لماذا توجد بعض صالات الإنترنت يستحيل من خلال أجهزتها الدخول إلى موقع الهندسة نت وكأنه غير موجود حيث لا يمكن لتلك الأجهزة أن تظهره كبقية المواقع المتوفرة والتي من الممكن الدخول لها من أي صالة كانت ؟

السلام عليكم

خوي المشكلة هدي قالوها الشباب وعرفو المشكلة


حاول اتخش ببروكسي وانشاء الله تنفع عماك

المشكلة تنحصر في صالات الانترنت التي بها اشتراك ستالايت من شركة السهار، وبعد جدل طويل بين المستضيف وبين السهار تبين بما لا يدع مجالاً للشك أن المشكلة من شركة الستالايت، فراسلوها.

الرسالة الأصلية كتبت بواسطة Black_Blood
السلام عليكم

خوي المشكلة هدي قالوها الشباب وعرفو المشكلة


حاول اتخش ببروكسي وانشاء الله تنفع عماك

معليش ماليش علم ، وبارك الله فيك

الرسالة الأصلية كتبت بواسطة SilverBoy
المشكلة تنحصر في صالات الانترنت التي بها اشتراك ستالايت من شركة السهار، وبعد جدل طويل بين المستضيف وبين السهار تبين بما لا يدع مجالاً للشك أن المشكلة من شركة الستالايت، فراسلوها.

مشكور ، لكن الصراحة ما نعرفاش عنوان شركة الستلايت .

لو عندك ليهم إيميل ياريت وحتى عنوانهم ياريت تكتبه

مشكور مرة تانية

المشكلة تنحصر في صالات الانترنت التي بها اشتراك ستالايت من شركة السهار، وبعد جدل طويل بين المستضيف وبين السهار تبين بما لا يدع مجالاً للشك أن المشكلة من شركة الاستضافة المستضيفة للهندسة نت فعنكشوا فى السيلفر بوى لكى ينحوا البلوك من علينا .

و هادى صورة ،،،

http://hani911.net/upload/hani//TracerouteAlhandasa.gif

الاتصال يطلع من شركة ال SMS UK اللى شركة السهار شارية ال bandwidth من عندهم ، و يوقف اخر حاجة عند المستضيف لانه مداير بلوك ع الرينج الخاص بينا .

و الحل المؤقت الحالى للمشكلة هادى استخدام بروكسيات للدخول للموقع :rolleyes: .

عيشوا حياتكم ،،
http://www.stayinvisible.com/index.pl/proxy_list

و كسروا راس السيلفر باش ينحوا البلوك ;) .

سلام :devilsmil .

منور تكنكل سوبورت :lol:

Thank You 911 Boy

:eek::eek::eek:

توا يا qq992004@yahoo.com انى خاش نبى نشوف شن فيه ردود فى الموضوع ، نلقاك مبقل عيونك زى البلقة ، انى فرحت لما لقيت مشاركاتك مليحة لكن هادى يا ودى طلعت اوووت :D .

سلام :devilsmil .

Cooool

(V*R)

اه كيف يصير يا عيلة !!!!!!!!!!!!!!!!!!!!!!!!!!!!!!:devil:

زى البلقة
:eek::eek:...:cry::cry:

لا جديد يا كريزي.

شني يا سلفر؟؟

زعما في ضغط من جهة معينة لمحاربة السهار؟؟:rolleyes:

و خيرها قبل خدمت فترة ؟؟

أني عندي خط مباشر .. لكن ما واجعني الا مصطفى !!

;););)

أني نقول ان المشكلة من شركة الاستضافة ;)

سلام

الرسالة الأصلية كتبت بواسطة المهندس الضايع
أني نقول ان المشكلة من شركة الاستضافة ;)



حتى اني نقول هكي

الزح حتى اللى ما يعرف شى فى الكمبيوتر يعرف ان الكونيكشن يوقف عند الويب هوستينق المعفن متاعك يا مالك ،

و زى ماقلت اللى يعجبك رخصه لوح نصه :lol:

والحمد لله اللى حليتوا المشكلة ، شكلكم جبتوا واحد ات ( IT ) من الهند باش زبط المشكلة من وين :lol: و اللى كان متمثلة فى ان السيرفر متاعكم مداير بان ع الرينج متاعنا .


وهادى صورة من بعد عودة الهندسة نت الى ملاعب شركة السهار :cool: .

http://hani911.net/upload/hani//alhandasanet_alssahar.png

سلام :devilsmil .

عدنا للملاعب :cool:
قصدي عادت الهندسة نت لملاعب شركة السهار :p

ياودي الصقع صقع ياكريزي


لكن في الخرطة هادي
يوقف عند الويب هوستينق المعفن متاعك يا مالك
ياواقي عليك وخلاص ... دور من يوقفلك فيها...تو ينفعك المهندس الضايع

يا زيز اللى يعرف يعرف و اللى مايعرف يقول معدنوس :lol: .


( ماك مش عارف شنو صاير وراء الكواليس يا عمو ;)).

تقدر تراجع يا حسام الكلام اللي بالأحمر، وأعتقد أن هذا كلام ميقولاش مشرف، وأنت عارف أن المشكلة من عند السهار والصورة اللي خداها مصطفى لما دار تراس رووت توضح الشي هذا، وسبب دفاعك الغبي هذا ليس إلا لأنك تشتغل مع السهار وخايف على رزقك لأن أغلب الزباين بدوا يطيروا من عملتكم.

أما حكاية الرخص فأنت عارف القيمة اللي ندفع فيها للهوستنج وأعتقد أنه مش رخيص زي ماتشيع حضرتك، وأعذرني أنت راس مالك دوة ع الفاضي فبلاش تبجح بعلم ليس لديك.

وحاجة ثانية يا محترم أنت للمرة الألف تتجاوز في الخطوط الحمراء في الرد والتحدث مع من هم أكبر منك سناً وقد جرى تنبيهك، أكتفيت بإنذارك هذه المرة ومش كل مرة تسلم الجرة.

أعتقد أن هذا كلام ميقولاش مشرف
اي
وسبب دفاعك الغبي هذا ليس إلا لأنك تشتغل مع السهار وخايف على رزقك
:eek:
لأن أغلب الزباين بدوا يطيروا من عملتكم
عملتكم ؟؟

وأعذرني أنت راس مالك دوة ع الفاضي فبلاش تبجح بعلم ليس لديك
احييييييه

وحاجة ثانية يا محترم أنت للمرة الألف تتجاوز في الخطوط الحمراء في الرد
:eek:
والتحدث مع من هم أكبر منك سناً
هادي قوية

أكتفيت بإنذارك هذه المرة ومش كل مرة تسلم الجرة

والله الا وجعتني ياحسام مش تقول شماتة والا صياخ والا حاجة لكن............ قلبي معاك وخلاص

مبروك الباك علي السهار :rolleyes:

ومش عارف شن انقولك يا كريزي الا عظم الله اجركم :cry:

مش شماتة والله :|

انى زى ما مسعت قالو والعلم عند الله ان فيه ping صاير من IP شركة السهار ولهدا داروله بانن

المهم انفتح وخلاص