نبي ننصحك ومني خود ادباره = سريب فاطمه من قبل ضايق ناره
خود نصيحه * سريب البنات بشباش كاتر ريحه = كيف فاطمه و كيف سالمه و فريحه
كيف عائشه كيف امنه كيف ساره = كلهن بنات و يصطلن علي الريحه
تشري بغالي وبيعتك بي اخساره = هن جنس واحد سوا اتكون قبيحه
ولا جميله كى غزال القاره = انتا اتقول الحب بعلى صيحه
** و هنا عليك من الضحك لين سكاره **

خود كلامي * سريب فاطمه من قبل ناره كامي = ولا اليوم انا جافي النوم انعامي
و هي ناسيه موالنا يا اخساره=واليوم فاطمتك عليك اترامي
وتقولك عز الغلا و مشواره=واتقولك انتا حبي و كل احلامي
والجمع عارف عزفهن و اوتاره=اتبيعك اتبيعك وتبدا الحسره كامي
** و تبدا كما المسجون خاطي داره **

يا صاحبي راني عليك انحامي=خليك من غدر الزمان واقداره
نبي ننصحك ياحمد اوخود ادباره=سريب فاطمه من قبل ضايق ناره

مساء الخير خوي النجهة

منور علي الابيات الجميلة

و ياريت التنسيق كان احسن من هكي

و اني نبي الحاج بكندا يجي و يرد علي هالكلام

هيا توة السلام عليك

مشاء الله ابدعت يانجهاا يعطيك الصحة

ايوة هكي خليك ديمة . وماتبخلش علينا . وهات كل ماعندك

الشعر الشعبى حلوووووووووو
واكيد مزال انت معبى
زيد ضخ يا تمساح شورك سفاح
;) ;)

منور يا نجهااو زيد من هالكلام المنجوه ، تي و الله ماك عادي ، و نبي انقولك :

الشعر كلام من خاطر العقل و يبي ادباره .......... و ماعمر الدلاعة و هي في الصفرة تبدى خيارة

مشكور يا منجوه

يسلم فمك يا النهجا كلام مقوم
والله يوم اطيح لا تنفعك فاطمة لا سارة لا فريحة

كأنك قلت اللي فخاطري

سلام

اهلا وسهلا اخوتي وشكرررررررررررررررررررررا





لمروركم الطيب

اني نبي الحاج بكندا يجي و يرد علي هالكلام

شنو ياشارك احنا مننفعوش؟;)



خود كلامي// سريب فاطمـه مـن قبـل نـاره كامـياولا الــيـــوم انـــــا جـــافـــي الـــنـــوم انــعــامــي
او هــــــي نــاســيــه مــوالــنــا يــــــا اخـــســـارهوالــــيــــوم فــاطــمــتـــك عـــلـــيـــك اتــــرامـــــي
وتــقـــولـــك عـــــــــز الــــغـــــلا او مــــشـــــوارهواتــقــولـــك انـتــاحــبــي او كــــــــل احــــلامــــي
والــجــمـــع عـــــــارف عــزفــهـــن واو تــــــــارهاتـبـيـعـك اتـبـيـعــك اوتــبـــدا الـحــســره كــامـــي
او تـــبـــدا كـــمــــا الـمــســجــون خـــاطــــي داره

يــــــا صــاحــبــي رانــــــي عــلــيـــك انــحــامـــيخــلــيــك مــــــن غـــــــدر الـــزمــــان واقـــــــداره
نــبـــي نـنـصـحــك يــاحــمــد اوخــــــود ادبــــــارهســريــب فـاطـمــه مــــن قــبـــل ضــايـــق نـــــاره






يالنجهاا ماريتش منها عيب راني =وكلام دليلي وبرهاني

لما ريتها سارتنى= وسالت رموش وبالنظرها واستنى
لاعيب لاسية ابها والتنى = بنية جميلة ما خطا يلحقها
الحاصل جميع أوصافها سحرتنى =وموحال عقلي ليلة يزهقها
يا دارسة لدارى = حبك سرى فى الدم تما جاري
ولنتى أمية والبنات اجواري = فيك يخدمن ورضاك هو مسبقها
كامى غلاك وما قدرت انواري =راجي في كلمة من عسل منطقها
سبحان مولاي الكريم الباري = صوّر فاطمةبالجمال وثقها

الـــــــــنجهـــــــــاا
اكيد ما تجي الا من المبدعون اللي مثلك
و سع بالك لان فاطمة هي فاطمة حتى ولو تغير منطقها
حتى لو تباعد بينكم الاقسام صيور تلقاها وعالخطا عاتبها
اعذرها واسالها ازعل ورد ما تسيبها
ترجاك طول العمر لو توعدها

ومن ابداع الي اروع ...

راك يا حمد تسيبه وخاطي فطومة ما ادير حبيبة
وخلي البنات اكلهن عل صيبة الا فاطمة قلبك تكون شعاره
ان كان نارها شاطت معاك لهيبة ومانك تبصر يا حمد بصاره
اسبوعين والثالث تكون خطيبة والفرح تولع ياحمد انواره
واللي حكى عن قصته وتعذيبه بالك غلاها ما عرف اقداره

السلام


منور ياخوى على هدا الشعر

والله انا انموت فى الترات

منور يا خوى على الابيات الحلوة هدى واتحفنا المزيد من الشعر الشعبى لانى ما عندى روح معاه .....


مع تحيات اسد ليبيا القاتل

يا رجباني سريب فا طمه بلحق منه انعاني* ولا تو ساكن غصب في وجد اني ** وشبح للشعري فيه تلقى اماره** ولاتو لفظ الاسم فوق لساني** وين ينطري ترقى معاي مراره** ونط منفزع تحلف ارياف خداني*** ونا فزتي منلي نقص معياره ***


********* وعيش في همومي يا الليل تعلم ** اتزيد تنسود اكتر سواد اتظلم **

قصيده جميله مشكور يا نجها