أنا القلب بايت يخمم/ والعين باتت سمورة’

على حيكم يا عزيزين/ يالندرة وين شورةْ



سريرن ذهب لريلي فيه/ وسمس الضحى فيه غابت

جي دونكم يا بعيدين/ وكبدي من الوحش طابت



هيا نجوم الثريا/ زعم السزي وين داره

وكال عشب الحنية/ وقاد للشيخ ناره



ما فيه غير عجاجات/ والا الغربة يحومن

اللي حازكم يا عزيزين/ انظاري على من يومن



يا عين خيرك ترفي/ انشاء الله خبر خير دايم

ومطول دموعكم تشفى/ جباهلك ما بي ايلايم



القيت دارهم بالحلاويق/ ومراحهم لوَّلاني

حدر دمع عيني دلافين/ لوما لزمته عماني



مثلتكن يا عيوني/ كيف الشنان البايد

رشاشيح ما وصلن/ وهلنا بعاد الردايد



ساهيتكن يا عيوني/ باشي تصبرن عن فراقه

كفوا الدمع وارحموني/ محال نبدو رفاقه



زعم يا الغايب تجينا/ بعد طولت الوحش بيّه

من الدمع رانا هفينا/ روينا الصحارى أميّه



يا ريتني ما عرفته/ ولا شبّلي ليه خاطر

تباعد على شبحت العين/ وخلى دموعي قواطر



يا درانا وين جيتك/ عليّ خطر زول غالي

ويا ريتني ما لقيتك/ انحسه اريافي لجالي



اثبتن واشبحن زين/ طلحات والا بعاير

ولا كان ريتن الغالي/ يا ما لكَنْ من بشاير



صبرتهن ما نفع صبر/ كففتهن جنِّي ذوارف

عميّات بالدمع لنظار/ يبكن اللي موش عارف



لي عين بالدمع تنهال/ ولي قلب كاتر خيابا

على ونس غالي على البال/ واليوم دونا مجابا



رحلتو وخليتو زهاوي بالي

ونبي المحطة في القطا من تالي

اقوه عليه يا عنتر احلي مسه وبلله عليك زيد اطربني والله افرحت بيهه المشاركه هادي قريتهه قريب 5 مرات

العقل يا صحاب الدار .... يمسا معكم و يصبح .:good:

نرد عليك ببيت خطر على بالي ... والآتي قريب
وهدي تحية مني ليك ... وصحيت على تجميع هالشعر

أنا نشيعه يا ريح وانت قله ... وارميه عالراس المليح وخله

منور ياSPY_HUNTER


يا الولد انوصيك الدم الردي ما ايونس ونشد على بنت الاصول كيف الاصيل المجنس

سامحوني ياتريس

لكن من وجهة نظري ان كلام النساوين للنساوين
واني من اشد المعترضين على احمد النويري في تقديمه لبرنامج غناوي العزايز في كل رمضان
يعني المفروض اتقدمه مراة
ابصر كيف حتى طعمة الكلمة النسائية بصوت راجل مش لائقة
انحس فيها عيب

وتبقى هذه وجهة نظر ليس الا

والله اعلم

تصحيح لمشاركة شارك:
العقل يابعاد الدار :: يمسى معاي ويبات عندكم
وهي غناوة علم وليست من كلام النسوان

اولا هوا ليس كلام نساوين بل شعر المرأه
في من النساء من نضمت ابيات من الشعر نفخر به الى الان بما فيه فصاحة اللغه و نضم للقوافي ولو جينا ننكرحق المرأه في الشعر فهدا اسمه جحود و تكبر وانا من ناحيتي لا ارى فارق بين المرأه والرجل من عدة نواحي ومنها الشعر فهناك من كانت سبب بي ابيات من الشعر للتحرير بيت المقدس على يد صلاح الدين وهدا أ ضن انه معلوم للجميع ومنها من جمعت شمل قوم بي ابيات فذالك اخي الفاضل سيد السبيب ارجو منك ان تفرق بين كلام ميعاد النساء وشعر النساء والسلام عليكم ورحمة الله