المساعد الشخصي الرقمي

مشاهدة النسخة كاملة : الرسائل الدعائيه والاعلاميه في ليبيانا

الهيشاوي
02-04-2008, 07:46 PM
اعزائي اعضاء المنتدى ارجو المساعده لقد اشتريت شفره ليبيانا جديده ولكنني لم استلم اي رسالة دعائيه من الشركه حتى الان فماالعمل وكيف يتم تفعيل خدمة استلام الرسائل الدعائية ؟ ارجو المساعده ولكم الشكر
general_libya
02-04-2008, 10:13 PM
و إنت شن تبي فيهم الرسائل الدعاية...خليك هكي متريح

بس قولي إنت رقمك يبدأ بكم؟؟؟
الهيشاوي
02-04-2008, 11:08 PM
شكرا لمرورك بس بعض الرسائل ممكن تكون مهمه مع ان الكثير منها مزعج لكن صدقني بعضها مفيد رقمي يبدأ ب 349
general_libya
03-04-2008, 02:05 AM
يا أخي الهيشاوي شركة ليبيانا تقوم ببعث الرسائل الدعائية تلقائيا لكل المشتركين تبدأ بالأرقام 500 أولا ثم تكمل إلى باقي الأرقام (600-700-800-300-400) يعني ممكن يوصل فيك الدور في منتصف الليل و إنت راقد :devil:.....فيه تفسير يا خوي له أنك أنت ممكن تقفل في هاتفك هلبة و بالذات في الليل و ممكن تكون مش معدل مركز الرسائل.. ملاحضة:
- يجب أن يكون رقم مركز الرسائل " 00218929290120 ". ...

توو نزيد نشوف الخبراء الهندسة نت و بالذات الأخ babow 5-13 و إن شاء الله نفيدوك :good: .
سميني انت
03-04-2008, 02:31 AM
ممكن تكون انت لغيها خدمة استلام الرسائل الدعائية
عند شراء الشفرة من الشركة
شوف العقد امتاع الشفرة
في الاسفل تلقي خدمة استلام الرسائل الدعائية
قدامها علامة صح او لا

مع تحياتي
الهيشاوي
06-04-2008, 03:18 PM
شكرا لكم اخوتي على الرد والمرور بس انا اسف نقول لكم مازلت ما اقتنعتش بكلامكم لان الخدمه بالفعل تحتاج تفعيل بس كيف موش عارف ... انا عندي شفرات اخرى وتوصل فيا الرسائل بشكر مستمر اما الشفره هذي فلا يصلها شي ... وحتى في المدار اخوتي فيه رقم تبعث له رساله وتحط فيها رقم 1 يتم تفعيل الخلدمه تبي تلغي حط رقم 2 وانا صارت معاي وفلعتها في المدار اما ليبيانا دوختني ... مع العلم ان التلفون مفتوح على طول وما نقفلش فيه ... عموما شكر ا ليكم وبارك الله فيكم
جحا 19
20-04-2008, 06:04 PM
انهدرز...............تو شوف جزالك تلقا رسالة. الان تم وصولالتغطيه الي منتدي الهندسة نت فمزيدا من الانجازات