درس فوتوشوب : حوب توقيعتك الي فيلم سينيمائي قديم

[ناموسة]

السلام عليكم
هذا الدرس طويل نوعا ما لكنه حلو
نبدو الدرس . بسم الله
1 ) نفتح الصورة اللي نبي نطبق عليها الدرس

2) نغيرو الوان الصورة الي الابيض و الاسود عن طريق الضغط علي Image > Adjustment > Hue/Saturation…تظهر لنا قائمة و نديرو التعديلات زي اللي في الصورة

3) توا ننسخو الصورة بالضغط علي لير الصورة بزر الفارة الايمن فتظهر قائمة نختار منها Duplicate Layer

نزيلو العين من اللير الاول بالضغط عليها بالفارة

العمل متعنا توا حيكون علي اللير المنسوخ
4) الان نبدا برسم عمود اسود في وسط الصورة عن طريق اداة Line Tool اللي نختارها من قائمة الادوات زي في الصورة


5) توا نديرو فلتر للعمود عن طريق الضغط علي Filter> Stylize > Wind و نديرو زي ما في الصورة



6) نغيرو لون العمود من اسود لابيض بالضغط علي Image > Adjustment > Brightness/ Contrast
و نديرو زي ما في الصورة



يتبع ......

[ناموسة]

7) توا نغيرو كثافة العمود بالضغط علي Opacity باي كثافة مناسبة

و هكي يكون الشكل


8) توا ننسخ العمود و في طريقتين للقيام بذلك
الطريقة الاولي هو الضغط علي اللير بالزر الايمن للفارة و اختيار Duplicate Layer

الطريقة التانية هي الضغط علي Ctrl + J فينسخلك العمود , بعدين تستخدم الفارة باش تحرك العمود في المكان اللي تبيه


نكررو الخطوة لين نحصلو علي 13 لير " اي 13 عمود متوزعين علي الصورة "


9) نضيفو فريم جديد باش نديرو فيه نقط و خطوط " زي الافلام القديمة" بواسطة اداة Pencil و نراعو ان يكون اللون المستخدم هوا الابيض و نقدرو نديرو لون اسود لكن في لير بروحه

10) نضيفو لير جديد و نديرو خطوط و نقط بحيث يكونو موزعات و بعدين نضغطو علي Edit > Transform > Flip Vertical

و بعدين نغيرو الكثافة و نخلوها اقل


يتبع .....

[ناموسة]

11) باش نديرو اضافة علي الصورة " التشويش متع الانتينة" نديرو الاتي
ننسخو لير الصورة مرتين

نديرو الافيكت متع التشويش للنسخة الاولي بالضغط علي Filter > Stylize > Wind و نديرو زي ما في الصورة

توا نديرو الافيكت علي النسخة التانية بنفس الطريقة مع تغير اتجاه التشويش


12) توا نمشو للاميج ريدي بالضغط علي هذا الزر

13) نديرو حوالي 9 فريمات و ذلك بالضغط علي الفريم الموجود و سحبه باتجاه زر متع Make New Frames في لوحة الانيميشن



14) توا الخطوات اللي نديروها في كل فريم علي حدا
في الفريم الاول نحو علامة العين من كل الليرات عدا اللير 1 , 3 , 11 , 12 و لير النقط البيضة

في الفريم التاني نخلو العين في اللير 2, 5 , 10 , و لير النقط السوداء
في الفريم التالت نخلو العين علي اللير 3 ,6, 9 و لير النقط البيضة و السودا نحوه
في الفريم الرابع نخلو العين في اللير 4 , 7 , 11 و لير النسخة الاولي المشوشة
في الفريم الخامس نخلو العين في اللير 1, 3 , 8 و لير النسخة التانية المشوشة
في الفريم السادس نخلو العين في اللير 5, 9, 12 و لير النقط البيضة
و هكذا لين نكملو العملية في الفريمات 9

15) توا نختارو الزمن المناسب ليهم بالضغط بزر الفارة الايمن باش تطلع القائمة


16)للتخزين نضغط علي File > Save Optimized As …
و هدي النتيجة


انشاء الله يعجبكم الدرس

[Sputnik]

السلام عليكم

مشكور على الدرس يا أخت ناموسة، وهذا تطبيق للدرس



في أمان الله

[المهمة المستحيلة]

درس راااااااااااااااااااائع شكرا ً لك جزيل الشكر ..