قصيدة للشاعر :: علي شحات الفاخري



منك نفضت ايديّ = ماعد قعد بيني وبينك شي
اخطيت جيهتك


عليك النظر واطيت =اخطيت جيهتك صفحة غلاك طويت

فيما مضى ياما وراك اشقيت = وجيت وينما اصاعب عليك الجي

اندايش و لا كلّيت لا مليت = و معاك كل ما درته نقول اشوي

و ما من شدايد في الغلا عانيت =امغير مالهن تاثير بيّن في

او وينما خطاك معاي به حسيت = و ريتك خذيتي درب موش سوي

من خوف يتبعك عقلي عليه وطيت= عزيز نفس ما ننزل مكان وطي

*******

بلاك صبرت = و صبري علي هجرك عليه اجبرت

صحيح مر غير المر بيه اقدرت = نساير ظروف امرّ مرت بي

انتي حرب صارت خضتها و اخسرت= بعزمي هزمتك و الهزيمه لي

و سرتي مع مهلاب عكسه سرت =أسيرة غلا كبّل انسان بري

أدبرتي بشوق و نا بشوق ادبرت= كي ما أقبلنا في زمان أطوي

*******
سريبك عفت = و طول المدا حيطة رجاك حدفت

خلاص النظر عنك اليوم صرفت= حتى انكان جرحك ما اساع ابري

قرار لا عليه اندمت لا حسّفت= نفسي و لانفسي تشوخ علي

أرويت بغلاك ومن غلاك أشعفت = كوّيت ع الغلا و آخر الطب الكي
ErHaBi

منك نفضت ايديّ = ماعد قعد بيني وبينك شي
اخطيت جيهتك



بارك الله فيك خوي على نقلك لنا هذه الابيات المعبرة
و نوصيك وصا أمانة ;)

وكان مزال عندك شي للشاعر . علي شحات الفاخري . اكتبلنا وما تبخلش علينا ;)

مشكور جدا

أرويت بغلاك ومن غـلاك أشعفـت كوّيت ع الغلا و آخر الطـب الكـي
ابيات رائعة صحت عليها خوي.:good:

السلام عليكم:-
والله مشكور ياخونا على منك نفضت يدى .
هو بيت حلو لكن فيه شوية اختلاف.


سلام