السلام عليكم ورحمة الله وبركاته
هلا بيكم يا بش مهندسين المدني
زي ما كلنا نعرفو ان كل حاجة في الدنيا في النقيض ليها { العكس } وزي ما نعرفو ان كليتنا مليانة دكاترة مش محبوبين من الطلبة هلبة وبالتالي بناء على القاعدة الاولة في دكاترة ما شاء الله عليهم
وانى نخص بالذكر الكتور الفاضل السنوسي الازهري اللي والله ما نقدر نقول عليه الا كل كلمة طيبة وهو من الدكاترة او الناس القلائل في وقتنا هادا ومع ان في هلبة طلبة في القسم ما يميلوش ليه لانهم يقول يحط في اسئلة صعبة لكن من وجهة نظري انه يحط في اسئلة لمهندسين مش لطلبة قاعدين في الثانوي وهادا هو سبب صعوبة اسئلته انها كلها اسئلة افكار مش اسئلة حسابات وشن الفرق بين المهندس وبين اي شخص لو ما عرفش الافكار الهندسية في جميع المواد
حبيت بس نوضح النقطة هادي وعلى فكرة في هلبة دكاترة كويسين منهم احمد الصغير مع انه ما عطنيش ولا مادة لكن هلبة طلبة يشكرو فيه وفي معاملته مع الطلبة
وفي الاخير بكل نسلم عليكم وانشاء الله من حسن الى احسن والله ولي التوفيق:D

أنتا قاعد ما ريتش الدكتور زيدان حتوش ...هاذا عالم تانى يعنى لو نكتب ونكمل الصفحة شوية فيه ...هذا الدكتور يعتبر القاء المحاضرات فن وموهبة الشى الذى يمتلكه بكل جدارة ( فنان ومبدع ) ,, أما على الاسئلة .. فلو ماكنتش مهندس معاه لا يمكن تكون مع غيره ... واسئل جماعة الكونكريت 1 اللى بيتمتعوا بشرحه السنة هاذى ... اما القلهود فغنى عن التعريف عندنا كوده ,وأحمد الصغير فهذة مواصفات الدكتور المتفهم لوضع بلاده ووضع الطلبة المساكين .....الازهرى حكو لى عليه لكن حصلش الشرف ليا ونشوفه:cool: :cool: :eek:وبالنسبة للدكتور صلاح . لازلنا نتفكر الشبكات وحركة المية داخل الانابيب . يعنى الراجل غير من اخلاقه تحس روحك ممتن ليه بشئ ما .... وانشاء الله يفتح ربى عليهم كلهم ,وقولو أميـــــــــن

السلام عليكم ورحمة الله وبركاته
انى يا بش مهندس اشرف بنقول معاك امين وانشاء الله يكونو قدوة لباقي الدكاترة
والسلام ختام والله ولي التوفيق
:D :rolleyes:

منو هادوا مطلوبين للعدالة الطلابية :D .

الوحيد اللى نعرفه فيهم د.صلاح شميلة هذا رئيس القسم على سن و رمح .

لكن ما حصليش الشرف و احتكيت بى واحد منهم .... و ان شاء الله لو احتكينا بيهم فى المستقبل ما ينجم عنه الا شوية خدوش ... مش اعاقة و مستشفى و عمليات تحميل :lol: .


سلام :devilsmil

مع اني خريج بس ماقرانيش الدكتور السنوسي الازهري بكل ، ممكن لسوء حظي وممكن لحسن حظي ، فهو دكتور واعر هلبة وفي هلبة ايطيحوا ضحايا عنده ، بس مافيش حد ينكر انه يعطي في المادة حقها وزيادة ومايطلعش منه الا اللي فاهم المادة كويس ، بس اسئلته صعبة جدا جدا جدا ، وتبي عباقرة:eek: :eek:

بالنسبة ليا انا انقول ان الدكتور محمود القلهود هو الافضل وهو اللي اعطاني اساس قوي في الكونكريت لاني اخذيت عنده كونكريت 1 و2 ، ومع انه في كونكريت 2 بهدلنا وممكن راعانا ب4 فاينال.......

الدكتور احمد الصغير ماعندي مانقول فيه ، متفهم جدا للشباب اللي زينا وهو كان المشرف على مشروع تخرجي اللي ان شاء الله بندير فكرة مبسطة عليه في المنتدى قريبا.

المهندس أشرف.......

انا قراني الدكتور زيدان حتوش في خواص المواد ( بروبارتي ) وقعدتلي المادة:cry: وصفيتها بعده مع الدكتور الخنفاس ، فعندي ذكريات سيئة عليه رغم انه كنت نستاهل نقعد فيها ، بس ماعنديش فكرة على رشحه لاني ماحضرتش الا محاضرة وحدة وناقصة.

..........CR@ZY

اتعيش واتشوف الدكاترة هاذوم كلهم ، والدكتور صلاح شمية ماقرانيش ولا مادة حتى هو ، بس يحكوا انه من الدكاترة الكويسين في الفلوذ ، واحتكاكي بيه كامين قسم كان اكثر.....

عارف ان الدكاترة اغلبهم مش حايمشوا معاك ، فدير بالك على روحك:lol: :lol: :lol:


شباب انسيتوا الدكتور / مصطفى الطويل ، بالفعل هو ملك الستركشر 2 خصوصا.........

افضل دكتور في المدني حسب راي هو الدكتور علي زريق وحسب معا سمعت من الطلبة :good:

افضل دكتور في المدني حسب راي هو الدكتور علي زريق وحسب ماا سمعت من الطلبة واخلاقه عالية ويحترم في الطلبة ويعطيك حقك وممكن حتى يساعدك فيا ريت تحطو اسمه في التصويت وتو تشوفو النتيجة :good: :good: علي زريق :good:

السلام عليكم ورحمة الله وبركاته
انا من مدينة مصراته بس الان اعمل مع احد الدكاتره ومن خريجي كليه الهندسة جامعة الفاتح اود هنا ان انبه الاخوة او اذكرهم الى ان يكون تقيمهم للدكاتره من حيث المهنية العلمية و الطريقة المتبعة من الدكتور في ايصال المعلومات ومن خلال دراستي السابقة استطيع ان اوكد ان
الدكتور محمود القلهود...استاذ في الخرسانة المسلحة والتصميم (اسلوب رائع- وتنظيم محاضرات- ومحتوي دسم من المعلومات)
الدكتور عادل الويفاتي.... استاذ في الخرسانة وخواصها وطرق المعالجة
الدكتور الهادي التومي ....استاذ علوم التربة والاساسات
الدكتور عبد الحميد الغزالي....استاذ المياه والشبكات
مع الاحترام للدكاتره الاخيرين لكن بالنسبة لتجربتي الشخصيه هولاء الدكاتره هم من اكثر من تاثرت باسلوبهم واستفدت منهم بشكا كبير وواضح

الموضوع قديم بعض الشيء ولكنه أعجبني .... شكرا لكم