السلام عليكم ورحمة الله وبركاته
هلا يا بش مهندسين قسم الهندسة المدنية اكبر قسم في الكلية ومنورين
حبيت نطرح فكرة حلوة ومفيدة في هالموضوع هادا
و شنو رايكم لو كل واحد يعرف يخدم على اي برنامج هندسي اولا ينزل البرنامج في المنتدى وبعدين يشرحه لينا على الاقل نستفيدو منه وممكن تصير حلقة نقاش حول خفايا البرنامج يستفيد منها كل الطلبة والمهندسين وممكن حتى صاحب البرنامج نفسه تكون غايبة عليه ويستفيد منها
وبهكي يحصل كل طالب على اكبر قدر من البرامج المعلومات عليها ونتطورو نفسنا واكيد البرامج هادي بنستفيدو منها في شغلنا وقرايتنا وحاليا لازم على كل مهندس يتعلم البرامج الهندسية اللي تخس قسمه على الاقل
معليش طولت عليكم لكن لاهمية الموضوع
وإن شاء الله يصير خير ويصير منها الفكرة هادي
وفي النهاية السلام ختام والله ولي التوفيق:rolleyes: :rolleyes: :D :)

فكرة جديرة بالاهتمام خوي علاء الدين.......

بس المشكلة انك عارف ان اغلب قسم المدني ماعنهمش في هالبرامج الا بعض المتخرجين ، وانا كخريج جديد احاول ان اتعلم هذه البرامج وبالفعل عندي فكرة عن الاوتوكاد واحاول ان يكون لي فكرة عن الستاد والساب ، بس اتمنى ان نجد بيننا من يعطينا دروس تعليمية حتى ولو على برنامج امتاع مشروع ستيل 1 و 2 ، اكيد راح ياخذ اجر هلبة طلبة يتشحطوا على خاطره ، ساحاول ان اراجع معلوماتي عن مشروع الستيل ، وممكن اني انزله في المنتدى وانير البرنامج كملف مرفق ينزله اللي يحتاجه لانه خفيف.

بس اعذروني في هالمدة لاني مشغولة هلبة في العمل وبعض المشاريع في العشية ونخنب في الوقت خنبة باش انشط وانشارك معاكم في المنتدى ، والبركة فيك خوي علاء الدين.

سلام....

كلمتين : أنا نقدر ننفعكم فى برنامج الستيل 2 . هذا لعبتى .بس غير حطوه للطلبة . وأى شخص عنده سوال . فقط يبعته على النت . وفى منتدانا فقط الدوة ياوالاد

السلام عليكم ورحمة الله وبركاته
هلا يا بش مهندسين المدني
منورين ومشكورين على الاهتمام
وعدرك معاك يا بش مهندس لازيو مع اننا ما نستغنوش عليك
المهم انى زي ما قولتلكم يا بش مهندس نعتقد ان الواحد كان يتعلم هالبرامج هادي من توا خير وانت مكمل القراية وسيد العارفين وكان على برنامج الاوتوكاد انت ابدا فيه وانى نحاول نلقى حد يخدم عليه او بالاصح عندي حد يخدم عليه ممكن يساعدنا في شرحه اوكى هادا بالنسة للاوتوكاد
اما بالنسبة ليك يا بش مهدس اشرف انى نبي نعرف حاجة بس برنامج الستيل هو نفسه الرجد ولا برنامج تاني وعلى العموم مدام انت عندك فيه حط البرنامج في المنتدى واكيد توا يصير فيه خير
والنهاية السلام حتام والله ولي التوفيق ومنورين ومشكورين على الاهتمام والرد
:D :rolleyes:

مساء الخير عليكم جميعااااااااااااااااااااااا
وبالاخص المهندس علااااااااااااء الدين عشان اسمة علي اسمي وكلنا مدنين في بعض
هي فكرة جميلة بجد وانا عندي حاجات كتير عايز انزلها بس للاسف انا مش ببقي فاضي عشان انا في البكالريوس السنادي
بس إن شاء الله قريب قوي هنزل كل حاجة
:o :o :o :o :o

السلام عليكم


أييه يا علاء نفسه برنامج الريجيد .....هو برنامج مش مخصص للستيل ...بس هو مخصص لحل مسائل الإستركتشر ...في الهندسة المدنية .


وهذا البرنامج هو مشروع تخرج طلبة بجامعة أكسفور ببريطانيا ، وقد إستخدمته في حل جميع مسائل التحليل الإنشائي التي واجهتها أثناء الدراسة ..وهو برنامج ممتاز .


يمكنك من مطابقة نتائجك ...التي حللتها يدوياً ....مع نتائج الحاسوب .


وعنده عيب بسيط : في مسائل التحليل الإنشائي التي تحتوي الهبوط ...لا يمكنك إستخدام هذا البرنامج . :confused:


وبالنسبة ليك يا eng_alaa فعادي الجو ..أنت تخرج ونحن بإنتظارك ;)

السلام عليكم
و الله الفكرة موش بطالة
و انا ان شاء الله تو اندور في دماغي كاني القيت برنامج نقدر نشرحه توا نبدوا بيه ان شاء الله

السلام عليكم ورحمة الله وبركاته
أشكر المهندس الكريم على هذه الفكرة وأتمنى من المهندسن الذين تخرجوا أيساعدونا على فهم كيفية استخدام هذه البرامج حتى يعم بالفائدة على الجميع :)
وشكرا

السلام عليكم جميعا مشكرين جداااااا انا سعيد انى قراءت هدا

مشكور
وفكرة كثير ممتازه

مشكورين جدا جدا

دعونا نبدأ اليكم رابط لتحميل برنامج auto civil وهو متخصص في مجال هندسة الطرق والرابط الثاني موقع البرنامج وفيه تستطيعون تحميل بعض الدروس عن الرنامج
http://www.reiusa.com/Demo/autoCivilDemo.exe
http://www.reiusa.com/Product/Ac/DemoMgnt.asp