مانك حبيبي لول

غير اعترف وامسامحك......ماانريد منك شي.

غير اعترف من صالحك....بالك الحق علي.

لك عام مانك صافي .....وين ماتغيب اتطول .

حتى كلامك جافي .....مالك حبيبي لول .

يانالي مش فاهمك......وانت تساير في.

يا في غيري شاغلك ......وخايف اتقوله لي.

غير اعترف

ردت سلامك بارده...مش كيف مامعودني.

نظرت اعيونك شارده......قول خاطري زاهدني.

وكانك القيت بديل.....احكي تعال واجهني.

ماتخاف دمعي يسيل......ولا تقول تو يكرهني.

عارف ابراجي مايحه........ونجوم حظي طايحه.

حتى وهن في ايدي

كانك اتريد الصادقه .......نلقانك متبدل .

نبرة كلامك حارقه......اتقول عالخطا تسبل.

خليك انت البادي.......مانريد مغير سلامتك.

عارف ادروبي قاصره.......ديمه ارباحي خاسره.

من قبل حتى اتجي.......غــــــــــــــــير اعترف.



الشاعر فتحي القابسي
وهو من احد الشعراء الليبين

اشكرك اخي كوبرا
على مشاركتك الجميلة
فقد اعجبتني لهجة الخطاب ...;)
سلام
:good: :good: :good: :good:

منور يا اخى بارك الله فيك والله زايدة معاك يا خوى

مش عادي الشعر لدرجة إني لحنته لمحمد حسن طول

مشكور على مجهودك يا خوي

بسم الله
من أجمل ما قرأت من شعر ، بكل احترام وتقدير ومودة نلتقي في الخيمة ( وغادي الهد على كيف كيفك ) ، ونترك هنا المجال لفطاحلة الشعر الفصيح ، سلام عليك ....

السلام عليكم
مشكور على هذا الاختيار الموفق ...بارك الله فيك