السلام عليكم و رحمة الله و بركاته

زي ما تعرفو اكبر واعرق شركة في ليبيا ... لتوفير خدمات الانترنت ... والوحيدة والمنفردة في البلاد

بهذه الخدمة

كان في يوم من الايام اي واحد فينا يتمني انه يحصل خط سريع ... المهم مش ديل اب زي الحلم

كان هالموضوع

وفعلا صار والحمدلله صار هالشئ .. (( بعد طول انتظار طبعا )) يعني

لوين طارت النية في النت اساسا :confused:

تقريبا من سنين ...

بس الحمدلله وصار هالشئ في نهاية ال 2005 :rolleyes:

وطلعت خدمة ADSL و كان شئ مش عادي في البداية وراضين بكل شئ فيه ومن شروطه ابتداً

بالاسعار الي الواحد لو يزيد شوية يشري مكوك :eek:

ونهاية بموضوع الترفك المحدود لكل مشترك لمدة شهر .. و زي ما معروف .. 5 GB

كان كل شئ طبيعي .. ومعروف اشتراك كل شهر 50 دينار ... وكان الواحد فينا علي امل انه ينزل مع

مرور الوقت

و اول المفاجات ... كانت في موضوع الاضافي

في ADSL لما ينتهي الترفك المحدود

.. وياخذ تلقائيا من الحساب لو في 10 دينار ويزيد 50MB

طبعا انضربو فيها هلبا مشتركين ... :|

المهم قلنا عادي .. درس لينا مش نبدو مستقظين علي طول وانشوفو الاكاونت مرة مرة شنو

فيها .. اكيد برضو خطة من الشركة لحتي تخلينا علي طول متفكرين الباسورد :lol:

قلنا ما علينا

طلعو بفكرة جديدة .. فكرة الكروت ... في الاول مش مهضومة الفكرة .. بس لما تشوف فكرة انه تقدر

تعبي في اي وقت من غير ما تمشي للوكيل ... كانت واو روعة ... بس مكانش المشترك يعرف

العيب الي راح يجي من وراها

اكيد لانه هالشركة معبية مفاجات :rolleyes:

اول شئ طلعت ما فيش الا كروت 30 دينار .. يعني لو تبي تجدد اشتراكك .. لازم ما تاخذ زوز كروت 30 دينار

يعني 30+30 = 60 دينار ... من اصل اشتراك 50 دينار ...

قلنا عادي .. ندفعو ال 60 وكل شهر يقعد 10 دينار مع الشهر الثاني ندفعو 60 يقعدو 10 دينار ثانية

يعني لمدة شهرين 10+10 = 20 دينار ... ( طبعا بعد احتياط وحذر مش عادي ...

ودعكة انت وخوك انه الاكاونت قريب يوصل في الاضافي وياخذ 10 ) نسكرو الاشتراك

لوين يجي وقت التجديد :bad:

ويجي الشهر الثالث .. الي اخير راح يرتاح الواحد وينقص المصروف شوية ... وناخذو كرت واحد بس 30 دينار

لانه في الرصيد 10 دينار قاعدة من كرتين * لمدة شهرين = 20 دينار

يعني توا انزيدو ال 30 حيكون الناتج 50 دينار

بس المفاجاة الكبري راح اتكون 20+30 = 49.99 دينار

تي اتقول عادي راح يفتح

وفجاة مش راح يفتح الاشتراك .. لوين ما تاخذ كرت ثاني

تي كيف الكلام هذا بالله عليكم ... معقولة شركة طول وعرض .. ومنظومة الكترونية لتعبئة الرصيد

وتغلط في كسور ومش راح ينفتح الاشتراك .. والمشكلة الكروت منهم وكل شئ منهم تي لمتي هالاستغلال

قبل الواحد طامع انه الترفك يزيد اكثر ... ومش هكي بس الطمع امتعنا كان .. انه يكون غير محدود اساسا

وانه الاشتراك يرخص اكثر من هكي

الواحد ينصدم انه الاشتراك متلخبط ... وصاير لخبطة في كسور .. وعدم توفر كروت 50 دينار لشتراك

ADSL

مش عارف امتي تطور هالشركة ويصير منها وادير راي لينا

واخر شئ .... الي عنده كان 30 دينار بعد 3 شهور اشتراك ... من اصل كرتين كل اشتراك

راح يلقي في رصيده 29.993 دينار .... علاش وين اطير هالكسور نفسي افهم ...

مقدرتش نرقد لوين نكتب الي في خاطري ...

وتصبحو علي خير ... لنا لقاء :cool:

صدق او لا تصدق

بعد الصدمات :eek:

السودان عندها اشتراك نت واصل لل 1MB


والترفك غير محدود :confused:


http://www.sudatel.net/Views/SiteviewArt.php?ID=91

سوداتل نعم للحياة :| :good:

السلام عليكم
مشكورر خوى على هادا موضوع الله غالب عندى صديقى مشترك فى خط مباشر طلع خط بتاعة مشترك معة واحد تانى
والسلام عليكم

أسعار ADSL بمصر

:|

http://masrawy.com/DSL/prices.aspx

مقارنة بسعرنا .. مازال ارخص بهلبا

وطبعا ما ننسوش فكرة الترفك الغير محدود ;)

لا حول و لا قوة إلا بالله , يا راجل امتصاص و أدمصاص مش عادي و رهيب لدماء الشباب
تي اني ما فيش شهر ما ندفعش دم قلبي من إضافي و عفايش مش للضي
و تفضل قصة الكسور الشيطانية هذه !
أرجو إرسال هذا الموضوع لكل موضفي و مديري الشركة باش يديرولنا حل , الصراحة بنعلن إفلاس في القريب العاجل.
و ر سمي الـــADSL كثر من الخلافات و المشاكل و الدم للركاب بين الاخوة بسبب من (أمتص) الحساب و دار دونلود ! إذاً أصبحت مشكلة إقتصادية و إجتماعية و نفسية في آن واحد :devil:

هذى الحياة


لكن صدقنى الاشتراك الشهرى حينزلوا فيه مع مرور الوقت
ليبيانا ابسط مثال


لكن السوادين طلعوا فيها قويين 1 ميجا :eek:

خلي ان شاء الله تخش بعضها :devilsmil

المهم أنا عندى فرى تو وا فى الحوش :cool:

يجعلك نوارة فوق حمارة شاد جيتارة

الموضوع هو نفس الموضوع الاحتكار و ما ادرك ما الاحتكار ...

وعلى دكر هالسيرة (( رايت السيرة النبوية الى نتكلمو عليها )) مش مهم
اول امس اتصل بيا مدير شركة المانيا متخصصة فى الهندسة المعمارية ومليهاش هلبة فى ليبيا يتعملو معيا فى صيانة الاجهزة او اى مشاكل هارد وير .. مش موضوعنا قالى النت معاش يبى يفتح انطلقت بسرعة البرق وعلى اساس انا امكبر بيهم وامديرلهم ( ADSL ) الخط سليم التليفون سليم الاشترك 3 شهور ياسلام
وين المشكلة ..
نضرب على الاكاونت نلقاه بالناقص كيف صار كملو الخمسة قيقا والباقى حسبينهم 50 ميجا بعشرة جنى وانت ماشى .. الله غالب كيف بتوصله المعلومة .. قالى شن الحل الشهر مازل مكملش ولازم نبى نت
اوكى قداش تبى قالى اقل شى نبى5 قيقا ثانية ...
اووووووووا خلاص اشريتله اكونت جديد بى 200 والله المستعان
لو بناخد بى بالـ50 ميجا نصرف حتى 400 وما ايسدوش .ز

تحيا ال تى تى طلما مفيش منافس ليها ..

هلا معدن
لينا زمان على مواضيعك يالي تمس منطقة النكد بالقلب :(

قتلي دي اس ال ..
يالي قلت عليه انت كله أنا راضي بيه
بس يالي مش راضي بيه ومش خاش راسي بكل
حكاية الاي بي الواحد هذا
يا همي معاش حصلت طريق في الرابد شير ولا الميقا اب لود :(
طول النهار وانا دايح من بروكسي لبروكسي
والنكتة حتى البروكسي معاش يمشي
بدي زحمة من الليبيين
:lol: :lol: :lol:

نتلاقو يا مان في تنكيدة ثانية
:good:

بكل حاله يا راجل


الد اس ال امتعكم

هذا كله لا شيء قدام المعناة الي يعانوا منه الوكلاء .. لانه الخرقات هذي كلها صايرة في وجوهم
واهمها .. لقطة انه في العقد حاطين رقم تليفون القسم الفني
طبعا بالمنطق والعقل .. انه القسم الفني تخصصه اي عطل فني .. وبالعقل والمنطق
انه لما تتصل بالرقم هذا بيديرولك حل .. لا ترد عليك بنت في البدالة ماليهاش اي علاقة
تقولك راجع الوكيل الي انت مشترك منه .. :eek: هذي توة شن تقوللها

قصدي من الاخير .. الشركة بارك الله فيها وكتر خيرها .. فاتحتلنا النت وتنصب علينا عيني عينك
ربي يخليها لينا يارب ... http://us.i1.yimg.com/us.yimg.com/i/mesg/emoticons7/4.gif

لا حول و لا قوة إلا بالله , يا راجل امتصاص و أدمصاص مش عادي و رهيب لدماء الشباب

خصوصا اغلب الناس المهتمة بالنت ... والمشتركة شباب وطلبة ... ويبو يسكرولهم ظهرهم قبل ما يصير منهم

استغلال ما بعده استغلال ... واسعار نار ... عمرهم ما يديرو حسبة كاملة .. اهم شئ مصلحتهم ...

تي اني ما فيش شهر ما ندفعش دم قلبي من إضافي و عفايش مش للضي
و تفضل قصة الكسور الشيطانية هذه !

علي راي اوزي .... لينا الله :cry:

القلب داعيلك يا ويسموس ... ولكل الشباب الليبي .. الي متهنوش بكل بالنت .. كل مرة يطلعونا بشئ يسكر

الظهر كان ديل اب .. وعدد ساعات محدود .. بدت خدمة علي اساس 24 ساعة ... لو تجي للحق حتي

ساعة مرات متجيش لو بتتصفح تصفح مزبوط وبدير تحميل :|


أرجو إرسال هذا الموضوع لكل موضفي و مديري الشركة باش يديرولنا حل , الصراحة بنعلن إفلاس في القريب العاجل.

مش مهتمين لا بيك ولا بيا ... اهم شئ عندهم الشركات .. :|

و ر سمي الـــADSL كثر من الخلافات و المشاكل و الدم للركاب بين الاخوة بسبب من (أمتص) الحساب و دار دونلود ! إذاً أصبحت مشكلة إقتصادية و إجتماعية و نفسية في آن واحد

:| اخ ... لليوم صاير دعكة علي 30 ميقا الي مازالو ... ومعنديش استعداد يبدا الاكاونت يلعب في ال 30 الي

قاعدات

هذى الحياة


لكن صدقنى الاشتراك الشهرى حينزلوا فيه مع مرور الوقت
ليبيانا ابسط مثال


لكن السوادين طلعوا فيها قويين 1 ميجا :eek:


هاذي هيا الحياة ... رسوم امتع كرات الدم فوتها توا بالله عليك :lol:

بس انت الي صدقني يا سيف ... النت يفرق علي ليبيانا .. راح يطلعولك في الرز عظام علي

اساس عدد المشتركين مش زي ليبيانا يغطو راس المال والمصاريف ... لانه النت لطبقة محدودة

وميدوروش فيها هلبا .. مش زي ليبيانا ... لكل الشعب وحتي الصغار خاشين عليها

تي السوادنين اقوي في حاجات ثانية .. غير مخفية :lol:

خلي ان شاء الله تخش بعضها :devilsmil

المهم أنا عندى فرى تو وا فى الحوش :cool:

مصدقك .. لوقت قريب شايفك في كافي يعرفوه الشباب :lol:

اووووووووا خلاص اشريتله اكونت جديد بى 200 والله المستعان
لو بناخد بى بالـ50 ميجا نصرف حتى 400 وما ايسدوش

تحيا ال تى تى طلما مفيش منافس ليها ..

اكيد .. يخلوك ادير اشتراك جديد علي خط تلفون جديد ... تي علاش التشحيط ... ؟؟؟

وعلاش اتخلو في الواحد يبدا خبيث ومش صادق مع نفسه ...

لانه شركة مفيهاش مصدقية اساسا .. واهم شئ عندها النصب :cool:

لو تبي تجدد 5 قيقا ثانيات بطريقة 50 ميقا علي 10 دينار ...(( الي اساسا هيا ال 5 قيقا علي 50

دينار)) ..

راح يطلعو 1000 دينار :eek: نصب عيني عينكم الشلاتيت :eek:

تحيا ال تى تى طلما مفيش منافس ليها .

فعلا تحية ليها ... وتحية علي اعلي مراتب النصب الي قدرت توصل ليه .. بدون كلمة بغ منا :devilsmil

هلا معدن
لينا زمان على مواضيعك يالي تمس منطقة النكد بالقلب

قتلي دي اس ال ..
يالي قلت عليه انت كله أنا راضي بيه
بس يالي مش راضي بيه ومش خاش راسي بكل
حكاية الاي بي الواحد هذا
يا همي معاش حصلت طريق في الرابد شير ولا الميقا اب لود
طول النهار وانا دايح من بروكسي لبروكسي
والنكتة حتى البروكسي معاش يمشي
بدي زحمة من الليبيين

نتلاقو يا مان في تنكيدة ثانية


لينا زمان على مواضيعك يالي تمس منطقة النكد بالقلب :(

الله غالب .. قريب اطربقت امس في الليل .. بغضض :|

يالي قلت عليه انت كله أنا راضي بيه
بس يالي مش راضي بيه ومش خاش راسي بكل
حكاية الاي بي الواحد هذا

لاحول ولا قوة الا بالله .. شوف هالكارثة نسيتها .. تخيل بديت انا راضي بيها مشكلة الايبي الواحد

وما نبيش انزل شئ من الرابيد شير

مشكورة جدا يا ال تي تي لتشتيت افكارنا :lol:


طول النهار وانا دايح من بروكسي لبروكسي
والنكتة حتى البروكسي معاش يمشي
بدي زحمة من الليبيين
:lol: :lol: :lol:

تي خلونا انديرو كل شئ يا راجل :lol:

نتلاقو يا مان في تنكيدة ثانية

والله اكثر من هالنكد ما اظن في نكد اكثر منه :|

هذا كله لا شيء قدام المعناة الي يعانوا منه الوكلاء .. لانه الخرقات هذي كلها صايرة في وجوهم
واهمها .. لقطة انه في العقد حاطين رقم تليفون القسم الفني
طبعا بالمنطق والعقل .. انه القسم الفني تخصصه اي عطل فني .. وبالعقل والمنطق
انه لما تتصل بالرقم هذا بيديرولك حل .. لا ترد عليك بنت في البدالة ماليهاش اي علاقة
تقولك راجع الوكيل الي انت مشترك منه .. :eek: هذي توة شن تقوللها

قصدي من الاخير .. الشركة بارك الله فيها وكتر خيرها .. فاتحتلنا النت وتنصب علينا عيني عينك
ربي يخليها لينا يارب ... http://us.i1.yimg.com/us.yimg.com/i/mesg/emoticons7/4.gif

منور يا اوزي ... (( احد ضحايا شركة LTT )) :lol:

عارف يا اوزي ... بس الحمدلله ربك كمل عليك وافتكيت من نفخهم .. انت توا منفوخ منهم كيوزر

مش وكيل ;)

ايييييييييييييييييه يا معدنوسة قصدي يا ام تري دي...

قلبت عليا المواجع و ما لقيت ما تدير ..

تهيا حشية فلوس .. و هيا حشية اي بي .. و هيا مشاكل في الياهو ماسنجر ..

و على راي المثل القائل:

كان ما جيناش ليبيين راهو فاتنا الجو كله..

هذا كله لا شيء قدام المعناة الي يعانوا منه الوكلاء .. لانه الخرقات هذي كلها صايرة في وجوهم
واهمها .. لقطة انه في العقد حاطين رقم تليفون القسم الفني
طبعا بالمنطق والعقل .. انه القسم الفني تخصصه اي عطل فني .. وبالعقل والمنطق
انه لما تتصل بالرقم هذا بيديرولك حل .. لا ترد عليك بنت في البدالة ماليهاش اي علاقة
تقولك راجع الوكيل الي انت مشترك منه .. :eek: هذي توة شن تقوللها

قصدي من الاخير .. الشركة بارك الله فيها وكتر خيرها .. فاتحتلنا النت وتنصب علينا عيني عينك
ربي يخليها لينا يارب ... http://us.i1.yimg.com/us.yimg.com/i/mesg/emoticons7/4.gif




:lol: :eek: :mad: :devilsmil

شنو رأيكم نسجلوا ونتفقوا على يوم نتصلوا به بالشركة .. خلي عدد المكالمات الهاتفية والشكاوي يلي ترد للشركة كبيرة أعتقد في هذه الحالة ممكن الشركة تأخد موقف .. لكن المشكلة فينا اللليبين .. نقعمز ونستنى بالك تفرج .. وبنظر الشركة السكوت علامة الرضى لازم نعتصموا لازم نتظاهر .. لازم نرفع صوتنا .. لازم نحرر أنفسنا من هذا الصمت يلي كاتم على انفسنا ..
لازم كلما ندير زي المعدنوسة .. شنو رأيكم والا كل واحد يقعمز في الحوش ويستنى ونخلوها تستمر في سياستها الخبيثة ..

منور يا اوزي ... (( احد ضحايا شركة LTT )) :lol:

عارف يا اوزي ... بس الحمدلله ربك كمل عليك وافتكيت من نفخهم .. انت توا منفوخ منهم كيوزر

مش وكيل ;)



انت فتحت الموضوع فتحت .. خلي الناس تهدرز وتقول ماعندها :devil:

خلي عدد المكالمات الهاتفية والشكاوي يلي ترد للشركة كبيرة أعتقد في هذه الحالة ممكن الشركة تأخد موقف

الموقف الي بياخدوه انهم يصكروا التليفون كم يوم لغاية ماتبرد الحكاية .. :lol:

الموقف الي بياخدوه انهم يصكروا التليفون كم يوم لغاية ماتبرد الحكاية ..

ايح .. الموقف اللي بياخدوه يستمر الوضع على ما هو عليه ((حتى فلةس فواتير التليفونات بنتهم-بتشديد النون- حلوة))..

تهيا حشية فلوس .. و هيا حشية اي بي .. و هيا مشاكل في الياهو ماسنجر ..


تعرف ... لما قريت ردك اتقول اول مرة انحس بالدوة

بجديات :| يا راجل منحشين وفرحانين اوي :lol:

ربنا علي الظالم ...


وعلي رايك يا تريبولي سي او

شنو رأيكم نسجلوا ونتفقوا على يوم نتصلوا به بالشركة .. خلي عدد المكالمات الهاتفية والشكاوي يلي ترد للشركة كبيرة أعتقد في هذه الحالة ممكن الشركة تأخد موقف .. لكن المشكلة فينا اللليبين .. نقعمز ونستنى بالك تفرج .. وبنظر الشركة السكوت علامة الرضى لازم نعتصموا لازم نتظاهر .. لازم نرفع صوتنا .. لازم نحرر أنفسنا من هذا الصمت يلي كاتم على انفسنا ..
لازم كلما ندير زي المعدنوسة .. شنو رأيكم والا كل واحد يقعمز في الحوش ويستنى ونخلوها تستمر في سياستها الخبيثة ..


بالله شوف السعودين شنو امديرين ...

تي عندهم حرية راي مش عادية :|

http://www.sayno2stc.com/vb/index.php

لي عودة ;)

يمكن لا ... المقيات قربت عالانتهاء :cry:

شنو يا معدنوسة امال داير بحت شامل على ADSL في العالم وجاي تقارن فيه بليبيا

ميزال اصبر ضروري منها الحاجات هذي امال كيف تبيهم يربحو

طبعا الموضوع مازال اكبر من هكي ... لو بتفكر في موضوع شركة البريد طبعا ... وخدماتها ... اكيد لما ينقطع

خط الهاتف .. بيكون مفيش حرارة :| يعني كيف بتخش دي اس ال يا همي انا وخلاص

قريب نطلع من حوايجي

تي من الاخير نصب واحتيال من كل الاطراف شركة الاتصالات والبريد .. تي خشوشها بعضها :|

شنو يا معدنوسة امال داير بحت شامل على ADSL في العالم وجاي تقارن فيه بليبيا

ميزال اصبر ضروري منها الحاجات هذي امال كيف تبيهم يربحو.


تي تعبنا من الحشي يا راجل .. قريب بنسيبها هالخدمة ...

الزفت عندي حد من العائلة في كندا ... كونكشن Mb10

بسعر القرعة في الشهر ... وكان ميبيش يشترك .. في الجيران فاتحين وايرلس ... قريب 256 كيلو بايت

تي هم يفرطس البل

كلها شركة وحدة يا راس و أحسن حاجة فيهم متفاهمين و يحشوا فينا بالدور....

ويالله حني كل عام نقولو السني..

كلها شركة وحدة يا راس و أحسن حاجة فيهم متفاهمين و يحشوا فينا بالدور

من ناحية متفاهمين ... اكيد متفاهمين ... لانه زي ما قلت شركة وحدة .. ومتبعين سياسة وحدة

ما دام في فرصة للحشي احشيهم ... ولما يتكلم حد زي احشيه :|

الزفت عندي حد من العائلة في كندا ... كونكشن Mb10
هي . . هي . . وين مبعد بعيد
قارنا بمصر وشوف الفرق
وين حادفنا في أخر القارة

out.

كلها شركة وحدة يا راس و أحسن حاجة فيهم متفاهمين و يحشوا فينا بالدور....

http://us.i1.yimg.com/us.yimg.com/i/mesg/emoticons7/21.gif

نشوفوكم يا ولاد بعد يومين

الحكاية وصلت لنهاية حاليا ...

http://img362.imageshack.us/img362/6364/newacdsee70bmpimage4fm.jpg


رد بالك علي الشباب يا اوزي ...

وخلو بالكم علي روحكم يا شباب ... كله كله يومين ومولي ان شاء الله

علي الاقل الشهر هذا التجديد راح يكون اخف من قبل :eek:

يا همي معاش حصلت طريق في الرابد شير ولا الميقا اب لود
طول النهار وانا دايح من بروكسي لبروكسي
والنكتة حتى البروكسي معاش يمشي
بدي زحمة من الليبيين

أموري تيك مع الرابجت RapGet , شوفه في منتدي البرامج

يقال في ألمانيا ,عندهم إتصال 24 ميقا !

شباب اي دي اس ال عابيين عليه انتو

تى اللوح .. في بريطانيا و تحت الوطا مع خطوط المجاري و الصرف الصحي و الضي و التيلفون مخلين سبيس او مسافة

تى فايته الخمسة غيغا اللى عندنا عندنا ... تشوفو في رسوم سلاحف النينجا .. هذيك هي .. انفاق تحت الوطا

باش الكابل اللى ينضرب و الا الخط اللى يبو يغيروه او شىء ... ما يقعدوش يكسرو زي خوتك الليبين ...

الميزة هذى امشيتلهم كل واحد خط مباشر لحد حوشه .. اشترك معاهم تاخد خط لحد حوشك .. و ارخص من الديل اب اللى عندنا ..

مفيش باند محدد مفيش مصاريف مفيش قطع مفيش نفخ .. فيه سرعة .. فيه متعة .. فيه خوتك اللى يسمعو الكلام هذا ينقهرو بالعرق

بس شنو بنديررووو .. نقعدو نستنو زي ما استنينا كروت العشرة

"لين ظهرك يتكسر او تهلك دونها"

موضوع حليو يا خوى.. نوضت المواجع بالقوة ..

على فكرة خوكم مكسد بالديل اب ..

=====

و نسيت حاجة انت .. كان ما تدفعش شهر ... تجي الشهر اللى بعده و بتعبي يقولك .. ادفع اللى قبله

يلالالالالالالالالالا سلالالالالالالالامات

بس شنو بنديررووو .. نقعدو نستنو زي ما استنينا كروت العشرة

:lol: :lol: :lol: :lol: :lol: :lol: :lol: :lol: :lol: :lol:

إحدى مراحل البحث عن بروكسي

:lol: :lol: :lol:

http://www.members.lycos.co.uk/libyasit/up/rotana/rb_s.JPG

طلعت فرخ في مدرسة
:lol: :lol: :lol:

والله لجو

وااااااااااك ياهمى وااااااك...

المشكلة خدمات الشركة من ناحية الاسعار مفيش مقارنة بكل ....يعنى من هلبا نواحى ..

1. الترافك 5 ميجا قلنا عادى تعودنه على معش إنديرو هلبا دونلود.
2. السعر المبالغ فى يعنى 50 دينار فى الشهر .. مقارنه مع المعاشات فى ليبيا.
3. السعر الخيالى لكل 50 ميجا اضافى :eek: و لى صارتلى على خاطرها مشكلة و ملقيتلهاش حل منضومة ملخبطة ..

http://img254.imageshack.us/img254/1562/dnmsumt0vq.jpg

هذى صورة ملقيتلهاش تفسير يعنى فاضل 30 ميجا و حسبولى 50 اضافى كيف الله اعلم :rolleyes:

4. المفروض فى كروت 50 مش كل مرة نمشى ناخد 2 متع 30 و يريت حتى الكروت صح الرقم إلى عليهم مكتوب 199 و هوا فى الاساس 116... نفس العيب متع كروت ليبيانا يعنى اكيد من نفس المصدر ...

5. عيب ان الناس كلها نفس ال IP adresse .
6. الياهو مسنجر إلى هبلنى لا تقدر تضيف واحد ولا تغير الصورة... ديما نمشى للدايل اب نضيف و نرجع للدى اس ال...

و مشاكل ثانية لا حسرا لها ... منها ان المودم فسد هكى و خلاص .... لكن الحمد الله حصلت على واحد من صديق .. :good:

مفيش منافسة مفيش تتطور مفيش رخص فى الاسعار

يعنى يلعبو و ينصبوا علينا زى ميبو .. الله غالب,, لكن محتاجين النت ...

سلامات :devil:

و نسيت حاجة انت .. كان ما تدفعش شهر ... تجي الشهر اللى بعده و بتعبي يقولك .. ادفع اللى قبله

هلبة هكي !

منور يا دارك فودو لأثرائك الموضوع بالمزيد من المواجع و النغائص

ههههه ربي يكون في عونكم يا شبــاب.

خط الهاتف .. بيكون مفيش حرارة يعني كيف بتخش دي اس ال يا همي انا وخلاص

ياهمي هذا الى صارلي قبل 7 ايام مازال عندي 3 جيجا وانظرب خط التليفون .. وتم اشتراكي وراخو 3 جيجا وأني نشبح وخلاص ...

وزيد يازايد .. فى مكانات مافيهاش خطوط تليفونات ولو فيها الخدمة مالزال ماوصلتش زي .. منطقة عين زارة .. تي بالله ربي يهدي وخلاص .. ولازلنا نقاوم رغم غلاء الأسعار .


148.174

حرام عليهم يتاجروا في العلم والتقنية تي والله رابحين أكثر من النفط .. من الناس الغلابة يلي زينا ..

شعار هم

خدمات دون المستوى وأسعار فوق الحد !
إن أعجبك إشترك وإن لم يعجبك غصبا عنك إشترك


إن أعجبك إشترك وإن لم يعجبك غصبا عنك إشترك

توضيح لهذا السطر .. خدمات الديل اب ... صارت شبه معدومة وبطيئة .. ومن هذا الباب

غصبا عنك راح تشترك في ADSL

ذو الخدمات الناقصة .. ابتدا من سعة الترفك ... الي الايبي الواحد ... ستاتيك اي بي :|

والله خلو الواحد رابه الخنس وخلاص

ياسيدي حني هذا الي موجود وهذا الي حني لازم نستحملوه لن ربك يهدي ها الشركات وتخش للبلاد وتصير الحكاية تنافس على ىمستوى خدمة الانترنت تياجماعة توا اني وصيت على لعبة كورة من الامارات pes5 وصلتني باش نلعب بيها اون لاين وعلى خاطرها اشتركت في adsl والدسكة حتى هيا منحكيلكمش خديتها بكم المه يا سيدي بعد مااشتركت وجربتها طلع adsl متاعنا ولا حاجة اللعبة بطيئة بعض الشي اون لاين والسهم يعطي فيها احمر في اللعب طبعا هاذي حاجة خاصة بالعبة وغيري على الاون لاين ومن خارج ليبيا مع انهم عندهم dsl 128 لاكن السهم عندهم اصفر ويلعبوا وجوهم مليح وطبعا اني البطئ الي يصيرلي في اللعبة يعني لما تلعب تصير عكة في اللعب متاخدش راحتك المهم adsl متاعنا من ناحية games مش ولابد وربك يستر في الي جاي

وغيري على الاون لاين ومن خارج ليبيا مع انهم عندهم dsl 128 لاكن السهم عندهم اصفر ويلعبوا وجوهم مليح وطبعا اني البطئ الي يصيرلي في اللعبة يعني لما تلعب تصير عكة في اللعب متاخدش راحتك

يعني بسب الــ LTT انت خسرت اللعب ووليت الحلقة الاضعف في اللعبة..!!
واني صارلي موقف زي هدا لمــا حاولت نلعب الكاونتر سترايك اون لاين من الاخيــر مسحوا بيــا وطلعت مقهور كسير الجنــاح محطم الفؤاد ومن يومهــا حرمت لعب الكاونتر اون لاين وشديتهــا تكسير لوز علي الضعفـــاء امثال اوزي.

يعني بغض النظر عن الخسائر المادية المباشرة هده الشركــة تسببلنا يوميــا في خسائر معنوية ونفسيــة وممكن حتى مشــاكل عاطفية .. منهم لله.

ومن يومهــا حرمت لعب الكاونتر اون لاين وشديتهــا تكسير لوز علي الضعفـــاء امثال اوزي.

ههههههههههه

الواحد تعب من أه كل خدمة جديده يقول اه يحشوه لرتاك حشي صح لكن ما عندك ما تقول إلي ربي إصبرنا وبالك يجي الفرج
لين الواحد يحلم بنت أمس نحلم سرعة الإتصال في ليبيا 1 ميجا وسعر 30 دينار في الشهر والترافيك غير محدود إنوض عرق مفجوع الساعة 6 الفجر إنخش للنت عشان نتأكد من الموضوع ههه
والله غالب
عندي سؤال
انا sent بس علي adsl لكن المشكلة هيا هيا متاع الياهو ولمه إنخلي السنت علي dailup برضه نفس المشكلة لانه الريسيفد عندي علي dsl شركة أبن سكاي يعني مافيش حل
والله المشكلة أساساً من sent
تحياتي علي الموضوع إللي الواحد فش فيه خلقه من قريب عشرة سنين وهما يحشو فينا من dailup للadsl
وصبر

ومن يومهــا حرمت لعب الكاونتر اون لاين وشديتهــا تكسير لوز علي الضعفـــاء امثال اوزي.

يعتبر رد خارج الموضوع .. لكن الفيديوات تشهد على من الضعيف .. :devilsmil

عندي سؤال
انا sent بس علي adsl لكن المشكلة هيا هيا متاع الياهو ولمه إنخلي السنت علي dailup برضه نفس المشكلة لانه الريسيفد عندي علي dsl شركة أبن سكاي يعني مافيش حل
والله المشكلة أساساً من sent

ممكن توضح اكتر .. يعني شخصيا نخدم ببرنامج استقبال عبر السات .. وارسال عبر ال ADSL
ومافيش اي مشكلة لا مع الياهو لا مع كروت الاتصال PC2Call .. وغيرها

ولكن معا هذا اشد على يد LTT فلولاها لما كنا ولاكان النت .. فتحية لمن يقدمون اجود الخدمات ...



هيجو ياولاد في نت وماشية الأمور ... :lol:


148.174

يعني خوي انا مشترك بشركة أوبن سكاي 256 كيلو الإرسال علي adsl وعندي مشكلة في كروت pc2call
و الياهو يعني المشكلة من الوكيل ونبي كان هذا قولي علي الوكيل الكويس ورخيص
انا سعر الإشتراك في الشهر 60 دينار
ومشكوررررررر

انه لما تتصل بالرقم هذا بيديرولك حل .. لا ترد عليك بنت في البدالة ماليهاش اي
علاقة
تقولك راجع الوكيل الي انت مشترك منه .. :eek: هذي توة شن تقوللها

قصدي من الاخير .. الشركة بارك الله فيها وكتر خيرها .. فاتحتلنا النت وتنصب علينا عيني عينك
ربي يخليها لينا يارب ... http://us.i1.yimg.com/us.yimg.com/i/mesg/emoticons7/4.gif



ولله كلامك صح وهاذي مشكلة بسيطة وتقابلك في أي قطاع حيوي في بلادنــــــــــــــــــــــا بس

ولكن معا هذا اشد على يد LTT فلولاها لما كنا ولاكان النت .. فتحية لمن يقدمون اجود الخدمات ...

أي والله...

يعني خوي انا مشترك بشركة أوبن سكاي 256 كيلو الإرسال علي adsl وعندي مشكلة في كروت pc2call
و الياهو يعني المشكلة من الوكيل ونبي كان هذا قولي علي الوكيل الكويس ورخيص
انا سعر الإشتراك في الشهر 60 دينار
ومشكوررررررر


ممكن نفس اللقطة الي صايرة مع ال LTT انهم مصكرين على الكروت
موجودة مع الاوبن سكاي حتى هي

جرب تغير اشتراك السات لاي شركة تانية
لكن قبلها استفسر واسئل جماعة الكافيات .. من الي يخدم عنده مليح ومن اللي لا ;)

انى مشتر ك فى الكفى نت اللى فى شارعنا الساعه بخمسين قرش والغالب فرى


وعادى الجو وان شاء الله تخش بعضها


هوا انا مالى

شيئ يبغدد

لكن خير من ما فيش

لما كان dail up كنتم ساكتين ولما غيرتو ال اي دي اس ال قعدتوا تتشقلعوا

شيئ يبغدد

لكن خير من ما فيش

لما كان dail up كنتم ساكتين ولما غيرتو ال اي دي اس ال قعدتوا تتشقلعوا

الديل اب يا امبحبح .. قبل مرة تشترك ومرة لا ... وعادي الجو .... بس الي تقهرك يا باشا ... انهم دارو خدمة

سريعة بحشية صح ... وبشروط تكسر الظهر .. جرب كل شهر ادير مزانية 60 دينار ... راح تفهم شنو معناها ..

مش فاهمينك يا معدنوسة
out.

لازم ايعبو بعدين أوكي اينقصو السعر زي ما صار في الداوووووووو السيلو والمدار وغيرهااااااااااااااااااا
أصلاً العالم كله بعدين ايكون النت مع الكهرباء زي ألمانيا توا

الديل اب يا امبحبح .. قبل مرة تشترك ومرة لا ... وعادي الجو .... بس الي تقهرك يا باشا ... انهم دارو خدمة

سريعة بحشية صح ... وبشروط تكسر الظهر .. جرب كل شهر ادير مزانية 60 دينار ... راح تفهم شنو معناها ..


بجديات يا معدن

شررررررررررروط تكسر الظهر

(http://www.awalnet.net.sa/Arabic/files/gitex_dsl.asp)http://www.awalnet.net.sa/Arabic/files/gitex_dsl.asp
(http://www.awalnet.net.sa/Arabic/files/gitex_dsl.asp)


(http://www.awalnet.net.sa/Arabic/files/awal_dsl_price_list.asp)http://www.awalnet.net.sa/Arabic/files/awal_dsl_price_list.asp
(http://www.awalnet.net.sa/Arabic/files/awal_dsl_price_list.asp)

امنمشى انلوح روحى فى البحر.....:cry:

ايه والله حد يوفر على روحه ويلوح روحه في البحر ياراجل تقول عايشين في القمر وهما الي عايشين في الارض توالله حالة

السلام عليكم ،،،،،

إيه بالله يا معدنوسة ، مع ان موضوع ال LTT لينا مدة نتباحثوا فيه ، و كل ليلة نقولوا توا نروحوا نكتبوه ، لكن ما يصيرش منه ، لان النية فى الكتيبة هاربة . ( أبصر وين مستخبية ) .

المهم ،،،،

قطاع الاتصالات يا ويلى منه ، ولى أمر لابد منه لكل الشعب من الافراد للشركات ..........

خلونا من كل ما فات و خلونا فى الحالى و ما هوا آت و نتكلموا ع ال ADSL اللى غير مفهوم النت بالنسبة للكثيرين ، اللى يخليك تغنى و تقول كنا فى جرة و طلعنا للبرة !! .

مع ان مفروض ان الاغنية نغنوها من فترة على الاقل 4 سنين فاتت ، لكن الله غالب ، ليبيا إمكانياتها محدودة و لولا مساعدات الامم المتحدة راهو مش لاقيين كيبورد نكتبوا عليها :p .


توا خلى بنخرط شوية ع ال ADSL المعجزة ، و من ليبيا يأتى الجديد ، و اللى لولا إنه إختراع قديم لكنا ضفناه فى ضمن عجائب الدنيا الثمانية .

طال انتظار ظهور عفريت ال ADSL مدة طويلة فمنذ منتصف ال 2004 و نحن نسمع انه سيطلع فى نهايتها او بداية 2005 ، ثم توالت الاشاعات ، حيث قال الكثيرون انه بيطلع فى شهر 3 و بعدين داروله شيفت ل 5 و بعدين طلعونا بفكرة الشباب اللى تجرب فى حياشهم و أغلبهم مهندسين فى الشركة و بعدين قعدنا نراجوا فى نتائج الاختبارات و التمحيصات مع ظهور اشاعات بفشل التجارب و انه تم إلغاء المشروع و و و و ...................... ظهر فى شهر الفاتح العظيم . ( يعنى طلع فى غمرة الإحتفالات فى بعيد الفاتح المجيد فى شهر 9 السنة الماضية )

و أخيراً طلع فى شهر 9 مدعين أنه خلق للإستخدام المنزلى .

طبعاً فنياً فقط ;) .

ما حدش يقدر ينكر ان 5 قيقا مش كافية بالنسبة لشخص عادى فى حوشهم جو ايميلات و تشات مع كمشة تصفح ، أما بالنسبة لوحوش الانترنت فالأمر مختلف !! .

طبعاً مادياً بالنسبة لمستخدمى المنازل ، و مقارنة قيمة 200 دينار( شاملة الاشتراك و اشتراك الشهر الاول 50 و المسخوط اللى يعطوا فيه فى طبق الدحى ) بمراتبات جل الموظفين فى الدولة اللى يتبعوا لقانون 15 . فالنتيجة حتكون صفر لصالح المواطن العادى و 200% ربح لشركة ليبيا للإتصالات للتقنية ، و اللى هدفها بكل تأكيد توصيل التقنية لكل بيت و شركة ;) .


بكل بساطة الشركة تطلب فى مبلغ 200 كمرحلة أولى للتركيب ، و هادى تشكل مرتب موظف على مدى شهر ، يعنى لو ان الموظف الكحيان باش يحصل فلوس اشتراك الشهر الاول خبزة و جبنة فى إحتمال كبير انه يوصل ل 200 دينار ، طبعاً الخبزة و الجبنة بيشريهم من مرتب مراته ;) .

طبعاً هذا أول الجوانب السلبية فى الموضوع ، ضخامة قيمة الاشتراك مقارنة بالمستوى المعيشى للمواطن الليبيى . ( سواء كان على مستوى موظفين او طلبة أو حتى اصحاب تشاركيات صغيرة ) .


توا بنعدد السلبيات الخاصة بال ADSL و اللى كلها متركزة فى الشركة و قوانينها و تكاليف الخدمة و التوصيل و الدعم الفنى .

1- مبلغ الاشتراك المبدئى كبير مقارنة بالمستوى المعيشى لمستخدمى الانترنت المنزلى .


2- مطالبة المشتركين بدفع غرامة 50 دينار فى حال عدم اشتراكم لمدة شهر و دفع قيمة العقد كاملة لو ما اشتركوش لمدة 6 شهور !! .


3 - نوع المودم اللى توفر فيه الشركة من النوعية الصكة ، مش من النوعية المليحة اللى تتحمل ضغط التصفح و الامور هادى !! مما يضطرك فى بعض الاحيان انك تفصله من ال USB و ترجعه من جديد باش يرجع يشتغل !! . إضافة لكونه لو ان فى تشويش فى الخط مرات ما يعلقش على العكس من مودمات ثانية تعلق و جوها مليح ( واجهتنى المشكلة هادى مع واحد من الشباب فى منطقة السياحية حيث تكثر الاذاعات فى خطوط التليفونات و درتله D-Link ADSL Router باش إنحلت مشكلته !! ) . فى عام 2006 و مازلنا نعانوا من التشويش و صوت الإذاعة فى خطوط التليفون فى وسط البلاد ، تى و الله الا مشكلة قسماً بالله .

على فكرة فى بدائل فى السوق تقدر تشرى و تجرب و انى ننصح بهذا .........
3Com® OfficeConnect® ADSL Wireless 11g Firewall Router ...
Or D-Link ADSL Router .

و فى حاشاكم LinkSYS ADSL2MUE تبيع فيه شركة الفلك ، ينضرب بكل سهولة و سعره غالى ، ما ننصحش اى واحد إنه يغامر و يشريه تحت أى ظروف لانه حينضرب منك !! .

4- عدم وجود اى توافقية بين البريد و شركة LTT ، يعنى مرات يعطلوا باش يفتحولك ، يقولولك المقسم ما يردش ؟؟!!! شنو لعب عيال هى ، و عادى ممكن تراجى حتى بالشهر لين يفتحولك !!
هذا غير أخطاء التفعيل و التركيب من المقسم ( طبعاً فى بداية فتح الخدمة كانت بالهبل لين تشريش شعرك ) لكن توا تحسنت الامور و مازالت المشكلة الرئيسية هى التعطيل متاع المقسم و انت و حظك يا فتحولك بعد 3 ايام يا بعد 3 أسابيع .

5 - الدعم الفنى فى الشركة فى بعض الأحيان يكون كويس ، و لكنه ع الاغلب عبيط للغاية و تحدث فيه أخطاء لا تغتفر و لو فى دولة ثانية راهو رافع عليهم توا ستين قضية لكن الله غالب ازمط ريقك و اسكت .

من بين الاخطاء و العثرات انى طلبت تحويل رقم تليفون اشتراك الى رقم تليفون أخر ، بالفعل تم التحويل و التفعيل من جديد و الرصيد و كل شى تمام ، لكن طبعاً لما جيت نجرب فى الليل اكتشفت ان الاشتراك ما يخشش ، و من خلال تفكيرى قلت اكيد الشباب ما غيروليش رقم التليفون فى المنظومة المسئولة عن التحقق من المشتركين .
طبعاً اتصل ثانى يوم و راجى و بعدها اااااااااااااااااااااه يشتغل توا .

و فى واحدة ثانية حتى هى اتصلوا بيا قالولى الاشتراك شغال و بعدها لما جيت نجرب من خلال الموقع ما باش يخش الاشتراك اتصلت بيهم و بعد ربع ساعة ع التليفون اكتشفوا ان اليوزرنيم مدخلينه فى المنظومة غلط مش نفس اللى طالبه انى و موافقين عليه فى الأول !! .

6- اتخاد الشركة لعدة قرارات فجأة و دون تبليغ لا للوكلاء او تحديث الويب سايت فى الوقت المناسب ، يعنى موضوع تغيير الرقم السرى من 1111 الى اول اربع خانات فى رقم البطاقة او جواز السفر المدون فى عقد المشترك طلع بعد يوم او يومين فى الويب سايت و مفيش واحد فى خلال هادى الفترة من الوكلاء عنده علم بالقصة خلال تلك الفترة ، انى طبعاً نحساب المنظومة تخرط او عاطلة لين عرفت القصة بعدين .

7- أغلب الأحيان لما تفشل عملية توصيل الخدمة ليك ، طبعاً الشركة غير ملزمة و البريد غير ملزم و كلها تخلى مسئوليتها ، و حتى تنظيم القاعدة يخلى مسئوليته و كلها تنفض جيبولها و ما عنداكش عندنا ايتها حاجة ، و تطلع بريئة منك براءة الذئب من دم إبن يعقوب !!!

لا البريد يبعثلى فنى يشوف المشكلة بالك من الخيوط او يغيرولك المسار او يشوفلولك التوصيلات الخارجية !! ،و لا ال LTT تحاول تكلم البريد ع الموضوع ، يعنى انت ملزوم بروحك !! .

8 - فى حال انتقالك من مكان لمكان او رغبتك بتحويل رقم التليفون لرقم ثانى ، فأنت مطالب بدفع 100 دينار فى المقابل .................................................. هلببببببببببببببببببببببببببببببة !! .

9- كروت ال 100 دينار مش متوفرة بشكل كافى ، يعنى حتى أكبر الوكلاء لما تقوله نبى نجدد 6 شهور يلوحك 10 كروت و يقولك برا هيج !! .

10- مفيش امكانية من معرفة هل الكرت مستعمل او لا ، لان مرات تتلخبط أثناء تعبئتها و ما عندكش حل الا انك تجرب تدخله لاكثر من مشترك و اللى تزبط معاه تمشى تاخد فلوسك منه !!
طبعاً باش تقولى اتصل بالشركة ، هادى تبى قصة طويلة ................ .

11- عدد المحاولات الخاطئة فى تعبئة الرصيد يفترض انه يوقفنى عن التعبئة لمدة نص ساعة او ربع ساعة و بعدها نحاول من جديد مش يسكروا عليا لين نتصل بالشركة باش يديرولى ريست للأكاونت !! .

12 - Shared IP !! يعانوا منها هلبة شباب فى التحميل بالنسبة ليا عادى ،لأن مرات تصدف موقع يدير بلوك ع واحد من الايبيات يشموا الشباب فيها زواق اللى يمصوا من الرواتر اللى صاير عليه البلوك و فوق من هذا لقطة مواقع التحميل اللى تدير ليمت فى التحميل من خلال تسجيل ارقام الايبى الخاصة بالمحملين منه زى الميجا ابلوود و الرابيد شير !! .

13- للأسف الشركة ما تقدرش فى الناس و لو بقدر بسيط من ناحية ان فى بعض الاحيان تنقطع الخدمة بالساعات ، و ترجع و ما فيش تعويض و لو معنوى للمشتركين !! إضافة لكونه بدون إندار مسبق . لكن نتأمل إن يتغير الوضع فى المستقبل للأفضل و يكون فى تعويض عن ساعات الانقطاع و الامور الثانية . و تخفيضات فى كل فترة و فترة و جوايز و سحوبات للمشتركين ........ و غيرها من الامور اللى تروج للخدمة باش تكون فى كل بيت .

من الاخير قصصصصصصصصصصصةحزينة للمليون و راضيين و صابرين و متحملين و نشوف فى مصر و تونس يهيجوا و جوهم مليح كونيكشن مليح و اسعار منافسة و هلبة شركات و جوائز غير اشترك يا سويدى !! أوه سورى انى سويسرى لانى أحد أفراد الشعب السويسرى !!

14- فى أشياء نسيت ندكرها بخصوص ضعف الدعم الفنى و ما فيش داعى نقعد نعاود نرتبت فى الترقيم من جديد و هى إستهتار بعض البنات المتواجدات كدعم فنى ، و انشغالهم بالهدرزة و النت و فى بعض الاحيان يخلوك تراجى بالربع ساعة و مرات انت تبدا تتكلم من موبايل معناها قول زوا عليه الفيل الرصيد
و لما تسال على هديكا الحاجة يقولك البنت المختصة بالشى اللى انت تبى تستفسر عليه يقولولك عندها حالة وفاة و ماجتش و المشكلة ان ما فيش حد يقدر يستلم مكانها !!

ناهيك عن ان مرات يقولولك الشبكة عندنا مقطوعة أو ما عندناش نت !!
تقوللها عاوديلى يا باش مهندسة لما تنحل المشكلة او كذا ، ما يعاودلك حد بحجه ان مفيش امكانية للاتصال بيك ، و كان يفترض ان خدمات الدعم الفنى الخاص بالشركة تكون إما ارقام مجانة او يديرولك كوول باك و يرحموك شوية !!

مشكلة من الاخير !!

15- منبيش نحكيلكم ع العقد المبرزم اللى لو اجتمعوا على خاطره الحلفاء و النازيين و حلف الناتو و حلف محسن السليطة فلن يستطيعوا أن يأتوا بمثله !!

كله فى صالح الشركة و ما تتحملش مسئولية أى شى ، و انت مسئول امامنا و أمام القضاء عن كل شى أو اى مخالفة لشروط العقد !!

و كل الشروط تصب فى مصلحة الشركة ، يعنى لو مثلاً درت تشك على تليفونك و لقيته فى منطقة التركيب ، و ما ركبش لسبب ما ، فالشركة غير ملزمة بأى مصاريف او ترجيع فلوس يحطهولك ساعات او برا دور حد تغيرله رقم الخدمة عليه و تاخد فلوسك منه ، يعنى انت بتعول علي روحك و هما يحطوا الفلوس فى الماكينات يتأكدوا منهم و يدسوا فى الخزائن و الجو مليح !! .

16- التباطئ الشديد فى الشركة من ناحية تجديد الموقع و اصدار الكروت التعبئة اللى واضح انهم كانوا جاهزات من ايام ذات العماد !! و نقعدوا غر نسمعوا فى الاشااعات و نصدقوا و خلاص ........ المفروض العملية اتم بأسرع من هكى ، يعنى لتوا ال Business ADSL مازال لتوا ما طلعش بعد مرور مدة كافية على صدور الدى اس ال المنزلى ؟؟ .


17 18 19 20 عيييييييييييت :p و فكونى من الأخير خير ما يقصوا عليا النت :D .

سلامات و نشكر إذاعة الهندسة نت اف ام لاتاحة هذه الفرصة و من نصر الى نصر و الكفاح الثورى مستمر ;) .



الكلام المذكور فوق طبعاً مش من باب حقدى ع الشركة أو التهجم عليها أو حاجة من هذا القبيل ، بس رغبة منى من إن الشركة تقوم بتحسين خدماتها باش تكون فى المستوى المأمول منها ، و جعلها الله فى خدمة الوطن و الموطن و إن شاء الله ربى يوفق الدكتور محمد معمر القذافى في مهمته من أجل توفير التقنية للجميع بأحدث الطرق و الوسائل و أرخص الاسعار و أقرب فرصة .

والله إلى قصة الدى أس أل أهو وال 5 جيجا مش سادات

أنا كذا ضميرى ،إستريح ;) . الواحد يقدر يرقد و هوا متهنى و يمارس حياته طبيعى زى أى إنسان طبيعى مولود طبيعي من اب و أم و خوت طبيعيين ;) .

سلام :devilsmil

منور LibyanBoy علي النقاط الحلوة .

عندكم علم ان فلسطين راح تكون سادس دولة تشغل النت على خطوط الكهرباء
وحنى adsl قاعد مش مغطى طرابلس
امتى بس بتصحى الشركة

انا كذا ضميرى ،إستريح . الواحد يقدر يرقد و هوا متهنى و يمارس حياته طبيعى زى أى إنسان طبيعى مولود طبيعي من اب و أم و خوت طبيعيين .

ههههههه لا قول كـــان مازال خــاطرك في حاجة.

بصراحــة اذهلني السرد الواقعي والمميز ((اللي واضح انه من واقع خبرة)) لاغلب سلبيـــات خدمــات شركــة الــ LTT طبعــا اكيد الكل يتمنى ان الحــال يتغير ونبدو نعدو علي الاقل في خمسة ولا ستة ايجــابيات قدام العشرين نقطة اللي قلتهم ,,, حتى دلك الحين اعتقد ان النقد الهــادف والبنــاء قد يحسن من الوضع مع مرور الوقت طبعــا مع اقتنــاعي التام بان الكلام بعيد علي بعضه وانه لا حيــاة لمن تنادي. لكن مع هدا نتفائلوا بالخير وان شاء الله الحــال يتحسن.

أي والله...
أي والله
اي واللـــــــــــــــه
أي واللــــــــــــــــــــــــــــــــــــــــــــــــــــــــــــه


أي أي أي أي ياللـــــــــــــــــــــــــــــــــــــــــه !!!!!!!!

أنا كذا ضميرى ،إستريح ;) . الواحد يقدر يرقد و هوا متهنى و يمارس حياته طبيعى زى أى إنسان طبيعى مولود طبيعي من اب و أم و خوت طبيعيين ;) .

سلام :devilsmil[/QUOTE]


برد ت علي قلبي


إلكترونياً ومادياً وواقعيـاً

ياودي توا اني ليا ثمانية ايام في الاشتراك الجديد وصت حارفلي 1,421.267 والصراح مستمتعتش ب 24 ساعة الي يهدرزوا بيها الشركة فبالله شني الحل فوالله عندك حق يا babow 5-13 ايه والله ايه والله

السلام عليكم،،،

حبيت نشكر فى ردى هذا الأخت المهندسة خديجة فى قسم الدعم الفنى ، فهى بالفعل مثال التفاعل الحى و المثمر بين الزبون الشاكى الباقى و الشركة ;) .

كل ما نتصل بيها بارك الله فيها تساعد فيها فى هلبة مشاكل و أخطاء ( و أغلب الاحيان بشرية من العاملين فى الشركة ) و تقولى ديمة الاخطاء هادى ما تصريش الا معاى ، شكلى اسكرونى و نبى غطسة فى العجيلات !!

و شكراً لتفاعلكم مع الموضوع :) .

بس المفاجاة الكبري راح اتكون 20+30 = 49.99 دينار

تي اتقول عادي راح يفتح

وفجاة مش راح يفتح الاشتراك .. لوين ما تاخذ كرت ثاني

تي كيف الكلام هذا بالله عليكم ... معقولة شركة طول وعرض .. ومنظومة الكترونية لتعبئة الرصيد

وتغلط في كسور ومش راح ينفتح الاشتراك .. والمشكلة الكروت منهم وكل شئ منهم تي لمتي هالاستغلال

قبل الواحد طامع انه الترفك يزيد اكثر ... ومش هكي بس الطمع امتعنا كان .. انه يكون غير محدود اساسا

وانه الاشتراك يرخص اكثر من هكي

الواحد ينصدم انه الاشتراك متلخبط ... وصاير لخبطة في كسور .. وعدم توفر كروت 50 دينار لشتراك

اليوم صارلي نفس الموقف :devil: :devil: :devil: ..

يعني كدب عيني عينك و فلوس حرام ياكلوا فيهم على قلوبهم..

لما تجي بتشترك يقولولك تدفع شهرين 60 و الشهر الثالث 30 ..

و لما تجي بتخلص تلقاها الدوا مقلوبة..

و لما تخش لموقعهم تلقاه معبي دوة..

و هدا ما عندهم الليبيين غير الدوة..

:bad: :bad: :bad: :bad: ..

باهى شنو رايكم فى اهياااااا

الصورة أهيا جديات ومن أشتراكى أخره

http://up.c-ar.net/06/04/1d20.jpg

احم احم ....


قصدي متاكد من هالصورة :eek:

راهو كلام غليظ هكي :|

احم احم ....


قصدي متاكد من هالصورة :eek:

راهو كلام غليظ هكي :|

ومافيهش أحم أحم

شوف واحد موثوق فيه فى المنتدى

بصراحة انا أثق ب Crazy و دونيرود و hilcompany أو ماريو وأ zadee 2006

وأنا نعطيه اليوزر والباسورد ويخش يشوف بروحه

شنى رايك

وقولى شنى حالك بعدها أوكى

الصورة هادى خديتها بشكل شخصى من الأكاونت مباشرة

يعنى حقيقية 100% من غير لا تعديل لا رتوش لا زواق لا ماطور مخدوم !!

http://img288.imageshack.us/img288/2739/abdallahadsl3mg.jpg

شكله صاير خرطة فى المنظومة !!

لكن شوية و توا يفيقوا بيها ، زى ما صار مع واحد صاحبى لقاهم زايدينه رصيد و بعدين نحوه منه ، مش مشكلة تصير فى أرقى العائلات ;) .

الغريب ان حتى الترافك متوقف عند قيمة معينة يعنى الخرطة مدايرة زى الستك فى الكاونتر من الاشتراك !!

و عجبى يا لا للى آمان !@!!

الامن مستتب والامور ماشى حالها والداون لود ماشى

http://img247.imageshack.us/img247/2723/adsl0zt.jpg

أنى كان غر نفهم شنو مشكلته المودم النفخ هذا ؟؟!!

يخدم لا بيه لا عليه ، و وين تكتر عليه يصيرله مسكين ، و ما يعلقش لين تفصله من ال USB و ترجعه من جديد باش يرجع زبيطة !!

شكله يبى الواووا جيب الواووا بوس الواوووا باش يخدم مليح ;)

http://img247.imageshack.us/img247/2723/adsl0zt.jpg

أنى كان غر نفهم شنو مشكلته المودم النفخ هذا ؟؟!!

يخدم لا بيه لا عليه ، و وين تكتر عليه يصيرله مسكين ، و ما يعلقش لين تفصله من ال USB و ترجعه من جديد باش يرجع زبيطة !!


عدى كلم الشركة عالمشكلة توا أيقولولك أمشى عدى غير الماوس هوا إلى داير مشاكل :D

عدى كلم الشركة عالمشكلة توا أيقولولك أمشى عدى غير الماوس هوا إلى داير مشاكل

:lol: :lol::lol: :lol::lol: :lol:

منور يا مراجع ;) .

شنو تبيع الاكاونت يا مراجع ...

بيع يا مراجع :lol:

شنو يا M3dfx شفت بعينك ولا انزيدك صور اخره

زيدهم علي ما بيهم

يفصل عندكم كلكم المدة هذي .. والا شن قصة ال ADSL ابدي نفخ http://us.i1.yimg.com/us.yimg.com/i/mesg/emoticons7/45.gif

تى هوا اصلآ المودم لى تعطيه فيه الشركة صكه......

شنو يا M3dfx شفت بعينك ولا انزيدك صور اخره

من الاخير واضح انه خرطة مش عادية


ولو ركزت في المدة .. راح تلقاها شهرين مش شهر ...

يعني انت الملفوق .. مش انت الرابح ... هيا هيا :D

يفصل عندكم كلكم المدة هذي .. والا شن قصة ال ADSL ابدي نفخ

فصل لا ميفصلش

بس مكثر Request time out :|

كونكشن##### من الاخير بدا :|

تى هوا اصلآ المودم لى تعطيه فيه الشركة صكه...... ههههه يزلبحو فينا :lol:

يفصل عندكم كلكم المدة هذي .. والا شن قصة ال ADSL ابدي نفخ http://us.i1.yimg.com/us.yimg.com/i/mesg/emoticons7/45.gif

مكثر على ما وصوله اليومين هادم !!

لاحظت ان تطلب صفحات و حاجات ،تلقى المؤشر متاع ال ADSL Monitor السهم الاخضر داكن دليل على ان مفيش طلب و استقبال و هو روح ام الطلب و لااستقبال ، لين فجأة تلقاه نشط و تنعشش ، نفخ فيه الروح من جديد و عاد للعمل !!

و الخرطة الثانية اللى ملاحظها ليها حاجة اقل من اسبوع إن الديلى متاع البنق زايد عن الحد المطلوب ب 4 الى 3 مرات فى بعض الأحيان

يعنى زمان كان 80 - 100 ملى سكند الديلى ، توا حالياً فى رينج ال 300 -450 ؟؟

ممكن صاير ضغط ع الباندويذث الخاصة بالشركة أو عندهم مشكلة ؟؟ الله أعلم !!

راجو حلقة كونان متاع الاسبوع الجاى ممكن يكتشف اللغر :lol: .

و هادى واخدها من شوية !! .
http://img207.imageshack.us/img207/4199/pingadsl2xc.jpg .

سلامات ;) .

البـــاين رسمي ضعيف الخط عندك خوي LibyanBoy ..

درت Ping علي نفس سيرفر قوقل وهده النتيجـــة..

http://img227.imageshack.us/img227/9008/2e25ma.jpg

لكن بصراحـــة البينق علي سيرفر اخر من غير سيرفر المصدر لايعتبر مؤشر صحيح علي السرعة لانه السيرفر الثـــاني ((قوقل مثلا)) احيــانا يكون عليه ضغط في الوقت اللي تجرب فيه انت..ومتقدرش في نفس الوقت ادير بينق علي سيرفر الــ تي تي لان لو مجموعة كبيرة من النــاس دارو بينق علي السيرفر وفي نفس الوقت السيرفر حيضعف وممكن ينضرب بكل. :cool:

وأنا درت PING لنفس الموقع GOOGLE

وهذى الصورة
http://up.c-ar.net/06/05/3541.jpg

KODHACK .. تخدم بـ Sat ؟؟



هذا كله والحمدلله عندنا شركة اسمها Ltt .. http://us.i1.yimg.com/us.yimg.com/i/mesg/emoticons7/6.gif

هذا البنق تبعي ؟ شنو يصير مني؟

http://img206.imageshack.us/img206/2868/wesmsisping2ux.jpg

ايه دلع عاد انت .. :D

الوضع إزداد سوء ، ففى الوقت الحالى الساعة 1 الظهر بتوقيت الجماهيرية !!!


http://img132.imageshack.us/img132/5124/newping5aj.jpg

و الغريب فى الأمر إن أمس فى ساعة متأخرة من الليل بعد رقدوا 99% من الشعب الليبيى رجعت الامور لطبيعتها و الامور ولت فى رينج ال 80 -95 !!

شكله مؤشر على حدوث اختناقات فى الباندوويدث للشركة و حنشهد عما قريب ساعات رش أور و اف بيك أورز ;) .

يلا ، قاعد خير من الدايل اب المصدى !!

ياراجل هم يخليك تلهد على قنفود :lol:

http://img70.imageshack.us/img70/5006/speed6ip.jpg


هذا الكونكشن الي عندي

والحمدلله تمت ايام الLTT :)

kyubi .. كرهتك وخلاص .. :mad:

من ليبيا ياتي الجديد

الوضع عندي ياسلام وليا فوق 8 ايام مافصلتش الكونكشن .. وربي ايخلي LTT وخلاص هي ..

وهاذي صورة للبنج على سيرفر الجوجل ..

الساعة 02:00 ظهراً .. :eek:

http://www.7wy.com/uploads/edc3740218.jpg


وربي يستر وخلاص ..


148.174

ربي يستر ياجماعة وخلاص

1.43 ميقــا ترانسفير ريت...http://us.i1.yimg.com/us.yimg.com/i/mesg/emoticons7/102.gif

KODHACK .. تخدم بـ Sat ؟؟



هذا كله والحمدلله عندنا شركة اسمها Ltt .. http://us.i1.yimg.com/us.yimg.com/i/mesg/emoticons7/6.gif


لا لا لا من غير سات
ADSL وبس ومودم SAGEM

KODHACK .. امالة رسمي البينج عندك صايرله .. :eek:

علاش يا اوزي تكرهني :eek:

تبي اي حاجة تنزلها ادلل .. :)

المهم للعلم .. لو انزل ال 5 قيقا باندويت الي محددتهم ال LTT

راح انزلهم خلال ساعات الا شوية :lol:

kyubi ... مافيش كيف اديرلنا شير .. http://us.i1.yimg.com/us.yimg.com/i/mesg/emoticons7/4.gif

kyubi ... مافيش كيف اديرلنا شير

انديرو شراكه فى خيط نت وررك طووووووووويل من عنده لعندنا وانشدوها داون اود وخلاص معاه .. :lol:

ونطلبو تعويض من LTT جني حق الخيط .

148.174

احرقتولي دمي .....................


الله المستعان فيكم

نقعد علي الديل اب خيرلي ....

http://img197.imageshack.us/img197/9516/ping8pr.jpg


علي راي ويسموس ... فوضي :confused:

السلام عليكم ورحمة الله وبركاته

الحمد لله الذي هدانا لهذا وماكنا لنهتدي لولا أن هدانا الله ...

يقول المتل كان بتستريح شوف للناس الي تحتك.. يعني الي طايحة عليهم اكتر منك..

لكن انا شوفت تحتي لقيت قعر الصونية ... يعني الي فوق كلهم يشبحولي باش يستريحوا ...

ADSL ?? :waw:


وينه ؟ وينه؟؟


قصدي مازال ما جانا :rolleyes:

والله شكلكم خوفتونا منها الدي اس ال
قالو بيفتحوها في مصراتة في الصيف هذا وفرحنا ونستنوا فيهل
لكن مادام هكي يا ودي بلاش منها خلينا عالدايل اب وما نبوش تطور
التطور موش لينا خليناه للسوادين والكنديين والناس التانية
بالله معقولة هكي ؟ نصب عيني عينك؟
عندهم حق لأن مافيش منافس هذا علاش يحتكروا في الخدمة لأن ما فيش غيرهم.
ومش غريبة ليبيانا تنصب علينا والمدار والبريد كلهم لأنهم شركة وحدة وعصابة وحدة كلهم يتبعو لشركة ليبيا للإتصالات.
والمشكلة حتى جماعة الساتالايت ضحكوا علينا (قصدى الانترنت عبر الاقمار الصناعية) ما نجحتش لأنهم يستغلوا في الخدمة ويوزعوا في الإشتراك الواحد على كم مشترك.

لا حول ولا قوة الا بالله

قاطعوا ليبيانا
قاطعوا إل تي تي

وااااااااااك ياهمى وااااااك...

المشكلة خدمات الشركة من ناحية الاسعار مفيش مقارنة بكل ....يعنى من هلبا نواحى ..

1. الترافك 5 ميجا قلنا عادى تعودنه على معش إنديرو هلبا دونلود.
2. السعر المبالغ فى يعنى 50 دينار فى الشهر .. مقارنه مع المعاشات فى ليبيا.
3. السعر الخيالى لكل 50 ميجا اضافى :eek: و لى صارتلى على خاطرها مشكلة و ملقيتلهاش حل منضومة ملخبطة ..

http://img254.imageshack.us/img254/1562/dnmsumt0vq.jpg

هذى صورة ملقيتلهاش تفسير يعنى فاضل 30 ميجا و حسبولى 50 اضافى كيف الله اعلم :rolleyes:

4. المفروض فى كروت 50 مش كل مرة نمشى ناخد 2 متع 30 و يريت حتى الكروت صح الرقم إلى عليهم مكتوب 199 و هوا فى الاساس 116... نفس العيب متع كروت ليبيانا يعنى اكيد من نفس المصدر ...

5. عيب ان الناس كلها نفس ال IP adresse .
6. الياهو مسنجر إلى هبلنى لا تقدر تضيف واحد ولا تغير الصورة... ديما نمشى للدايل اب نضيف و نرجع للدى اس ال...

و مشاكل ثانية لا حسرا لها ... منها ان المودم فسد هكى و خلاص .... لكن الحمد الله حصلت على واحد من صديق .. :good:

مفيش منافسة مفيش تتطور مفيش رخص فى الاسعار

يعنى يلعبو و ينصبوا علينا زى ميبو .. الله غالب,, لكن محتاجين النت ...

سلامات :devil:

طبعا خليك من البرامج المهمة زي برامج المشاركة اللي ما تقدرش تستعملها مع الدي اس ال متعنا زي الكازا والوين ام اكس و ......الخ .

يعني بسب الــ LTT انت خسرت اللعب ووليت الحلقة الاضعف في اللعبة..!!
واني صارلي موقف زي هدا لمــا حاولت نلعب الكاونتر سترايك اون لاين من الاخيــر مسحوا بيــا وطلعت مقهور كسير الجنــاح محطم الفؤاد ومن يومهــا حرمت لعب الكاونتر اون لاين وشديتهــا تكسير لوز علي الضعفـــاء امثال اوزي.

يعني بغض النظر عن الخسائر المادية المباشرة هده الشركــة تسببلنا يوميــا في خسائر معنوية ونفسيــة وممكن حتى مشــاكل عاطفية .. منهم لله.


خليك مني اني اللي شريت جهاز ريسيفر بــ465 دولار باش نشغله بنظام المشاركة لفتح الباقات الفضائية وبعدبن لما جيت نخدم فيه لقيت كل شئ ماشي تمام ترا شنو عفس فيا .......طبعا ما فيش عفسة زي الدي اس ال لانه لما ندير اتصال باي واحد هو ياخذ مني البيانات اللي يبيها واني ما يجيني شي يعني نقعد نصفق وطبعا اضافة لسعر الريسيفر سعر الاشتراك وسعر كرت الشبكة وسعر الكيبل يعني كله خسارة في خسارة ...

بعدين قلت المهم عندي انترنت سريعة لكن جيت نجرب في شوية برامج متع مشاركة ( sharing ) زي الكازا والوين ام اكس و البيرشير .....وللاسف لقيتها كلها ما تخدمش لان الايبي واحد ....
وهذه الفالطة لقيت انها خلتني ما استفدتش من الانترنت الا في التصفح بس ...

معيشينا في مغامرات .. :lol:

اكيد LTT حاجة كووووووووول

حتي شوفو البنارات :lol:

http://www.lttnet.com/images/arabic_r3_c6.jpg

بجديات حاطين العالم بين ايدينا :rolleyes:

http://www.lttnet.com/images/arabic_r3_c1.jpg



التفوق علي ايييييييييييييييييييييييييييييييييييه يا حسرة :devilsmil

هههههههههههههههههههههههههههههههه حالا وخلاص مطورييييييييييييييييييييييييييين

http://img55.imageshack.us/img55/2779/lttshit7fn.jpg

واااااااااااااك واااااااااااك زى الحلم هذا كل يوم :p

:lol: ...... . .

قوية يا دارك :lol:

وووووك من هالشركة ووووووك لا ترحم لا تخلي رحمة ربي تنزل

كانهم ميبوش يديروا حاجة زي الناس , ماهوا يخلوا الشركات الأجنبية تخش

و الياهو قداش ما بهدلني , لين فته و غيرت علي الTrillian و توا ماشية الأمور


ربك يلطف بينا و خلاص :devil: :devil: :devil:

لينا الله وخلاص .. :rolleyes:

ان شاء الله خير :|

و شد عندك المشكلة الجديدة هذي , حتي الFTP ميخشش توا
لين نديرله بروكسي





حالة و خلاص!

و شد عندك المشكلة الجديدة هذي , حتي الFTP ميخشش توا
لين نديرله بروكسي





حالة و خلاص!

غريبة انى يخش عادى :lol: .و الجو مليح !!

لكن انت خودلك اللقطة هادى ، من مدة مخلى رصيدي فيه جو العشرين جنى ، هذا كانا مش عشرة أصلاً !!

المهم مبكرى درت عليه تشك لقيت فيه 50 جنى !!!

http://img177.imageshack.us/img177/8997/raseed0ml.jpg


حتى لو كانا عندى 20 ، فالمفروض لما ينضافلى 30 جنى بخطأ من احد الناس اللى جاية تعبى فى رصيد يولى رصيدي 49.9 و كسور ( إلا إذا كانا نحوها لقطة التروبين متاع العشرة قروش و الا مش عارف كم ) .

و زى ما قال صاحبنا للك*** حظوظ و نحن محظوظون ;) .

سلام :devilsmil

الحمد لله جددولى الاشتراك و الامور مشت مية مية !!

على فكرة فى خرطة فى المنظومة قوية للمليون !ّ!

صارت مع واحد صاحبى اعطيته زوز كروت باش يعبى رصيد و هو اصلاً كان رصيده صفر ، لقى ان الكرتين خشوا و تجدد ال ADSL لكن من غير ما يسحبوا منه شى !!

المهم اهو حصلنا منهم حاجة بلاش ;) .

:lol: .. الخرطة هذي صارت حتى معاي .. القيتهم ضايفين للرصيد 50 دينار سبحانيات :cool:
اهو ضمنت شهر تاني على الابيض .. (شكلهم يكفروا عن ذنوبهم :devilsmil)

ديرو دورة هنا


http://www.petitiononline.com/nolttnet/petition.html

السلام عليكم

بصراحة "ADSL " عقد اشياء واجد من بينها قصة الترافيك او الباندويت لكن الحمد لله انا مستريح من الدوشة هادي كلها ومشترك من ليبيا للاتصالات والتقنية بخدمة xDSL وسعة بيانات عريضة تتراوح مابين 1 Mbps و 1.5

والترافيك Unlimt اي غير محدود واضافة على هذا اشتراك مجاني .

الدوشة هادي كلها ومشترك من ليبيا للاتصالات والتقنية بخدمة xDSL وسعة بيانات عريضة تتراوح مابين 1 Mbps و 1.5

والترافيك Unlimt اي غير محدود واضافة على هذا اشتراك مجاني .


????????????????????????????????

شنو تقول ؟؟؟؟؟؟؟؟؟؟؟؟؟؟؟؟؟؟

عصابة احتكار يا خوي
لينا الله وبس

تحياتي

????????????????????????????????

شنو تقول ؟؟؟؟؟؟؟؟؟؟؟؟؟؟؟؟؟؟


الي قريته وكان تبي تتأكد ابعتلي رسالة وانا مستعد نخلك تشوف الشي هذا بعيونك حتى هوا الاتحاد العام الليبي لكرة القدم :lol: