المساعد الشخصي الرقمي

مشاهدة النسخة كاملة : وسط القاعة فى القانون

أسد ليبيا القاتل
06-07-2004, 04:59 PM
وسط القاعة *** تاعب اسلومه وكاترات اوجاعه
معاكى حاير *** يم العيون اوساع سود كباير
سبحان من خلى شكلك ناير *** شبيه اغزيل فى الخلا رتاعه
وانا معاكى ما القيت صباير *** نا للصبر ما عند قرام شجاعه
والدم يجرى فى الوريد فاير *** فى سباك يلى اسماح اطباعه
ماهوش حلم هدا حقيقه صاير *** نا شريك وانت اللى بياعه
وسط القاعة *** تاعب اسلومه وكاترات اوجاعه

معاك يا عيشه
هى محتاره *** واهو طالب معاه حايرات افكاره
تبدا العين بدموعها منهاره *** كان اسمع انك عليه خداعه
عند جرح فغيابك ازيد مراره *** وين اراك يستاسع وازيد شجاعه
اراك ربيع وانتى جميع ازهاره *** وانتى شمس باهره جميع اشاعه
وانتى قمر ساطع جميع انواره *** لونك طيف ونجمته لماعه
يا سعد من جيتى ودخلتى داره *** عند اليوم يمشى معاك بساعه

وسط القاعه *** تاعب اسلومه وكاتراتاوجاعه

ولى عوده ــــــــــــــــــــ مع بنت فى القانون


مع تحيات اسد ليبيا القاتل
الدكتر فان
14-10-2004, 05:33 PM
سلام


يودى منور ياخوى




وتحياتى ليكالدكتر فان
رايق من بنغازى
27-05-2005, 09:26 PM
اسد ليبيا من ورايا ياغالى عليا
خيرك سكرت المسج فى وجى ياطير
زعلان منك والله
رايق لكن راقيلى
منعم لفكيح
27-05-2005, 11:31 PM
منور يا اسد ليبيا ولله قصيده قويه
ونعطيك راس بيت على بنت القانون القصيده اتقول
يا قاريه القانون *ازعمه فى الشريعه ايعاقبو لعيون لى يقتلن
كملها يا اسد ليبيا
والسلام
الارهاب نت
28-05-2005, 01:51 AM
السلام عليكم

امنور ياا أسد ليبيا انشاء الهل ربي ما يحرمنا منك

ويا يودى منور ياخوى اسلومه وخلاص

هي

تحياتي
المتمرس
28-05-2005, 01:55 AM
صحيت وامنور ربي اخليك للمنتدى هذا ...
أسد ليبيا القاتل
28-05-2005, 03:14 PM
منورين شباب على الردود الحلوة اللى اتردوا فيها يا عيله . ومشكورين جدا ........

خيرنى يا رايق امتى سكرت عليك انت . قولى بس يا رقيق الحس ....
منعم لفكيح
يا قاريه القانون *ازعمه فى الشريعه ايعاقبو لعيون لى يقتلن

منور عليها والله قويه يا خوى ....
وان شاء الله ارد عليك فى قصيده مطلعها اتقول ...
مسمح ازويــلك** وصلوا القمر وانتى صعيب اوصولك
يا قاريه القانون
rana_ss
03-06-2005, 09:42 PM
شكرااااااااااااااااااااااااااااااااااااااااااااا :good:
الوحيشى
06-06-2005, 11:59 AM
ارجوك معادش اتقطف يا قطاف
أسد ليبيا القاتل
06-06-2005, 12:48 PM
السلام عليكم :":":":":
الوحيشى

ارجوك معادش اتقطف يا قطاف

شن يا خوى مش فاهمك على من وشن الكلام هدا ................

مع تحيات أسد ليبيا القاتل
نسراف_ليبيا
07-06-2005, 01:03 AM
الخير عليكم يا عيله منورين وانشاء الله ديمه فرحانين وهاديين ورايقين على الاخر .
قولو امين يا رب العاليمن .
هى دقو منها ترحيبه ومنها بيت يعبر عن الفرحه بيكم .
تحياتى نسراف ليبيا :lol: :D
أسد ليبيا القاتل
07-06-2005, 01:26 AM
السلام عليكم ":":":"

امين يا رب العالمين ..

اهلا بيك يا خوى نسراف ليبيا وان شاء الله ديما امنورنا هكى ايه مرة مرة نشابحوا ...

ومعاد ادور والا انقول لـ ............

مع تحيات أسد ليبيا القاتل
نسراف_ليبيا
07-06-2005, 01:45 AM
السلام عليكم .
هلا بالغالى الوافى اللى وزنه من الدهب 100 طن....وهلتك عليا يا اسد ليبيا اتساوى الدنيا اتساوى كل المحن .... ترانك عزيز عليا وقفتك وعندى معاك الدلانيه والوقفه الاخويه ....تراك حبيب مو اشويه يا اسد ليبيا يا غالى عليا ...
منبيش انطول البيت يا خوى اسد ليبيا لانه غلاى ليك مو فى القلب مو شويه .
تحياتى نسراف ليبيا
الوافى الليبي
30-10-2005, 01:20 PM
امنور يا اسد ليبيا القاتل ولاكن اااااااااااااه بكلامك هدا (خطر عليا عزيز **بكيت لين طاب خاطرى)