امكسد او ما عنديش شي انديره
كيف المساء كى الصبح كى الضهيره
****************
دوم كساد -لا كار طه لا عمل لا ميعاد
في الليل دايرها على الرقاد
انط من افراشي انوظ من التفجيره

تحلف الا داير لحد ميعاد
مشوار في البزنس او نبي انديره
انجي لدبش نلقاه حال ابياد
تخرب النيه اتصيرلي تكشيره
ما ايصير منه المشي لليبلاد
ابياد الدبش سبله لقاه خيره

نزل للشارع او نبرم راد

من الصبحالي الاطناش في ها السيره

بالك ايجي واحد امتع اعناد
اتجي على العناد امعاه
فاى بصيره

ولا انديروها على الاعباد
انكان راجل عفن ولا خيره
اهم حاجه ايفوت هالكساد** ويفوت فيسع هالنهار او غيره

************
الوقت اعموم امكسد ام وا عنديش خاطي النوم
لو كانه اقرايه خدا دبلوم

تخصص سبات اصلي معا التشخيره
سباح في بحر الاحلام ايعوم

في قصر مطور معا الاميره
احداي الخدم نو عين عرب اوروم

ولد هندلي عنده اموال كتيره

انهف شي في عقلي انجيبه الزوم


مرات ترسملي انجيب جزيره

او طيارتي جنبي اتحادي دوم
انلود الدول لا ختم لا تأشيره

مشهور وجهي في العرب معلوم

مشهور انا شهرة او جوه كتيره
** الحاصل كسادي فت بيه القوم**او دخلني بصراحه في اضروف عسيره

** هدا حالي امكسد او ما في شي شاغل بالي
لااني ولد كرزه ولا رسمالي ايبزنس او شاقي بي امور كتيره
او ما نيش صاحب سعي ديمه فالي
امئيس ايراجي في امطار غزيره
انا حالتي ديما الا مبالي

نوم الشتاء حدا المال عندي خيره
وانكد علي شخصي بي شخص ايطالي

امكمل حياته طنطنا او خميره

****************
**** النصيحه الموجه من نفسي لنفسي****

ماهو زين كسادك او نومك يا استاد احسين

اخدم علي راسك او دير روتين
الانسان ما يتعلم لين يشبح غيره
انظر ايسارك او من ايكون ايمين

وانظر امامك وابتدي المسيره

راهي الحياه حلوه افهمها زين
الدنيا تبي واحد نضيف ضميره

*************** والي القاء في القصيده القادمه*****

منور يا نجهااااا علي الابيات الرائعة

مزيد من الكلام الزين:good: :good: :good:

صحيت والله


تعال عندي ليك شغل


فيه كافي نت صاحبه اسماه معروف وانتا تعرفه

شنو رايك

:good: ;) اهو خيرلك

بالسلامة

مشكورين على زيارتكم اخوتي

لكن يا ولد العز الكفي الليتبيني نشتغل فيه ما اتقليش الكفي اللي انتا دئما طايحلها فيه


تبي اتفوت وقتك على الابيض

السلام عليكم ورحمة الله و بركاته

منور خوي النجها على القصيدة ,, ربي يعطيك الصحة

و نتسنوا في المزيد من القصائد و الشعر الشعبي

وهي تو انقولك تصبح على خير

شنو اخبار لندن خوي;) ;) ;) ;) ;) ;)

بارك الله فيك ومزيد من الابداع

ينقل للتراثيات