قالت ام العريس ..
يا أم اشروط اتقول شكاوى ... كان غير ولدنا ما غاوى
ردوا عليه عرب العروس..
ولدكم ما درنالا شى .... جانا يجرى كى الجدى
عرب العريس ..
عروسك يا خايل الاباس ... جراده تشعبط ع الساس
عرب العروس..
ها البشوبو الى جبتنه .... كان اتريدنا خودنا
عرب العريس.....
لانك عين ولانك جمه ..... ولانك من عيله تسما
ياسلم جياب الدبله .....فرح ها العيله المنهبلا
سيقانك سيقان دجاجه...... ما جيناك الا من العازه
لولا سحر اجاباتك .... ما جينا لعريقيباتك
تليفونك ما هنانا ....قفزنا من فوق عشانا
وردو عليهم عرب العروس
ولدكم بو كرعين اكبار ... جانا يجرى كى الحمار
ردو عرب العريس .. بو عين كبيره فلاته ...لو ماجاها راهى جاته

وبعدين صار فيه الشباشب و الدم للركب

ههههههههههه
صحيت على المناظرة النسوانية اهيا

تبي الحق الغلط من أم العريس


سلامات

السلام عليكم:-
ههههههههههه تى والله ألا متعة .

سيقانك سيقان دجاجه...... ما جيناك الا من العازه
أنى نعرف سيقان جرادة .
لكن عادى جرادة دجاجة كلها زى بعض.
ويا ام العريس مش هكى طول سبان...؟


سلام

يا مبروك عليك نسيبك**سواق ايقلك ويجيبك

الرسالة الأصلية كتبت بواسطة يورك شير


وبعدين صار فيه الشباشب و الدم للركب
هدا الى صار فى العرس ؟;)
ياريت تحكيلنا على يصير فى اول اسبوع بعد العرس
خليها الحكايه متسلسله
تحياتى

مرحبا بالجميع

منور ياخويا وهاذا عندنا نحنا انسموه ( تعكيف )
يعني بالطرابلسي ( تلويح معاني وتلقيح )

ونزيدك اني من عندي :

اهل العروس يقولو لعائلة العريس وهما جايبين الكسوا

* حل الباب علي وسعيته ... هالبقر عمري ماريته

ردو اهل العريس :

* هالبقر اللي ريتوه ... منه الثور اللي خذيتوه

اهل العروس :

*جانا يمرد عالشرشور ... خلى بنت العم ادور
* حي عليهم عالاهانة ... خلى بنت العم وجانا

اهل العريس :

* يابنيا وين ضنا عمك ... لولا (..........) مالمك ( حطو اي اسم قبيلة او شخص على النقط )
* فرشين شكاير علفة ... ودك ماعليهم تلفى

اهل العروس :

* فرشين شكاير علفة ... شيخ النجع علينا يلفى

وقد تصل احيانا الى التجريح ويتفركس العرس كله فمثلا :
* خذينا منك هالغزال ... قعدتي كيف الكلب الضال
والمقصود هنا ( ام العريس )

وهنا يرد العريس نفسه لما وصل الكلام لتجيح امه :
* انتي ماك وردة في جناني ... انتي بس كلمة علي لساني

يقصد بها الطــــــــــــــــــــلاق

فعلا نهاية سعيدة من اول العرس اخخخخخ


تحياتي للجميع

يخوى على التلقيح
صحيتى منورة:good:
احسن بعد
*
حل الباب علي وسعيته ... هالبقر عمري ماريته

السلام عليكم

هههههههههههحلو منك خوى منور

لكن هده الدعكه من جزهم من بعض الامن ؟؟؟؟؟؟؟؟؟؟؟

سلام

هههههههههههه :D

حلو الموضوع
شكرا
وفي وحدة تانية سامعتها اني

ان العركة هادي قالواهل العروس على بنتهم ...
ريته يا فيه طراريم ... خسارة فيه جدي اليوم ....ز على بنتهم يعني
امشي ردو اهل العريس قالو ........
ما جاكم كان الملزوز... الا الباهي قاعد مدسوس
...............


تحياتي

نورس

صحيت ومنور ونزيك من عندي ونقول ---في يوم الحنة--اهل العريس ---وين نساوينك يادجاجة ---لا رقصن لا دران حاجة--ردت عليها ام العروس ---نساويني نساوين ملوك---ماهن رقاصات ديوك--طبعا اول ماجن الحنايات وعرب العريس --طلعت ام لسان طويل وزغروتة ----بقر ---- اهو جي والشربة زيدوها مي-مكان النقط حط اي اسم للمنطقة---طبعا بعدين خشت ام العروس معاها العروس --طلع لسان يلوي من عرب العريس ---تتدرج من ظل لظل --لفعى وفي جرتها صل --القصد على ام العروس والعروس--طبعا جت ام العريس ترقص امام ام العروس --ام العروس طلعت السانها ---حي عليك كلاك الحامي --من قلك خطم قدامي--طبعا كبر الكلام وبدت الشباشب ترقى وتنزل والسانات بدت تطول والجو هدا اعطى الشجاعة لوحدة من عرب العروس ومدت السانها بكلام حشاكم بايخ مع احترامي ليكم---ريته لاخطم لاجانا----هو فاسد وامه بوطانا ----مع احترامي ----طبعا عارفين بعدها شن صار

هجاء ومناضرة
فعلا شي مضحك ولكنه قد يسبب المشاكل .

منووووووووووووووووووووووور موش عادية

يودى والله دعكة صقع معمرى شفتت زيها قبل
مشكور على الدعكة لكن من حزها

منور يا كعك مدور.....


قصشن

منورين شباب واسف علي هالغيبه الطويلة جدا

ام العروس :
عليكم ما نريدو انموتو 60 جوا في يوم جيتكم
ههههههههههههههههههه
طحنه صـــــــــــــــــــــــــح :good:
مممممممممممممممممممممممنورين[/B]

حلوة منكم الاشعار الحلوة لا مش خير منكم نزار قباني حتى انتو لازم تاخدو حقكم في الشعر العربي الاصيل دجاج ولفاعي وصل ويالله اي حاجة

يمه هكى هما اينفخو فيهممممم

مشاء الله والله الا ماعندي منقول بس شي واحد صار منه العرس والا لا ومن حز العركه
هههههههههههههههههه وحده قصقاصه

ما شاء الله الصراحة ,,بعد هكي معاش في

والله هالعزايز ما هن عاديات

وشكرا على الموضوع وكل من ضاف عليه

هههههههههههههههههههههههه ههههههههههههه والله تعرفو كان حق ايصير هكي في الحنه ديما ((حيصيرضعف اقتصادي في الشباشب والقنديل ومعش بيصير اجوازه من الاخير ))
مشكوووووووووووووووووور خوي ..و..
..سلاميتوو..

لعراس ولة فوضه احسن حاجه مديريش عرس وقعمزي فى حوش بوكي

ومشكووووورة .......سلام...........

الســـــــــــلام عليــــــــــــــكم

سيقانك سيقان دجاجه...... ما جيناك الا من العازه

هذه قوية فى حق العروسة


ها البشوبو الى جبتنه .... كان اتريدنا خودنا

وهذه قوية فى حق العريس

مساكين العريس والعروسة علقو بين نارين وجو فى النص

تحياتــــــــي

يعطيك العافية.........بارك الله فيك

مشكور فكرة حلوة
اهل العروس
1- حلي الباب على وسعيته جاك بقر عمرى ما ريته
2-بقر (.....) راهو جى والشربة زيدوها ماى (ماء) (.....) منطقة معينة

اهل العريس
1-هل البقر اللى ريتيه فيه الثور اللى تبيه
2- بقر (...) جاب عجول يصفى هالصف المنظور (اشارة الى بنات عالة العروس )
3- ياغالى قرب توق البومة حطينها فوق (هادى ما نعرفش شنو ردوا عليها اهل العروس ) نتيجة لان الحرب كانت حامية فصلت معاش عرفت انجمع


سلام

سلام بنت الاجواد منور على كل شىء وحلو التوقيع

منور عليه دعك مليح

هههههههه والله قوية منور عليها يعطيك الصحة وصح لسانك
سلام

سلام حصلت الرد على بتاع البومة
رد اهل العروس
مهندس فى النفط خدتها ما منى اللى يقهر خلته

مشكور على الكلام الطيب اللىيقلتة وبصدق ان اجلى غشاش القلب

شنو لما قربت الاعراس طلعوا فى الاغانى الصقع
فكونا يا اولاد من جوووووو الاعراس تعرفوا العرس متع حل الباب على ويسعيتها ها البقر عمرى مريتها عرس اضحك وبس