السلام عليكم ورحمة الله وبركاته
مشكورين علي المنتدي الليبي الذي يشرفني وين ما نمشي إنه منتدي ليبي وشكراً علي إبداعكم والله راسي مرفوع موفق إللي عندنا منتدي من أقوي المنتديات تحياتي لكل المشرفين علي هذا المنتدي المميز وإلي كل من يساهم فيه.
واليوم جاي وعندي طلب وهو حل لمشكلة الإضافة و الصوت في الياهو يعني انا أستعمل adsl وطبعاً بعد ايام في المتابعه هنا لقيت إن الجماهيرية تشتغل بي ip واحد يعني انا إتوقعت المشكله منه لاني أول ما أعلق dailup يضيف عادي من غير مشاكل وبعدين رحت إشتركت في dsl و السينت علي adsl عشان يتغير ip ولكن المفاجئه كانت عندما لقيت المشكلة مستمره فأرجو من الإخوان المساعده في هذه المشكلة .
تحياتي لكم مني كل الإحترام و التقدير

المشكلة هذي عامة عند كل مستخدمي ال ADSL .. :confused:

السلام عليكم ورحمة الله وبركاته
أما بعد التحية:
مشكورين علي المجهود الرائع ولكم مني جزيل الشكر علي كل ما تقديمونه في هذا المنتدي إللي رفع راس كل ليبي تحياتي لكم .
المشكلة إللي عندي هيا عندما إشتركت في Adsl وسرعة الإتصال سريعة وكل شي تمام بس عندي مشكلة في الإضافة عندما أضيف الياهو مايضيف بس في ساعات الليل المتأخره يضيف وهذه الصورة التوضيحيه تفضلو.
http://members.lycos.co.uk/shokre/add1.GIF
بس لمه أغير وأعلق الديل أب يضيف عادي جداً

المشكلة التانية هي عندما أريد المحدثه في الياهو أو البالتوك ما يشتغل يعني مره مره يشتغل وهذه صورة توضيحيه
http://members.lycos.co.uk/shokre/add2.GIF
بس لمه أشغل الديل أب يشتغل عادي

بعدها غيرت علي dsl قلت ممكن من الأي بي عشان نحنا نشتغل بي اي بي أدرس واحد
لكن طبعاً المفاجئه أنها نفس المشكلة مع العلم ان السنت عن طريق adsl dailup و نفس المشكلة في الإتنين
فأرجو الإفاده
تحياتي لكم مني كل الإحترام و التقدير

أخي العزيز انا غيرت إلي dsl ونفس المشكلة قائمه بس المره هاذي لاعادي علي الدايل أب يعين السنت علي الدايل أب ولا عندما ياكون السنت علي adsl
تحياتي أخي العزيز

مرحباً بك فى عالم ليبيا للإتصالات و التقنية !!

هذه اسمه حشية من حشيات LTT

والله ماعندي مانقولك إلى ربي إيصبرك وخلاص

حتى انا عندى نفس المشكلة بالظبط وبالظاهر انها ما ليهاش حل لدلك معش نخش عالياهو هلبه لانه الصوت حالة والاضافه ما فيش ؟؟؟
وحل ما فيش

الرجاء من الاخوة دوي الخبرة ايجاد الحل فى اقرب وقت

الحل في انك تغير نوع الاتصال .. من No Proxies الى No Network Detection
بالطريقة هذي تقدر اضيف وتمسح من القائمة .. ولما بتخدم الصوت .. والصورة .. ردها نو بروكسي

واشكروا السباي على الحل

السلام عليكم
الاضافة ساهلة انت بعد ما تضيف الاسم مش حتلقاه في قائمة contacts لكن امشوا ل assress book وتو تلقو اللاسم اللي ضفتوه ومن غادي تعملوله اضافة للقائمة
السلام عليكم