زعلان مني .. نحسابك الاسامحت ..... خيبت ظني قلبك علي مليـــــــــــــان


واضح انك زعـــــــــــــــــــــلان ..... وتريد عذر ساهل النسيـــــــــــــــــــان

طريق الجفا ساهل عللي هــــــان ..... وسهلت عليك تهون وتهونـــــــــــــــي

نحسابك الا سامحت ف اللي كـان ..... سبحان كيف قدرت ع التجنــــــــــــي

وقدرت تنسى في زمان زمـــــان ..... وقدرت تبقى بالجفا متهنــــــــــــــــــي

وقدرت تلقى صبر ع الهجــــران ..... لا عاد تنشد لا يهمك كنــــــــــــــــــي


نحسابك الأ سامحــــــــــــــــــــت ..... نحسابك الا حسيت اني انجرحـــــــت

غلبني ابكاي وبالدموع شرحــــت ..... وبكيت بين يديك غصباً عنـــــــــــــي

خسرني زمانك والعذاب اربحــت ..... وزولك اني ننساك مامكنــــــــــــــــي

من حسبة ايام العمر ليش طرحت ..... الذكرى .. الدمعه .. الحلم .. والتمنـي

وقدرت تقسى اقسيت ما سامحــت ..... احضانك ملاهن صبر ما احضننــــي


نحسابك علي صبــــــــــــــــــرت ..... وقبلت اعتذاري وين مااعتـــــــــذرت

بالمغفره ذنبي شملت غفــــــــرت ..... بعفوك مسحت دموع ما خلنّـــــــــــي

نصبر بلاك وجيتك وخـــــــــرت ..... طاال انتظاري نسيتني نسّينــــــــــــي

زولك وذكريات ما اصـــــــورت ..... ضباب نسيانك حجبهن عنــــــــــــــي

حسيت اني ما عليك خطـــــــرت ..... متعمد انك تاخذ زمانك منـــــــــــــــي


وفداك لو ما ارضيــــــــــــــــــت ..... وفداك لو لا لمت لا عديــــــــــــــــت

نحاول اني ننساك كي ما انسيــت ..... وننسى محاسن فيك عمر خذنـــــــــي

وننسى انك بالعيب في بديـــــــت ..... ما نرد فيك اتعنــــــــــــــــــــــــــــــي

ونعد اني مامشيت وجيـــــــــــت ..... وياما ذرفت دموع نين عمنـــــــــــــي

ليالي غيابك طولن وبطيـــــــــت ..... وجيتك ونا مشتاق لك متمنــــــــــــــي

رديت منك .. دمعتي كفيــــــــت ..... عنك بعد كفيت روحك عنـــــــــــــــي