الدكتر فان
12-07-2004, 01:49 PM
السلام عليكم
وانشاء يعجبكم باهى
فى عين مكحل هدبها نوم وجفنى عليهم وجفا صبار
ولى عقل من طول الرجاء محروم
مزال يرج يبعد الدار
ومن شبح مولت الغلا محروم
وام السوالف عا كتوف غمار
قولولها جارا عليا هموم
ومن غيبتك جرح المحبه جار
وانتى بنت ناس اجواد للمضيوم
مرز من الغربى تقاوا ستار
ركبين الضامر لى يهدو على سالب لهيب النار
ومن وين مشكع بارك ودار انسوك
نزل على روس العلا ءلامطار
اجوه من بعيد وجبدين عمود
وهدا دلل العين وام حوار
وان فى كحلت ركب دوووووم
اجو دونها جمله اكبر اصغار
وهدا لى خلك عندك دوم
وانتى من اصل صوب
وانتى عا الوضاء راسك ربيع الصوب
الديم الغلا وتستهلى لاشكار
وانشاء الله يعجبكم يا جمعت الخير
مع تحيات خوكم
Rujbany
23-07-2004, 01:34 PM
تحياتي لك اخي طائر الظلام
وارجو الاهتمام باللغة العربية خاصة الاخطاء الاملائية
ولك الشكر
أسد ليبيا القاتل
26-09-2004, 12:17 PM
مشكور يا خوى على الابيات الطيبه والممتعه وانشاء انشوفوا الجديد ......
مع تحيات اسد ليبيا القاتل
الدكتر فان
14-10-2004, 05:29 PM
سلام
منور ياخوى الكلام الحلو وانشا دائما فى جديد
مكسوف
15-10-2004, 03:22 PM
بسم الله الرحمن الرحيم ......
السلام عليكم ......
شكراً لك على هدا الشعر الجميل ورائع ......
ING
وســـــــــــــــــــ عليكم ــــــــــــــــــــــــــلام ......
مع تحيات المكسوف ......
الدكتر فان
25-10-2004, 04:09 PM
سلام
شكرااا ليكم كلكم
واجمل تحياتى الدكتر فان
hussin_abukris
23-11-2004, 07:38 PM
اولا الســـــــــــــــــــــــــــــلام عليــــــــــــــــــــــــــــــكم
تانيا شكرا اخى لهذا الشعر وهو بعنوان لعتاب وهو للكاتب على الكيلانى وخليط من التراث القديم
وهو موجود بمجموعة اشرطة النجع وتغناء بها الفنان محمد حسن .
عموما شكرا اخى الدكتر فان للمشاركة ولفت طيبة منك .
ولى عقل من طول الرجاء محروم مزال يرج فيك يا ابعاد الدار
ـــــــــــــــــــــــــــــــــــــــــــــــــــــــ
لك تحياتى ابوخريص
Rujbany
24-11-2004, 12:28 AM
ترزي ما فيهاش شفاعة بكل قناعة في المبنى نظرة طباعة ترزي
ترزي ما فيهاش كلام طباعة مكـــــحول هذبها
دامس ليل الميم ظلام ورموش تغــطي حاجبها
بنظرتها تسحب لقسام وتصوب تقتل صــــاحبها
تقول كلاشن يوم إلطام ومدفع عند إللـــــــــي جربها
وتصدر وتنفذ لحكام من إللـــــــــي يتجر ا يلعبها
بذكر سماها ندير خصام وحرب تصير انكون سببها
نقعد في موقف صدام ولمـــريكان إللي خاطــــبها
مكسور الخاطر منظــــام غيرك في الجاش مخالبها
كان عرفتوها تمـــــــــــام معروفة بهشي عربها
ولحضرت لأمين ســـــلام يستاهل هــــو جايبها
غير يلخبط في لختام وإللــــــي يوقعها يشطبها
وزملاها كل يوم اعدام وإللي يخشو لـي مكتبها
لو تشبحها تقعد عام تاعـــــــــــب والناس تعبها
تنصاب بفيروس غرام معدي حاول مـــا تقربها
وفي الهاتف تنسى لرقام تـــغلط مقلوبة تحسبها
تطلب قهـــــــوة تقول صيام وتمسك وتعاود تشربها
شيء يلخبط في النظام حـــتى من الشيرة يدهبها
تجي ما شيء تبي لعلام تفوت ساعة تلقى روحك في الزراعة
شهادة لسمحة لميام بكل شجاعة تفرض عالجبار الطاعة
الدكتر فان
25-11-2004, 03:24 PM
السلام عليكم
شكرااا والله وتحياتى ليكم هدا هو الترات
المتفوق
26-11-2004, 12:41 AM
منور على الكلام الصقع :good:
تقبل تحياتـــــــــي
المتفوق
Rujbany
26-11-2004, 10:14 AM
أيام الدلال
معاي يا ما درت
واليوم فيا يا عزيز نكرت
***
يا ما صـــــــــــار
ويا ما حكينا لبعضــــــــــــــــنا الأسرار
عشرة اسنيين أطوال موش نــــــــــهار
بذلتها بفراق من عــــــــــــــــــــاشرت
عمرك معايا قبل مـــــــــــــــــــــا تحتار
واليوم مانعرفش كيف أختــــــــــــــرت
عاش الغلاء بيناتنا بأقــــــــــــــــــــدار
ومات الغلاء عندك وما خبــــــــــــرت
كميته اسرار وبحت بيه جـــــــــــــهار
أمنت وانت الحب بيه كفـــــــــــــــرت
يا ميـــــــــــــم عيني يا زهاء الانظار
مشتاقلك وانت على صــــــــــــــبرت
وما عاد جتني من قداك اخــــــــــــبار
وماكش بعيد الدار لا ســــــــــــــــافرت
عشقتك عزفتك لحـــــــــــــن عل لوتار
احساس بيك عكس الناس بيه شعرت
منينك معايا في اول المشــــــــــــــــوار
لا أخترت غيري لا ســـــــــواك اخترت
تحـــــــــــــــــــــديت بيك النار والتيار
عاندت لكن فـــــــــــــــي الكيار خسرت
يا مــــــــــــــــــــــا ريت
واليوم كدبة كان قلــــــــــــــــت نسيت
بيني وبينك قبل مــــــــــــــــــــا ضنيت
تقصر معايا ودرتها وقصـــــــــــــــرت
رضيت الخطاء فيا ومــــــــــــــا داريت
لا قلت بالك عيــــــــــــــــــب لا كابرت
بلا ذنب عل حبــــــــــــي العفيف جنيت
كيف طاوعك قلبك وكيــــــــــــف قدرت
يا ما معايا يا عـــــــــــــــــــزيز زهيت
ويا ما لعبنا وشوق مـــــــــــــا بصّرت
ويا ما علــــــــى حوشك مشيت وجيت
واليوم يا حبــــــــــــــــي علي حجرت
قداش ليعة ففرقت عـــــــــــــــــــديت
وقداش خطرة مخطرة خاطـــــــــــرت
عاندت بيك أعناد وتحــــــــــــــــــــديت
شديت بيك ومــــــــــــــــن ورايا درت
بلا شك بيا وين مـــــــــــــــــــا واطيت
في عيون هللي حاســــــــــــدين كبرت
فلول معايا فــــــــــــــي الطريق مشيت
وبعدين شن في خاطرك خطـــــــــــرت
أسفاه في عيونــــــــــــــي صغير بديت
وحامد الله وفيك ما فكـــــــــــــــــــرت
يا مـــــــــــــــــــــــــــا درت
عمر صقر
الرجبان 10/12/2003
al_shehab
26-11-2004, 11:23 AM
قال الشاعر :
كحلت عيني مش غير زينة ليها **** غير بيش يا غالي نشوفك بيها
شكراً على هذه الأبيات الرائعة لكن بالله سلم وخي في كلمة دورت جميع القواميس معرفتش معناهاو لا أظن أنها من التراث ولو أحسب نفسي أني خاطئ كلمة (مشكع) ياريت تسعفني بمعناها
الدكتر فان
28-11-2004, 03:41 PM
السلام عليكم
شكرااا اخ الكريم على الرد