:: بسم الله الرحمن الرحيم ::

** السلام عليكم ورحمة الله وبركاته **

شي حالكم إخواني وأخواتي ؟؟ يا رب الجميع يكون بصحة وعافية وراحة وسعادة ..

اللي خلاني نكتب الموضوع هادا هو مشكلة كبيرة بكل .. ووالله ما عندي حد يساعدني .. قلت أكيد

ولاد بلادي مش حيخلوني في مشكلتي هادي بروحي إلا ويساعدوني فيها .. المشكلة هي أني طالبة

في الجامعة وكل شغلي يتعلق بالكومبيوتر .. المهم أني توا مدايرة حاجات واااجد في البحوث

امتاعي .. وعلى أساس انه الواحد لما يدير شي على الكومبيوتر لازم يحفظ شغله في أماكن ثانية

على السي دي (القرص الضوئي) مثلا .. المهم أني بعد ما نحفظ الشغل على السي دي ونطلع

السي دي من الجهاز .. لما انحط السي دي مرة أخري يطلعلي فااااااااااااااااااااااااااااضي

كل شغلي ممسووووووووووووووح .. والله نفسيتي تعبانة بكل ربي يعلم بيه .. المهم حاولت

نحفظهم على دي في دي (DVD) نفس المشكلة صاااااااااااااااااارت .. كل شي راح ..

والله إني في أمس الحاجة لمساعدتكم .. ما انزيد عليكم في حتى كلمة ..

وجزاكم الله كل خير

انا ماعندي خبره كبيره في الكمبيوتر لكن فيه حاجه اسمها فلاش ميموري "اصغر حجم من السيدي يحمل سِعات كبيره الي 4Gوسعر رخيص واقل مشاكل

:pياريت توضحي الطريقة اللي بتنسخي بيها الاسطوانات
وبرنامج ايه اللي بتستخدميه للنسخ



;)وانصحك زي ما قال المهندس يحي الدنوني انك تستعملي الفلاشة احسن وهى هاتساعدك اكتر في الكتابة والتحرير والمسح والتحميل عليها بسهولة واسرع

طريقة ساهله جدا جدا
اشري جهاز كمبوتر وريحي دماغك

أنت أكيد خذيتي الملفات نسخ ولصق في الفولدر متاع السي دي ... وهذي نسخ مبدئي لا يتم في الكتابة على السي دي ... بل عليك بعد أن تحددي الملفات التي تريدين نسخها أن تقومي بعملية الكتابة ... وتجدي هذا الأمر على القائمة اليسرى للفولدر
أو يمكنك إستخدام برامج النسخ مثل النيرو .. أو وهو أفضل الحلول إستخدام الفلاش ميموري ..

انصح باستعمال الفلاش ميموري
او اذا اردتي النسخ فانسخي ببرنامج النيرو لأنه يعطيك انذار اذا كان النسخ لم يتم بصورة صحيحة
انشاء الله تلقي الحل في ردود الاعضاء ولو أن مشكلتك مش صعبة ولا حاجة

أهلا بيك خوي (يحي الدنوني) بارك الله فيك على الرد والمساعدة ;).. وكلامك صح مية

في المية وأني اندير فيه والله .. عندي الفلاش ميموري ونحفظ عليه حاجتي .. لكن الواحد

لازم ايدير نسخ واجدة في اماكن مختلفة للاحتياط عرفت كيف .. ومرة أخرى شكررررا :cool:

::

خوي (sem7sem7) جزاك الله خير على المرور والرد .. الطريقة اللي بنسخ بيها ملفاتي

هي: أولا ما نستخدمش في برامج معينة .. يعني هكي من اول ما شريت الجهاز واني طوووول

نسخ ما حملتش اي برنامج خاص بذلك .. لكن اني كيف اندير اول حاجة اندخل السي دي وبعدين

اندير نسخ للملف المعين ثم لصق في السي دي .. ولأني بستخدم فيستا فلما اندير نسخ ولصق

على السي دي ما فيش امر في القائمة نختاره بيش ايدير ال Burn طووول أول ما يتم اللصق

انطلع السي دي .. الحاجة هادي من زمااااااااان ادير فيها غير توا اشبح شن صار .. وجزاك

الله خير مرة ثانية .. وسامحني لو طولت .. :)

::

أهلا بيك خوي (al22may) تي وين السهل اللي فيها .. تبيني نشري جهاااااااااز جديد

بكل .. :lol:

مشكووووور على الجهد والمرور .. ;)

::

خوي (muttardi) بارك الله فيك على الرد ;) .. بالنسبة

لمشكلتي زي ما رديت على الأخ (sem7sem7) توا .. في الفستا ما فيش الأمر هدايا ..

في الإكس بي بس .. توا اني نسخت ولصقت ماشية الامور تمام .. طلعت السي دي وقبل ما

يطلع عطاني الجهاز رسالة انه كل شي تم .. شغلت السي دي مرة ثانية لقيت الملفات .. مرة

ثالثة حتى هوا فتح معايا وكل شي موجود .. لكن مرة من المرات دخلت السي دي طلعلي

فاااااااااااااااااااااااااااضي ..

المشكلة اني أني من زمان ماشية اموري وتمام لكن توا اشبح خيره الجهاز كل شوية

مرعش فيه :eek:

::

خوي (MESTERCOOL) مشكور على المرور والرد أولا .. وثانيا كيف مش صعبة ..

توا كانك مشتغل وتاااااااااااااااعب وفجأة شغلك يمشي كله عادي عندك ؟؟

أكيد لالالالالالالالالا .. ;)

المهم بالنسبة للفلاش ميموري كلامك صح وأنا حاليا نستخدم فيه .. بالنسبة لعملية النسخ

هي اتم مية في المية صح .. ونشغل السي دي عدة مرات بعدها .. لكن فجأة هكي

مرة من المرات نلقي السي دي نظيييييييييييف جديييييييييييييييييييييييييييييييييييد .. :(