سلام
طبعا انا مانقولش في الشعر لاكن نحفظ فيه واجد ومن المهتمين بيه يعني هوايتي الاولى الشعر الشعبي وهذي اول مشاركه وان شاالله تعجبكم
يقول
الغايب اللي طول علي غيابه .... الايام انصفنلي في اسنين عذابه
طويل الغيبه .... اللي كنت في ماضي زها زاهيبه
لغيري بعد ولعه خذاه نصيبه .... واجباري رجاه الياس قفل بابه
ماكان يخطرلي بعد تغييبه .... يعود من جديد وخاطري يزهابه
رهيف احساسه .... بلا انذار عالغفله صفعني ياسه
غالي معا عمري غلاه تواسا .... غيره ان جا مرفوض مانشقابه
حتى ان كان في لحظه غلاي تناسا .... القيت عذر خلاني اقبلت اسبابه
وراجيت لين آذن الله بخلاصه .... وجاني ونا ماني من العاتابه
ارضيته ونس يمحا سنين تعاسه .... ويشفي اجروح اتكيد في الطبابه
وتحياتي

منور على القصيدة الحلوه وان شاء ديما اتنورنا بتراتنا الجميل يا غالى


مع تحيات اسد ليبيا القاتل

السلام عليكم ورحمة الله وبركاته


اخى الراص_الكبير قرأت فأبدعت .... حفظت فسلمت ... نشرت فاأقنعت .

مشاء ألله أقنعتنى أنه يوجد أشعار ليبية حلوة .

بارك الله فيك ياريت لو تحتفنا بأشعار أخرى .


والسلام عليكم ورحمة الله وبركاته