهم مشي جاب القفل اللي عنده من الشكارة وطوول لللجهة الخلفية من منتدى بنات حواء .... وسكره


http://img206.imageshack.us/img206/6838/48848894we8.jpg

وهنا تنقلب الصورة ..... فريق النساء يقف عاجزاً أمام الويللا

ماذا يحدث .... من احتجز في الداخل .... من سيقوم بإرضاء الويللا للإفراج على المنتدى



____________________________________


المهم بعد الحركة هذي ...كانت مروة سوبر في المنتدى داخل ومعها غزل ...

مروة سوبر للويلا : تي لالا والننننبي خلينا نطلعو وراص وليد غير هيا

الويللا : تي إيح تحسابها ديما عيد امالا

غزل : إيه ويللا والنبي غير أخطانا المرة هيا بس

مروة :: باه غير أسمع ، شن رايك نديرو راي مليح

أني : شن

مروة : رهف دارت نسخة عالمفتاح متاع دار الكونترول وغزل عندها نسخة ، شن رايك في العرض هذا :
http://img206.imageshack.us/img206/6849/13lm5.png

الويللا يحك راسه: آآآآ ...بــــاه أوكي لكن راه رزرزي إنت وغزل .... وما تقولوش أني خليتكم تطلعو ...


الزوز مع بعض :: باهي به .....

وطبعاً عمتك غزل مش ناسية إن مروة تبي تفتن بين أم إياد ورهف فقالت : والله ماني مفوتتها هكي ولما نفرمط فيها عند دودز والمس ... توا تشوف...

وطوول عمتك غزل مشتلهم وقالت شن صار ،،، ولكن قلبها غلبها وما قالتش إن الويللا هو فتحلهم الباب...

المهم بعد ما سمعت دودز و (( المس ))... طول عطتهم غزل المفتاح وخشو الزوز ودارو اللازم لمروة

مسكيييينة مروة

http://img206.imageshack.us/img206/8770/35055862xa3.jpg



عاد توا فريق الرجال ضرب عصفورين بحجر واحد ،،، منها الويللا خدي إشراف ومنها مروة تشاو عليها

طبعاً بعد هذه الخيانات والعهدات بين الأعضاء والعضوات .... عمك الماركو قاعد في المربوعة وحاط إيده على ذقنه ويخمم....... (( زي الفيس متاع المسنجر ))

في شن يخمم الماركو......


توا نشوفو بعد الإعلان ...

الاعلان طول قوى هو اعلان مسحوق غسيل واللا غسيل بحق وحقيقى
بايخة عارف
ما تتاخرش علينا يا ويللا

عدنـــــا.... ولكن مش معطل


بنقوللكم إن الفكرة اللي فكر فيها الماركو ... تبيلها حلقة بروحها ولهذا تم دمجها مع الحلقة الرابعة والتي ستبث يوم الخميس القادم يعني بعد غدوا

وطبعـــاً الحلقة الرابعة أكثر إثارة لأنه هناك عدة أشياء ستعرفونها وهي:

أبو ذر... شن خش يدور في قسم البنات

مروة .... كيف عرفت إن دودز الفاعلة

ما هو حلم دودز

مشكلة جديدة ستسود المنتدى

ماركو ... في ماذا كان يفكر

أين الكاسر وباقي الأعضاء

ما هي الشخصيات والرتبات الجديدة لكل عضو (( صور الرتبات للأعضاء ))

من سيمسك زمام الأمور بالنسبة لدار الكنترول

وأشيـــــاء أخرى


مع الحلقة القادمة

الحلقة 4
العنوان/ المفاتيح



وفي نهاية الحلقة .... نبقى مع تعليقكم وتقييمكم وحرب الردود بين الأعضاء والعضوات ;)
إلى حين يوم الخميس ... ردو توا لين ينزل الموضوع ردو ننننيييييييييييععععععععععع

السلام عليكم ورحمة الله وبركاته

خشت بعضها ...

والسلام عليكم

خشت بعضها ...

هلبا يا ارمي .

ويلا ماتجيش اتحطخا هكي طول , بشوية بشوي , باش الموضوع يحلا .

Over

M5

ويلا ماتجيش اتحطخا هكي طول , بشوية بشوي , باش الموضوع يحلا .


على خاطرك إم فايف ... ملاحظة كويسة والله ,,,,

على خاطرك نزيدوها اسبوع تاني قول 10 ايام

على خاطرك إم فايف ... ملاحظة كويسة والله

تي عارفك زعيم .

على خاطرك نزيدوها اسبوع تاني قول 10 ايام

اه هكي تمام , باش مايقلقوش من مواضيعك و في نفس الوقت اتشوقهم اكثر للحلقة يالي بعدها .

Over

M5

وطبعاً عمتك غزل مش ناسية إن مروة تبي تفتن بين أم إياد ورهف فقالت : والله ماني مفوتتها هكي ولما نفرمط فيها عند دودز والمس ... توا تشوف...

هههههههههه كيف عاد مش حتى رهف اختي لازم ناخد بتارها مانبيتهاااش:lol::lol:
وطوول عمتك غزل مشتلهم وقالت شن صار ،،، ولكن قلبها غلبها
وما قالتش إن الويللا هو فتحلهم الباب...

ماهنتش عليا ماهو looool
باهي اللي ماسئلونيش كيف طلعنا وهوا مسكر:confused:

المهم بعد ما سمعت دودز و (( المس ))... طول عطتهم غزل المفتاح وخشو الزوز ودارو اللازم لمروة

هههههههه تعرف تفكرت ايام المدرسه والبنات الشوشيدات:lol::lol:

وخيي ويللا تبارك الله عليك سيناريست مش هيّن;)
ربي يزيدك وهيا ماتطولش علينا بالحلقه الجايه هلبا 10 ايام!!

تقبل مروري^_^

ربي يزيدك وهيا ماتطولش علينا بالحلقه الجايه هلبا 10 ايام!


الموضوع طلع من إيدي توا ،،، تفاهمي مع الإم فايف

خخخخخ

مسكيييينة مروة
عاد توا فريق الرجال ضرب عصفورين بحجر واحد ،،، منها الويللا خدي إشراف ومنها مروة تشاو عليها


انى مطرود اخس اخس يا ويلو مش حتى ويلا:devilsmil
جاءنا البيان التالى .......
احم احم
جئنا خبر الان الان مفاده ان ما نقله الويلا بخصوص طرد مروة سوبر لم يكن صحيحا وانما هو لمجرد التمويه حتى يفرح اعضاء قسم الرجال وبالتالى بعد ان يعتقدو انهم هزمو احد العقول المدبرة لاختراقهم بالتالى يخففو من سيطرتهم على بنات حوا حتى يتركو لنا تغرة ليتم بها هزيمتهم هزيمه ساحقه ونهائيه ...
وبالدليل على عدم صحته اهو انى هنى نكتتتتتتتتتتتتتتتتتتتب :lol::lol::lol::lol:
تستاهل ويلو :devilsmil

السلام عليكم ورحمة الله وبركاته

منور ياويللا عالحلقة لكن زي ماقالك الاستاذ:الإم فايف..
اسمع كلامه لان رأيه عجبني:good:

خلي انخش في الاساس توا:lol:

في هذه الأثناء كانت عمتك رهف خاطمة تدهور ... ولإذ بالمفتاح معلق في الباب منتاع الكنترول ...

تلفيتة يمين يسلر عالسريع والدخول على نغمة رسوم النمر الوردي

ههههههههههه ماهو هادي سر المهنة لكن ياريت غر فيها الفايدة:rolleyes:

وخذت المفاتيح والقفل وماشية بتدير بيهم عمايل

وهكذا كان وضع رهف وهي فرحانة تزغرط

:cool::o


الفتى الخارق وأيمن ماجين

ورهف كيف طالعة بالقفل وتكلم في غزل بالتلفون تقوللها شن صار
الفتى الخارق خطوة للخلف ، وطلعت رهف

تلاقو عليها الزوز .... وهما طلعو من هني .... عمتك رهف ما قعدش إلا غبرتها ....وخلت القفل والتلفون والع، وغزل عالخط تقول إيه به شن صار

ههههههههههه الله غالب عليا فرحتي ماكملتش ..
لكن تو يبانلهم المرة الجاية .. المرة هادي بنفوتها بالسيف عليا والمرة جاية
حقي بناخده بإذن الله:devilsmil

مروة : رهف دارت نسخة عالمفتاح متاع دار الكونترول وغزل عندها نسخة ،

هههههه الناس وقت المصالح تبان (ربي يهدي وخلاص )

هههههههههه كيف عاد مش حتى رهف اختي لازم ناخد بتارها مانبيتهاااش

غزل ماشاء الله عليك قصدي عليا وعليك:lol:

وبالدليل على عدم صحته اهو انى هنى نكتتتتتتتتتتتتتتتتتتتب
تستاهل ويلو

مروة
صحة ليك والله منورة.. وهدا احلى خبر سمعته في الموضوع;)

سلامات وليا عودة بإذن الله..

جئنا خبر الان الان مفاده ان ما نقله الويلا بخصوص طرد مروة سوبر لم يكن صحيحا وانما هو لمجرد التمويه حتى يفرح اعضاء قسم الرجال وبالتالى بعد ان يعتقدو انهم هزمو احد العقول المدبرة لاختراقهم بالتالى يخففو من سيطرتهم على بنات حوا حتى يتركو لنا تغرة ليتم بها هزيمتهم هزيمه ساحقه ونهائيه ...
وبالدليل على عدم صحته اهو انى هنى نكتتتتتتتتتتتتتتتتتتتب
تستاهل ويلو


تي كيف عاد يا مروة .... إنت أصلاً الجو اللي في لاحلقة كله

بعدين شكلك متفرجة على الحلقة في قناه فوكس ....

دورك ما تمش راه ......مازاااااااااااااال

هههههه الناس وقت المصالح تبان (ربي يهدي وخلاص )



رهف شن صاير ,,, أكيد في حاجة صايرة بينكم .... قوليلي بعدين

wellawella

أبدعت هذه المرة
قرأت الحلقة الثالثة وبدون تفكير قرأت الحلقة الاولى والثانية

أسلوبك قوي جدا جدا وخاصة في هذا الموضوع
تستحق نقطة وقوف على هذا الموضوع

والحمد لله أنك ما جبتنيش في الموضوع lol

تحياتي الهدار

منور يا ويلااااا ..... بس الشباب الى انطردو فى جرت ملاك بنت ابوها انحس فيها عملية انتحارية ... ولا انت شن رأيك

منور يا ويللا

و مبروك عليك الاشراف الوهمي :lol:

اكيد بس ويللا وبقية افراد الكوماندز الرجالى هايخدو بتارهم وخللى بالك من التفرقة اللى بدأت تحصل ىف صفوف الحريم

اقتباس من المعلمة رهف

منور ياويللا عالحلقة لكن زي ماقالك الاستاذ:الإم فايف

باش مهندس لو سمحتي ... كخخخخخخخخخخ .

Over

M5

الام فايف

باش مهندس لو سمحتي ... كخخخخخخخخخخ .

:lol: حاضر بس اسفين غلط مطبعي :rolleyes:

عموما نتمنالك مستقبل زاهر بإذن الله;)

wellawella

أبدعت هذه المرة
قرأت الحلقة الثالثة وبدون تفكير قرأت الحلقة الاولى والثانية

أسلوبك قوي جدا جدا وخاصة في هذا الموضوع
تستحق نقطة وقوف على هذا الموضوع

والحمد لله أنك ما جبتنيش في الموضوع lol



بوفا بوفا بوف .... لين الشرف والله .... بارك الله فيك

وبعدين وينك حسك زي اللي ليك هلبا معاش قابلت


منور يا ويلااااا ..... بس الشباب الى انطردو فى جرت ملاك بنت ابوها انحس فيها عملية انتحارية ... ولا انت شن رأي


ههههههههههه ...... كاسر نحس فيك تبي تقولي ندير عليهم حلقة والا ..... قول قول ...

لكن بالفعل عملية انتحارية والله ....

منور يا ويللا

و مبروك عليك الاشراف الوهمي

هههههه ..... منور يا راص ، شكراً


وانتظروا الحلقة الرابعة

((( مش عارف علاش نحس فيها الحلقات اللي فاتو خير )))

لكن قوية الرابعة لأني ألفتها على طويسة شاهي خضرا والجو مليح



اكيد بس ويللا وبقية افراد الكوماندز الرجالى هايخدو بتارهم وخللى بالك من التفرقة اللى بدأت تحصل ىف صفوف الحريم

الباين إن بنستعينو بقوات حفظ السلام يا تامر .... هاهاها ، معناها ممكن يكون عندك دور خخخخخ

اقتباس من رهف
حاضر بس اسفين غلط مطبعي

معاش اتعاوديها مرة تانية .

عموما نتمنالك مستقبل زاهر بإذن الله

الله ايبارك فيك .

Over

M5

لكن تو يبانلهم المرة الجاية

i'm getting out of here ... Dave Chappelles :lol::lol:

مش الكبر الواحد معاش فهم شي منكم عليا الايمين ما فهمت حتى حجة

ان شاء الله ربي يعونكم كلكم




على ل كي حال

الموضوع طلع من إيدي توا ،،، تفاهمي مع الإم فايف

خخخخخ


تي لالا محلوله معناها;)
نجيب اختي تتفاهملي معاه;)




رهــــــــــــووووووووفه;)

تي لالا محلوله معناها;)
نجيب اختي تتفاهملي معاه;)


رهــــــــــــووووووووفه;)


What do you mean .?

Over

M5

ويلا
مجهود رائع
دمتا لنا ;)

لي عودة :cool:

ويلا
مجهود رائع
دمتا لنا


طيب فيك اللي سمعنا طقاته ... هالكيبورد الذهبي يا راص


مش حنقولك منور إلا بعد العودة .... مش قلت لي عودة

ويللا يا ويللا ...
أحسن حاجه اني موجود في الحلقتين الأولات ومش موجود فيها هادي ...:|:|
لأن مافيش حد يقدر يدير انقلاب عليا :cool::cool::lol::lol::lol:
لي عودة كانا في انقلاب عليا وللا حاجه :devilsmil
سلام .

majin_aymen2001

i'm getting out of here ... Dave Chappelles

:rolleyes::rolleyes: ان شاء الله خير ..

غزل...و الام فايف

تي لالا محلوله معناها
نجيب اختي تتفاهملي معاه


رهــــــــــــووووووووفه

What do you mean .?

:rolleyes:معليشي ياغزل ممكن اني نساعدك في اي حاجة تانية
تبيها وممكن نقدر نتفاهم مع اي شخص بالساهل الحمدلله الا الحاجة اهيا مانقدرش
نتدخل فيها... بيني وبينك( شكله واعر المهندس إم فايف :confused: )
لكن ياباش مهندس مش معنى كلامي انك تستقوى عليا وعليها..
راهي اختي بجديات;):cool:

يعني خود بالك ياراجل :lol:
وعلى فكرة راني عييت واني نستنى في المبطن متع الحلقة الي فاتت يوصلني
لكن احسن كليته من ايدين امي احلى الحمدلله:D
تو انجيبلكم منه بش مايقعدش في خاطركم :lol:

هيا سلامات ..

شكله واعر المهندس إم فايف )

توا في الحلقة الاخيرة طلعت واعر اني .

راهي اختي بجديات

ايه حتي اني عارف انها اختك في الاسلام .

تو انجيبلكم منه بش مايقعدش في خاطركم

ايه هكي نتفاهموا توا .

Over

M5

يا الله يالله...........

:cool::cool:

شيخة محلة صار....:D

يا الله يالله...........



شيخة محلة صار...

(((( زغروطة كبيرة ))))

تي طيب فيكي اللي سمعنا طقة الكيبورد يا مس

تي وين الغيبة ما تقوليش ،،،،، ديمة جاية تأخير

الام فايف

توا في الحلقة الاخيرة طلعت واعر اني .

ههههههههه لا مش هديكا الوعورية نقصد بيها ..
يعني تجيك حالات مش عارفة كيف نوصفهالك بالزبط.. لكن اهو ماشاء الله حالتك حاليا
طيب وكويس ربي يدومها عليك وعلينا ;) :cool:


ايه حتي اني عارف انها اختك في الاسلام .

شكلك زي الي مش مصدقني :( عموما على راحتك انت وضميرك ياصاحب الضمير..

ايه هكي نتفاهموا توا .

ان شاء الله ربي يدوم الحال;)

سلامات

ههههههههه لا مش هديكا الوعورية نقصد بيها ..

اه كان هكي باهي .

يعني تجيك حالات مش عارفة كيف نوصفهالك بالزبط.. لكن اهو ماشاء الله حالتك حاليا

يعني توا اني باهي , مش في حالاتي , هههههههههههههههه .

طيب وكويس ربي يدومها عليك وعلينا

شهادة طيبة نعتز بيها , شكرا ليك خدودي ولو حمر توا .

شكلك زي الي مش مصدقني عموما على راحتك انت وضميرك ياصاحب الضمير

حي , شكلها اختك رسمي .

ان شاء الله ربي يدوم الحال

ان شاء الله .

Over

M5

السلام عليكم .

قصدي مدكرتي هبة عليها نسمة ريح قويه . وطارو منها مجموعه من الاوراق . قلت بالك لقيهم حد هني:lol: شنو ما شافهم حد :rolleyes:
كان شافهم حد يبعتهم لي باهي .
سلامات .

الإم فايف

اه كان هكي باهي .

الحمدلله اهو ماشاء الله عليك بديت تفهمني كويس ;) ;)

شهادة طيبة نعتز بيها , شكرا ليك خدودي ولو حمر توا .

:good: :cool: الشكر لله .. والحق ينقال في وقته مايندسش..

حي , شكلها اختك رسمي .

;) انجيبلك كتيب العائلة :lol:
لالا فكيني انخافك تطلع خوي بعدين:lol: خلينا هكي خير...

الزبير

بالنسبة للأوراق الي تتكلم عليهم.. لقيت ورقتين منهم وحدة قدامي ووحدة وراي
الي قدامي قدرت انقيمها وانحطها في تركينه والي وراي من الزحمة ماقدرتش كيف نرجعلها :lol:

لكن اتأكد من صاحب الموضوع اكيد يقدر يفيدك كويس :good: :lol:

سلامات

هي غزل أخت رهف ... إذكي إذكي :D

هي غزل أخت رهف ... إذكي إذكي
هدا وين عرفتو حمد لله على السلامه....
يا ريت جت اختها وبس طلعو توأم الزوز:rolleyes::rolleyes:

الام فايف
What do you mean .?
i think my sister told u what i mean!
and i was kidding ONLY no more no less

حي , شكلها اختك رسمي .
:rolleyes:

رهـــــــــــف
معليشي ياغزل ممكن اني نساعدك في اي حاجة تانية
تبيها وممكن نقدر نتفاهم مع اي شخص بالساهل الحمدلله الا الحاجة اهيا مانقدرش
نتدخل فيها... بيني وبينك( شكله واعر المهندس إم فايف )
لكن ياباش مهندس مش معنى كلامي انك تستقوى عليا وعليها..
راهي اختي بجديات

اني وين نندري عليه واعر عاد !
عموما صحيتي وخيتي عالمسانده;)

majin_aymen2001هي غزل أخت رهف ... إذكي إذكي

ههههههههه هدا وين وصلت:lol:

marwasuper


هدا وين عرفتو حمد لله على السلامه....
يا ريت جت اختها وبس طلعو توأم الزوز

ههههههههههه شكلك يامروه قاعده مش مستوعبه الامر:lol::lol:

هدا وين عرفتو حمد لله على السلامه....
يا ريت جت اختها وبس طلعو توأم الزوز

تي خيرك يا مروة

هذي أسرار حرب المفروض ما تنقالش

والا كان طلعتي آوت خلاص ..... مع إن نحس في الحلقة الجاية بترجعي

ولكن الله غالب وعلى قول الشاعر
يا والله نهار سعيد

المعركة شكلها ها تحلو اكتر فى الحلقات الجاية بس المفاجات بتاعة الحريم بصراحة ما بتنتهيش

majin_aymen2001

هي غزل أخت رهف ... إذكي إذكي

:lol: صباح الخيرات :lol:

مروة ... غزل

هدا وين عرفتو حمد لله على السلامه....
يا ريت جت اختها وبس طلعو توأم الزوز
ههههههههههه شكلك يامروه قاعده مش مستوعبه الامر

:rolleyes:شن القصة حتى اني بندير روحي اول مرة نعرف:lol:
:p

هذي أسرار حرب المفروض ما تنقالش

مروة اسمعي كلام الويللا هادي اسرار لكن اني قصدي أسرار (عــائلية ):lol: مش حربية..

غزل

اني وين نندري عليه واعر عاد !
عموما صحيتي وخيتي عالمسانده

:lol:... الله يسلمك.. وقت الشدة تلاقيني واسألي حتى مروة تقولك عليا:cool:
قصدي انتي عارفة من تسألي ومروة زابطة الوضع:lol::o

سلام

المعركة شكلها ها تحلو اكتر فى الحلقات الجاية بس المفاجات بتاعة الحريم بصراحة ما بتنتهيش
قوللهم بالله راهو قاعدين مش مصدقين

ههههههههههه شكلك يامروه قاعده مش مستوعبه الامر
الصراحه استوعبت انكم خوات لكن توام لا
على قوله الويلا يا والله نهار مبارك
ههههههه

أختها ممكن ... لكن توأم مستحيل ... قصدي كل وحدة أبروحها ... وحدة تكتب بالطرطاري و التانية بالسماوي ... و غزل ديمة و هي تضحك ... و رهف ديمة مشحوطة و و ديمة كلامها أبصر كيف ... زي صباح الخيرات :confused:

باهي كان قوليلي أختار وحدة بتجوزها بنختار غزل :D

i was kidding ONLY no more no less

Of course you are .

أختها ممكن ... لكن توأم مستحيل ... قصدي كل وحدة أبروحها ... وحدة تكتب بالطرطاري و التانية بالسماوي ... و غزل ديمة و هي تضحك ... و رهف ديمة مشحوطة و و ديمة كلامها أبصر كيف ... زي صباح الخيرات

حق و الله , لكن باش لتقول علي رهف انها بصر كيف فهذي ماهه يا ماجن .

باهي كان قوليلي أختار وحدة بتجوزها بنختار غزل

و الله الا صحة ليك , خليتني نضحك نص ساعة .

Over

M5

مروة

الصراحه استوعبت انكم خوات لكن توام لا
على قوله الويلا يا والله نهار مبارك
ههههههه

ههههههههههه مروة خليك معانا عالخط وامشي معانا
وتو انفهمك مزبوط شن القصة بش تستوعبيها ان شاء الله;)
هوا غير نهار مبارك حتى سعيد خاش معانا:lol:

majin_aymen2001

أختها ممكن ... لكن توأم مستحيل ... قصدي كل وحدة أبروحها ... وحدة تكتب بالطرطاري و التانية بالسماوي ... و غزل ديمة و هي تضحك ... و رهف ديمة مشحوطة و و ديمة كلامها أبصر كيف ... زي صباح الخيرات

باهي كان قوليلي أختار وحدة بتجوزها بنختار غزل

تعرف اضحك فيا وفي نفس الوقت مش عارفة شن بنرد عليك وانقولك :rolleyes:
(لكن مافيش حاجة مستحيله على ربي :cool: )

ورهف الي تتكلم عليها ومش عارفة كيف توصف فيها...
خلتلك الكلام الكويس والرد الحلو الي يليق بمقامك ياحضرت الماجن;)
ومافيش حد طلب منك تختار.. يعني سلم وخيي ابعد علينا وخليكم في موضوع الانقلابات متع
الباشا الكبير الويللا ( تعالى ياويللا راني حصلت معاه صاحبك خلصني منه )ونسيت نقولك حقا
مساء الخيرات:lol:

الإم فايف

حق و الله , لكن باش لتقول علي رهف انها بصر كيف فهذي ماهه يا ماجن .

والله بارك الله فيك.. ماتوقعتش ردك يكون بالطريقة اهيا:o
توقعتك تسنده في دوته..شكرا لحسن مساندتك (انساندك في الافراح ياخوي ;) )

و الله الا صحة ليك , خليتني نضحك نص ساعة .

:rolleyes:على شني مش عارفة ترفعله في معنوياته:lol:
غر رد بالك تصيرلك حاجة من ورا الضحك بس ..

همسة:خليكم في نطاق الإنقلابات الي بين كل الاعضاء مش تنزلوا فيا اني وغزل

سلامات

رهــــــــــــف
قصدي سمعت بدكتور سنون قالوا ماشاءالله عليه شاطر:rolleyes:
حقا قوليلي رهوفه هوا يسكن في جيهتنا والا؟يعني عندنا واسطات معاه يعني اي حد من طرفك او طرفي مايطلعاش خايب الامل;);)
;)

على قوله الويلا يا والله نهار مبارك

سعيـــــد سعييييييييد

ورهف الي تتكلم عليها ومش عارفة كيف توصف فيها...
خلتلك الكلام الكويس والرد الحلو الي يليق بمقامك ياحضرت الماجن
ومافيش حد طلب منك تختار.. يعني سلم وخيي ابعد علينا وخليكم في موضوع الانقلابات متع
الباشا الكبير الويللا ( تعالى ياويللا راني حصلت معاه صاحبك خلصني منه )ونسيت نقولك حق

ههههههههههههههههههههه

قوية أيمن هذي راه


من غير ما نرد يا رهف توفي وتكفي


وعالعمو ماجن بعد الرد هذا مشيها الشهرين هذو على الشربة ههههههه

أعطيه النعتة متاع الدكتور يا غزل






.... زي اللي الموضوع طلع من الرئيسي شوي وخش عالزناقي

والمرور اليومين هذو مستتب الأمن عنده

والله بارك الله فيك.. ماتوقعتش ردك يكون بالطريقة اهيا
توقعتك تسنده في دوته.

اه هكي نزعل منك رسمي , تي كيف ماتوقعتينيش , و بعدين من قالك مش ساند خوي الماجن .

انساندك في الافراح ياخوي )

ان شاء الله , لكن قوليلي كيف راح اتسانديني في الافراح , بالتزغريط لما نتزوج .

على شني مش عارفة ترفعله في معنوياته

تعرفي الماجن هذا مافيش منه زوز في المنتدي بكل , و بعدين هو قال جملة ضحكتني , تي خيرك , ماتبينيش نضحك و الا شنوا .

غر رد بالك تصيرلك حاجة من ورا الضحك بس ..

تعرفي من الضحك لين انكمدت من البشكتي يالي كنت نأكل فيه .

و مش اتقولي اهو خف عليا في الحرب , تي حي عليك حي يا مشفشفة .

Over

M5

اعتقد ان الجولة دى بقت لصالح الرجالة 100% والماجن وام فايف جابو عليها واطيها لحد ما استغاثت رهف وغزل بالويللا وانى شايف انه بيشاور عقله لجل يطنشهم ويسبهم للرجال يفترسوهم وبنفس الوقت مروة سوبر عم تتفرج وتضحك داخل نفسيتها لاجل انهم ما كانو صرحى معاها وما تبغى تدخل واذا ما عم بتدخل راح تزيد الطين بله على ما بعتقد واعتقد ان باقى الحزب النسائى نايم فى العسل ننه تحياتى ونرفع القبعات للرجال فاضل خطوة وعم ينتصروا انتصار ساحق اللا اذا............................ مش راح اقول حاسيبكم تفكروا مين راح ينقذ الموقف

ههه صحيت ولاكن قاعد مش كويس

ففي الفوضى اللتي عمت المنتدى بعد رفض الإم فايف تقديم المبطن للبنات
وبعد أن عرفت أم إياد أن مروة هدفها الفتنة مع رهف

أصبح كل عضو لا يثق بأي عضو آخر ويلعب على الصعيد الشخصي (( نفسي نفسي ))



عاد مروة ما عندهاش الروح في الجو هذا ، مشت طول فرمطت في لولو لأم إياد
كيف عرفت مروة إن لولو هي الفاعلة ؟؟؟؟؟ الجواب في نهاية الحلقة


بعد ما ناضت لولو من النوم وتت روحها وطالعة ، بتوقف إفيكو للمنتدى العام .... بعدين قالت لروحها :
كيف نركب إيفيكو وأني توا صاحبة موضوع قوي في المنتدى ،،، لالا ما تجيش

وبتصفيرة صاعقة بالسبابتين (( فيييييييت تاكسي )) طبعاً هي كانت بحدا زرقاء اليمامة والتاكسي بجنب كوبري قرقارش

المهم وصلت عمتك لولو للمنتدى وخشة جوها مليح ... بتسجل حضور ،،، وإذ


طبعاً أول وحدة عمتك أم إياد : توا وقتها لولو هذي ، بش تعرف تخنب مواضيعي مرة تانية
وطول للكنترول روم وشافت روحها عاد

اختارت أم إياد رتبة لــ لولو


وطلعت أم إياد مع ضحكة خفيفة ووضع الإيدين خلف الظهر وماشية دبة دبة ...

وهي خاطمة من جنب أحد الأبوب ، وإذ بصوت أبو ذر : والله ما قصدي حسابه جنة لملائكة آآي
تي والله بالغلط آآآوووو ،
خشت أم إياد

وبجلدة خفيفة من المس : تي بري شوفي خاش على القسم هذا بري شوفي الصور.....
مقاطعة من أم إياد : أوكي أوكي تم ، آهو المفتاح عندي والدار بحداي وتو نوريك ، مدايرلي فيها شيخ وأبو ذر ، تي باه به ...

وعادت أم غياد للغرفة واتخذت الإجراء المناسب لأبو ذر......


والله درتنني .......... تي باهي يا ويلا كان ما نزلتش موضوع على خاطرك نقول فيك علت الفضايح متاعكم .. قبل قلت معليشي تو يسكت لكن ما فيهاش تو يبانلك واستنى مني موضوع نحكي فيه كل شيء ... وخلي الأعضاء هما اللي يحكموا ...

خلتلك الكلام الكويس والرد الحلو الي يليق بمقامك ياحضرت الماجن

باهي بارك الله فيك و الله ... و بعدين معليشي ... مافتهميش أنتي ؟؟؟ قلنا رهف مشحوطة معناة شخصيتها قوية شوية ... و كلامها أبصر كيف ... يعني شخص مالقاش كيف بيوصف طريقة كلامك ... وأنتي خشيتيلي فيها خلتلك كلام طيب و حلو و مش عارف شني !!

طبعا لعلمك فقط أنه الرد علي كلامك هذا لأني أنحس فيه حاجة هكي ابصر كيف ... كنهذا صدقيني راهو كملتها عليك لين يطردوني :lol:

قصدي سمعت بدكتور سنون قالوا ماشاءالله عليه شاطر

:lol: ... تعجبني نوعية جاري جاري أنت الأفضل أنت الأقوى جاري جاري :lol::lol:

قوية أيمن هذي راه
من غير ما نرد يا رهف توفي وتكفي
وعالعمو ماجن بعد الرد هذا مشيها الشهرين هذو على الشربة ههههههه
أعطيه النعتة متاع الدكتور يا غزل

تي هذا خيره :lol: ... و من غير مانرد رعف أتكفي و أتوفي :lol: loool .. غر كان نلقى من يسايرني بس :devildmil

ونزلت حالا ارض الملعب ام اياد وعم تقول ان معها مفاجات والغريب انها عم تقول بكل ثقة انها راح تواجه الويللا
ايه يا ويللا فى جزء فى المعركة بتخبيه وما بتكتبه عايزين رد شديد
عموما وعلى كل حال حزب الرجال ما بيخاف من التهديدات نحن رجال افعال لا اقوال عذرا ام اياد تستطيعين اللعب بكل اوراقك لان رصيد الحزب النسائى اوشك على النفاذ

غـــزل

قصدي سمعت بدكتور سنون قالوا ماشاءالله عليه شاطر
حقا قوليلي رهوفه هوا يسكن في جيهتنا والا؟يعني عندنا واسطات معاه يعني اي حد من طرفك او طرفي مايطلعاش خايب الامل

ايـــه مزبوط وفيه اكتر من واحد وماشاء الله فيه القراب يعني في جيهتنا
وفيه هلبا معرفة:lol:..يعني لو حد يبي اي مساعدة والله نخدمه بعيوني ومانقصرش معاه;)

وزي ماقالك الويللا لو حد يبي النعته مادابيك أقرب دكتور
تنعتيه ليه:lol:

من غير ما نرد يا رهف توفي وتكفي

الله يخليك.. هوا والله وجودك ساد في الموضوع.. منور:good:

تامر المصري

استغاثتي بالويللا ماتعنيش انهزامنا والا حاجة زي هادي..
يعني فقط حبيت اني نستعين بيه بإعتباره الكل في الكل في الموضوع;)
وهادي حاجة مش جديده.. يعني شوفلك حل تاني ياخوي..

المهندس الإم فايف

اه هكي نزعل منك رسمي , تي كيف ماتوقعتينيش , و بعدين من قالك مش ساند خوي الماجن .

لا فكينا بالله من جو الزعل..وعموما بارك الله مش حننسالك هالموقف;)
لا انسده بالعكس خليك معاه ماقولتلكش لا... وشكرا

ان شاء الله , لكن قوليلي كيف راح اتسانديني في الافراح , بالتزغريط لما نتزوج .

هههههههههه ان شاء الله .. غر يصير منك قبل وتكمل قرايتك وكل حاجة بالساهل
بإذن الله.. راني اول وحدة معزومة;)

تعرفي الماجن هذا مافيش منه زوز في المنتدي بكل , و بعدين هو قال جملة ضحكتني , تي خيرك , ماتبينيش نضحك و الا شنوا .

عارفاته غر الله غالب وكان يخف شوية بس:(
لا اضحك وخود راحتك ...

تعرفي من الضحك لين انكمدت من البشكتي يالي كنت نأكل فيه .

و مش اتقولي اهو خف عليا في الحرب , تي حي عليك حي يا مشفشفة .


هههههههههه ياساتر..لهالدرجة باهي ان شاء الله لا باس عليك ..

لا ماتخافش مانقولهاش لان مازال عندي قوة الحمدلله .. والمساندين والمشجعين
متوفرين الحمدلله ..

غر هيا ويللا امتى الحلقة الي بعدها..

الماجن

باهي بارك الله فيك و الله ... و بعدين معليشي ... مافتهميش أنتي ؟؟؟ قلنا رهف مشحوطة معناة شخصيتها قوية شوية ... و كلامها أبصر كيف ... يعني شخص مالقاش كيف بيوصف طريقة كلامك ... وأنتي خشيتيلي فيها خلتلك كلام طيب و حلو و مش عارف شني !!

هههههههههه وفيك بارك الله ياخوي.. والله هدا الي فهمته من كلامك وفهمت قصدك مزبوط
غر انت الله غالب عليك ناوي تلف شوية في الدوة..

طبعا لعلمك فقط أنه الرد علي كلامك هذا لأني أنحس فيه حاجة هكي ابصر كيف ... كنهذا صدقيني راهو كملتها عليك لين يطردوني

ماهو قولتلك فهمت قصدك مزبوط شكلك تحسابني مانفهمش يعني اي رد نقراه يمر
عليا هكي ولما انرد على الشخص نرد بدون مانوزن كلامي مزبوط..
لكن الحمدلله ربي عاطيني نعم حلوة ربي يدومها عليا وعالجميع ;)

وبعدين حتى اني معاش خاطري انزيد في الدوة معاك.. لاني مش مستعدة اني
نخسر وجودي ومكانتي بين الاعضاء ;) :good:
وعلى مسؤوليتك في حالة خديت انذار :confused:


هيا سلامات..

اييييييييه ردود هلبة فاتتني

خلي بنبيع حصاني اللي ما يجريش
حصاني مش جرّاي

هي غزل أخت رهف ...
تو كله يبان

بالك الويللا يعرف الموضوع و يقوللنا في الجزء الرابع !!!

تستطيعين اللعب بكل اوراقك لان رصيد الحزب النسائى اوشك على النفاذ
ما سمعتش يا تامر فيه تحويل رصيد توا معناها معاش تعبى على الرصيد يكمل بكل

والله درتنني .......... تي باهي يا ويلا كان ما نزلتش موضوع على خاطرك نقول فيك علت الفضايح متاعكم .. قبل قلت معليشي تو يسكت لكن ما فيهاش تو يبانلك واستنى مني موضوع نحكي فيه كل شيء ... وخلي الأعضاء هما اللي يحكموا ...

أم إياد

وينك وينك ملحقة مأخر


منورة عالمرور

لكن الحلقة الجاية تعالي بكري راه

منتظرين الحلقة الجاية يا ويللا على احر من الجمر لان الكل باينه متحزب ومصصم على الانتصار

منتظرين الحلقة الجاية يا ويللا على احر من الجمر لان الكل باينه متحزب ومصصم على الانتصار

إن شاء الله الخميس

أوكي سلامات

ونزلت حالا ارض الملعب ام اياد وعم تقول ان معها مفاجات والغريب انها عم تقول بكل ثقة انها راح تواجه الويللا
ايه يا ويللا فى جزء فى المعركة بتخبيه وما بتكتبه عايزين رد شديد
عموما وعلى كل حال حزب الرجال ما بيخاف من التهديدات نحن رجال افعال لا اقوال عذرا ام اياد تستطيعين اللعب بكل اوراقك لان رصيد الحزب النسائى اوشك على النفاذ


ونحن أيضاً لا نخاف ... لكن هذه خطتنا في الحرب لا ننزل كلنا دفعة واحدة ... وسترون ماذا تفعل النساء باذن الله ..




أم إياد

وينك وينك ملحقة مأخر


منورة عالمرور

لكن الحلقة الجاية تعالي بكري راه

والله مشاغل يا ويلا لكن مازال عندك حساب غير توا معليش انت فرحان بالترقية وما نبيش ننزعلك فرحتك ...

واحني نستنوا شن نهاية قصتك بعدين نشوفوا شن بنديروا ...

الأيام بيننا يا ويللا .............

واحني نستنوا شن نهاية قصتك بعدين نشوفوا شن بنديروا ...

إيح إيح

خيرك مستعجلة إنت

مازال أجزاء هلبة ههههه

شكرااا ليك
wellawella

بالله من وين تجيب فيهم القصص هذيم

مبدع والله مبدع .... مش غريبة على الويلا ..... والي يقرب الويلا يا حليلا

مبدع والله مبدع .... مش غريبة على الويلا ..... والي يقرب الويلا يا حليل

منور مستر كوول

أقوى عليهم يا راص

هكي إنت ثبتت أقدامك في صفوفنا يا مبحبح (( انتظر الدور ))

نيييييييييعععععععععععع

حقا مجنونة صور منورة ، ووينك ليكي مدة مغطسة

wellawella
حقا مجنونة صور منورة ، ووينك ليكي مدة مغطسة

باين ادور وواجد ؟؟؟
صحيت على السؤال و الله ظروف

مبدع والله مبدع .... مش غريبة على الويلا ..... والي يقرب الويلا يا حليلا


يااااااااااي حسك خوفتني ... يا بنات الويللا مداير محامي وبودي قارد ... باش تعرفوا ان كلامه مش شجاعة منه ...